ଚର୍ଚ୍ଚାରେ ଆଜିମ : କେଉଁ ଝିଅ କୁ ବାହା ହେବା ପାଇଁ କରିବେ ହଁ

ଓଡ଼ିଶା ତାଜା ନ୍ୟୁଜ୍ (୩୧ ମାର୍ଚ୍ଚ ୨୦୨୧, ବୁଧବାର ) ଉତ୍ତର ପ୍ରଦେଶ,ଶାମଲି :- ଉତ୍ତର ପ୍ରଦେଶ କେରାନାର ଚର୍ଚ୍ଚିତ ଅଜିମ ମନସୁରୀ ନିଜ ବାହାଘରକୁ ନେଇ ଚର୍ଚ୍ଚାରେ ଅଛନ୍ତି। ଅଜିମଙ୍କ ଉଚ୍ଚତା ୨ ଫୁଟ ୩ ଇଞ୍ଚ । ନିଜ ବାହାଘର ପାଇଁ ଅଜିମ ସୋସିଆଲ ମିଡ଼ିଆରେ ମଧ୍ୟ ଗୁହାରି କରିଥିଲେ । କମ୍ ଉଚ୍ଚତା ଯୋଗୁଁ ତାଙ୍କୁ ଝିଅ ମିଳୁନାହାଁନ୍ତି । ସେ ମୁଖ୍ୟମନ୍ତ୍ରୀଙ୍କଠୁ ଆରମ୍ଭ କରି ଅଧିକାରୀଙ୍କୁ ବି ନିଜ ବାହାଘର ପାଇଁ ଅପିଲ କରିଥିଲେ । ତଥାପି ତାଙ୍କ ବାହାଘର ହୋଇପାରୁନଥିଲା । ଶେଷରେ ଅଜିମ ଶାମଲିର ଏକ ମହିଳା ଥାନାକୁ ଯାଇ ତାଙ୍କ ବାହାଘର କରାଇ ଦେବାକୁ ଇନ୍ସପେକ୍ଟରଙ୍କୁ ଗୁହାରି କରିଥିଲେ । ତାପରେ ସେ ସୋସିଆଲ ମିଡ଼ିଆରେ ଭାଇରାଲ ହୋଇଗଲେ । ଏହି ଘଟଣା ପରେ ଚାରିଆଡେ ଅଜିମଙ୍କ ଚର୍ଚ୍ଚା ହେବାକୁ ଲାଗିଲା । ଶେଷରେ ଭଗବାନ ଅଜିମଙ୍କ ଡାକ ଶୁଣିଲେ । ବର୍ତ୍ତମାନ ଅଜିମଙ୍କ ପାଇଁ ଝିଅମାନଙ୍କ ଲାଇନ ଲାଗିଛି ।

ଦିଲ୍ଲୀ, ବିହାର, ଗାଜିଆବାଦ, ବୁଲନ୍ଦସହର ଓ ଅନ୍ୟ ସ୍ଥାନମାନଙ୍କରୁ ଅଜିମଙ୍କ ପାଇଁ ପ୍ରସ୍ତାବ ଆସୁଛି । କିନ୍ତୁ ଏବେ ଆଉ ଏକ ସମସ୍ୟା ସାମ୍ନାକୁ ଆସିଛି  । ତାହା ହେଲା ଝିଅ ବାଛିବା। ସେ କାହାକୁ ବାହାହେବେ ତାକୁ ନେଇ ସେ ଚିନ୍ତିତ । ଅଜିମଙ୍କ ପରିବାର ଲୋକ ପ୍ରସ୍ତାବ ଦେଖୁଛନ୍ତି । ଶୀଘ୍ର ଭଲ ଝିଅ ଦେଖି ବାହାଘର କରିବାକୁ ପ୍ରସ୍ତୁତି କରୁଛନ୍ତି । କିଛି ଯୁବତୀ ସୋସିଆଲ ମିଡ଼ିଆରେ ଭିଡିଓ ଜାରି କରି ଅଜିମଙ୍କୁ ବାହାହେବାକୁ ଇଚ୍ଛା  ଜାହିର କରିଛନ୍ତି ।
ଦିଲ୍ଲୀର ଜଣେ ଯୁବତୀ ଅଜିମ ମନସୁରୀଙ୍କୁ ପ୍ରପୋଜ କରିଛନ୍ତି ଓ ସୋସିଆଲ ମିଡ଼ିଆରେ ଭିଡିଓ ଭାଇରାଲ କରି ବାହାହେବାକୁ କହିଛନ୍ତି । ସେ କହିଛନ୍ତି ଯେ ସେ ଅଜିମଙ୍କୁ ବହୁତ ପସନ୍ଦ କରନ୍ତି ଏବଂ ତାଙ୍କୁ ବିବାହ କରିବାକୁ ଚାହୁଁଛନ୍ତି। ଅଜିମ ବର୍ତ୍ତମାନ ବହୁତ ଖୁସି ଅଛନ୍ତି ଏବଂ ଖୁବ ଶୀଘ୍ର ବାର ବେଶରେ ସଜେଇ ହେବାକୁ ପ୍ରସ୍ତୁତ ହେଉଛନ୍ତି ।(ରିପୋର୍ଟ /ଭଞ୍ଜ ବିହାରୀ ମହାନ୍ତି )