ବାଣିପଦା ନିକଟରୁ ଚୌଦ୍ୱାର ପୋଲିସ ହାତରେ ଧରାପଡିଲେ ୭ ଡ଼କାୟତ

ଓଡ଼ିଶା ତାଜା ନ୍ୟୁଜ୍ (୦୮ ଏପ୍ରିଲ ୨୦୨୧, ଗୁରୁବାର ) କଟକ :-  ଗତକିଛି ଦିନ ବ୍ୟବଧାନ ପରେ କଟକ କମିଶନରେଟ ଚୌଦ୍ଵାର ପୋଲିସ କୁ ମିଳିଛି ଆଉ ଏକ ବଡ ସଫଳତା ।ଚୌଦ୍ୱାର ଥାନା ମଙ୍ଗଳପୁର ବାଣିପଦା ରାସ୍ତାର ଏକ ନିଛାଟିଆ ସ୍ଥାନରେ ବସି, ଡ଼କାୟତି କରିବାକୁ ଯୋଜନା କରୁଥିବା, ଚୌଦ୍ୱାର ପୋଲିସକୁ ଖବର ମିଳିଥିଲା । ଏହି ଖବର ପାଇ ଚୌଦ୍ୱାର ଥାନା ଆଇଆଇସି ବିରଞ୍ଚି ନାରାୟଣ ପତି ଏବଂ ତାଙ୍କର ସହଯୋଗୀ ମାନେ ଘଟଣାସ୍ଥଳରେ ପହଞ୍ଚି , ଡକାୟତି ଯୋଜନା କରିଥିବା ୭ଜଣ ଅପରାଧୀ ଙ୍କୁ ଗିରଫ କରିବାରେ ସଫଳ ହୋଇଥିଲେ ।

ଏ ନେଇ ବୁଧବାର ଚୌଦ୍ଵାର ଥାନା ରେ ଆୟୋଜିତ, ଏକ ସାମ୍ବାଦିକ ସମ୍ମିଳନୀରେ ଯୋନ୍-୧ ର ଏସିପି ଅମରେନ୍ଦ୍ର ପଣ୍ଡା ଏଵଂ ଚୌଦ୍ଵାର ଥାନା ଆଇଆଇସି ବିରଞ୍ଚି ନାରାୟଣ ପତି ସୂଚନା ଦେଇଛନ୍ତି । ସୂଚନା ମୁତାବକ ଗତ ୬ ତାରିଖରେ ମଙ୍ଗଳପୁର ବାଣିପଦା ରାସ୍ତାରେ କିଛି ବ୍ୟକ୍ତି ଏକାଠି ହୋଇ ଏକ ବଡ଼ ଧରଣର ଡକାୟତି କରିବାକୁ ଯୋଜନା କରୁଥିବା ନେଇ ଚୌଦ୍ଵାର ଥାନା ଏସାଇ ପ୍ରାର୍ଥ ପ୍ରତିମ ବେଉରା ଖବର ପାଇ ଉକ୍ତ ସ୍ଥାନରେ ପୋଲିସ ଟିମ ସହ ଚଢ଼ାଉ କରି ୭ ଜଣଙ୍କୁ ଗିରଫ କରିବା ସହ ସେମାନଙ୍କଠାରୁ ଦୁଇଟି ସ୍କୁଟି , ଦୁଇଟି ବାଇକ , ଏକ ମହିନ୍ଦ୍ରା ବୋଲର , ୯ ଟି ମୋବାଇଲ , ଦୁଇଟି ଲଙ୍କାଗୁଣ୍ଡ ପ୍ୟାକେଟ , ଦୁଇଟି କଟୁରି ,ଏକ ବନ୍ଧୁକ ସହ ୫ ଟି ଜୀବନ୍ତ ଗୁଳି

ଜବତ କରିଛି । ସେମାନେ ହେଲେ କଟକ ଦରଘା ବଜାର ଅଞ୍ଚଳର ଫିରୋଜ ଖାନ୍ , କଟକ ସଦର ଥାନା କାଜିପାଟଣା ଗ୍ରାମର ଲାଲ ମିର୍ଜା ବେଗ , ଟାଙ୍ଗିଥାନା ସାଇଁଟୋ ଗ୍ରାମର ଇମ୍ରାନ ଖାନ , ଟାଙ୍ଗି ନାରପଡାର ଏସ କେ ଆଫ୍ରିଦ , କଟକ ଜିଲ୍ଲା ନିଆଳିର ଏସ କେ ଆଝାର ଉଦିନ , କଟକ ମଙ୍ଗଳାବାଗ ର ଇଂତିହାଜ ଖାନ , କଟକ ତିନିକଣିଆ ବଗିଚାର ବି ସାୟମ । ଏହି ୭ ଜଣଙ୍କୁ ଗିରଫ କରି ପୋଲିସ ବୁଧବାର କୋର୍ଟ ଚାଲାଣ କରାଯାଇଛି । ଏମାନଙ୍କ ନାମରେ ବିଭିନ୍ନ ଥାନାରେ ପୂର୍ବରୁ ଏକାଧିକ ମାମଲା ରହିଛି ବୋଲି ସୂଚନା ଦେଇଛନ୍ତି ଏସିପି ଅମରେନ୍ଦ୍ର ପଣ୍ଡା ।              କଟକ ରୁ ( ଅମୂଲ୍ୟ କୁମାର ବାରିକଙ୍କ )ରିପୋର୍ଟ ।