ବରଗଡ଼ ଜିଲ୍ଲା ଆନ୍ତଃ କ୍ଲବ୍ ବରିଷ୍ଠ କ୍ରିକେଟ ପ୍ରତିଯୋଗିତା ; ବ୍ଲୁ ଡ଼ାଇମଣ୍ଡ କ୍ରିକେଟ କ୍ଲବ୍ କୁ ଫାଇନାଲ ରେ ହରାଇ ବିକାଶ କ୍ରିକେଟ କ୍ଲବ ଚାମ୍ପିଅନ

ଓଡ଼ିଶା ତାଜା ନ୍ୟୁଜ୍  (୩ ଏପ୍ରିଲ ଶନିବାର ,ଶୁକ୍ରବାର ) ବରଗଡ଼ :- ବରଗଡ଼ ଓଡ଼ିଶା କ୍ରିକେଟ ଆସୋସିଏସନ୍ ପକ୍ଷରୁ ଭିଜନ ୨୦- ୨୪ ଆନୁକୁଲ୍ୟରେ ଜିଲ୍ଲା କ୍ରିକେଟ ଆସୋସିଏସନ୍ ପକ୍ଷରୁ ଚାଲିଥିବା ଆନ୍ତଃ କ୍ଲବ୍ ବରିଷ୍ଠ କ୍ରିକେଟ ପ୍ରତିଯୋଗିତା ରେ ବିକାଶ ଷ୍ଟାଡିୟମ୍ ରେ ଆଜିର ଫାଇନାଲ ମ୍ୟାଚ୍ କୁ ବ୍ଲୁ ଡ଼ାଇମଣ୍ଡ କ୍ରିକେଟ୍ କ୍ଲବ୍ କୁ ହରାଇ ବିକାଶ କ୍ରିକେଟ କ୍ଲବ ଚଳିତ ବର୍ଷ ପାଇଁ ଚାମ୍ପିଅନ ହୋଇଛନ୍ତି । ଆଜିର ଫାଇନାଲ ମ୍ୟାଚ୍ ରେ ଟସ୍ ଜିଣି ବିକାଶ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭର ମ୍ୟାଚ ରେ ୪୬.୪ ଓଭର ଖେଳି ଦଳ ୧୮୫ ରନ କରି ଅଲ୍ ଆଉଟ ହୋଇଯାଇଥିଲା।ଦଳ ପକ୍ଷରୁ ବଲ୍ଲଭ ଓଦାର ୪୭ ରନ, ଭବତୋଷ ପରମାଣିକ ୩୫ ରନ, ଶୁଭ୍ରାଂଶୁ ଶେଖର ସାହୁ ୩୯ ରନ, ସନ୍ଦେଶ ସୁହାସ ୨୨ ରନ କରିଥିଲେ। ପ୍ରତିପକ୍ଷ ବ୍ଲୁ ଡାଇମଣ୍ଡ କ୍ଲଵ ପକ୍ଷରୁ ମହମ୍ମଦ ସଲିମ ୩୦/୪,ସୁମିତ ରାଏ ୪୪/୩, ଅମରଜିତ୍ସିଂ ୩୩/୧ ୱିକେଟ୍ ନେଇଥିଲେ । ଏହାର ଜବାବ ରେ ବ୍ୟାଟିଂ କରି ବ୍ଲୁ ଡ଼ାଇମଣ୍ଡ ଦଳ ପ୍ରଥମ ରୁ ହିଁ ଲଗାତାର ୱିକେଟ୍ ହରାଇ ଚାଲିଥିଲା । ଦଳ ପକ୍ଷରୁ ରୂପକ ପ୍ରଧାନ ୩୮ ରନ, ପିନ୍ଟୁ କାଳସା ୨୭ ରନ, ପ୍ରବୀଣ ଲୁହା ୧୯ ରନ, ମହମ୍ମଦ ସଲିମ ଙ୍କ ୧୮ ରନ,ଅବିନାଶ ସିଂ ୧୭ ରନ କରିଥିଲେ । ଫଳରେ ଦଳ ୩୪.୨ ଓଭର ରେ ୧୪୬ କରି ଅଲ୍ ଆଉଟ୍ ହୋଇ ଯାଇଥିଲା । ବିକାଶ ପକ୍ଷରୁ ଭବତୋଷ୍ ପରିମାଣିକ ୧୮/୫, ନିଖିଲ ପାଢ଼ୀ ୨୮/୨, ପ୍ରଶାନ୍ତ ପାଇକରାୟ ୪୧/୧,ରାକେଶ ରଞ୍ଜନ କିଶାନ ୧୫/୧, ବଲ୍ଲଭ ଓଦାର ୧୧/୧ ୱିକେଟ୍ ନେଇଥିଲେ। ମ୍ୟାଚ କୁ ୩୯ ରନ ରେ ଜିତି ନେଇ ବିକାଶ ଦଳ ଚଳିତ ବର୍ଷ ର ଜିଲ୍ଲା ଆନ୍ତଃ କ୍ଲବ ବରିଷ୍ଠ କ୍ରିକେଟ ପ୍ରତିଯୋଗିତା କୁ ଜିତି ନେଇଥିଲା। ମ୍ୟାଚ୍ କୁ ଓସିଏ ପେନାଲ ଅମ୍ପାୟର ଅମିୟ ଭୂଷଣ ସାହୁ ଓ ଶୁଭ୍ରାଂଶୁ ଶେଖର ମହାପାତ୍ର ପରିଚାଳିତ କରିଥିବା ବେଳେ ସ୍କୋର ର ଥିଲେ ରଜତ ଦାଶ ଓ ମନୋଜ ପାତ୍ର ।

ପରେ ଜିଲ୍ଲା କ୍ରିକେଟ ଏସୋସିଏସନ୍ ର ସଭାପତି ହରିହର ପ୍ରଧାନ ଙ୍କ ସଭାପତିତ୍ବ ରେ ଓ ଯୁଗ୍ମ ସମ୍ପାଦକ ସଚ୍ଚିଦାନନ୍ଦ ପଣ୍ଡା ଙ୍କ ସଂଯୋଜନା ରେ ଅନୁଷ୍ଠିତ ଉଦଯାପନୀ ଉତ୍ସବରେ ବିକାଶ ଗ୍ରୁପ ର ଚେୟାରମେନ ଡି.ମୁରଲୀ କ୍ରିଷ୍ଣା ଓ ଜିଲ୍ଲା କ୍ରୀଡା ସଂସଦ ର ସମ୍ପାଦକ କିଶୋର କୁମାର ମିଶ୍ର ଅତିଥି ଭାବରେ ଯୋଗ ଦେଇ ବିଜେତା ଓ ଉପ ବିଜେତା ଦଳ ସହ ବିଭିନ୍ନ କୃତି କ୍ରିକେଟର ଙ୍କୁ ପୁରସ୍କୃତ କରିଥିଲେ। ବିକାଶ କ୍ରିକେଟ କ୍ଲବ କୁ ଚାମ୍ପିଅନ ଟ୍ରଫି, ବ୍ଲୁ ଡ଼ାଇମଣ୍ଡ କ୍ରିକେଟ କ୍ଲବ କୁ ଉପ ବିଜେତା ଟ୍ରଫି, ସୋହେଲା ଏଥେଲାଟିକ୍ ଏସୋସିଏସନ ର ରାହୁଲ ସାହୁ ଙ୍କୁ ଟୁର୍ଣ୍ଣାମେଣ୍ଟରେ ରେ ଶ୍ରେଷ୍ଠ ଉଦୀୟମାନ ଯୁବ କ୍ରିକେଟର ପୁରସ୍କାର, ପଦ୍ମପୁର ବୋରାସମ୍ବର କ୍ରିକେଟ କ୍ଲବ ର ଖେଳାଳୀ ଧରଣୀ ଧର ବାରିକ ଙ୍କୁ ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳୀ , ବିକାଶ କ୍ରିକେଟ କ୍ଲବ ର ବଲ୍ଲଭ ଓଦାର ଙ୍କୁ ଶ୍ରେଷ୍ଠ ବ୍ୟାଟ୍ସମ୍ୟାନ, ଅତାବିରା ଜେ. ୱା . ଏସ ଦଳର ଜିଆଉର୍ ରେହେମ୍ମନ ଙ୍କୁ ଟୁର୍ଣ୍ଣାମେଣ୍ଟର ଶ୍ରେଷ୍ଠ ବୋଲର ଭାବରେ ପୁରସ୍କୃତ କରାଯାଇଥିଲା। ଉଭୟ ଅତିଥ ଙ୍କ ସହ ସମସ୍ତ ଅମ୍ପାୟାର୍, ବିକାଶ ଷ୍ଟାଡିୟମ ର ଆୟୋଜକ ଙ୍କୁ ଜିଲ୍ଲା କ୍ରିକେଟ ପକ୍ଷରୁ ସ୍ମାରକୀ ଦେଇ ସମ୍ବର୍ଦ୍ଧିତ କରାଯାଇଥିଲା। ଉଦଯାପନୀ ଉତ୍ସବ ରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା କ୍ରିକେଟ ର ସମ୍ପାଦକ ରବି ପଣ୍ଡା, ଉପ ସଭାପତି ଶୁଭ୍ରାଂଶୁ ଶେଖର ମହାପାତ୍ର, କୋଷାଧ୍ୟକ୍ଷ ଗୁରୁଦତ୍ତ ଦାସ, ବରିଷ୍ଠ ସଦସ୍ୟ କିଶୋର ରଥ,ସନ୍ତୋଷ ପଣ୍ଡା,ପ୍ରଦୀପ ନନ୍ଦ,ନବୀନ ଲାଠ, ଚନ୍ଦ୍ରଶେଖର ପ୍ରଧାନ, ଅମିୟ ସାହୁ, ରଜତ ଦାଶ, ଅମ୍ପାୟର ପ୍ରଦୀପ ଦାଶ, ଶୁଭମ ପାତ୍ର,ବିକାଶ ଗ୍ରୁପ ର ଏକାଡେମୀକ ଡାଇରେକ୍ଟର ଡି. ବିବେକ , ଡାଇରେକ୍ଟର ଡ. ସମରେନ୍ଦ୍ରନାଥ ପଣ୍ଡା, କ୍ରୀଡା ଶିକ୍ଷକ ପିତାମ୍ବର ପ୍ରଧାନ, କ୍ରିକେଟ କୋଚ ଅଶୋକ ସିଂ, ଗ୍ରାଉଣ୍ଡସମ୍ୟାନ ପିନ୍ଟୁ ସିଂ ପ୍ରମୁଖ ଉପସ୍ଥିତ ଥିଲେ ।   ( ସତ୍ୟ ନାରାୟଣ ପ୍ରଧାନ ବରଗଡ଼ )