ଓଡ଼ିଶା ତାଜା ନ୍ୟୁଜ (୩୦ ମାର୍ଚ୍ଚ ମଙ୍ଗଳବାର) କୋରାଇ :- କୋରାଇ ବ୍ଲକର ଜୀନରେଖା କୁହାଯାଉଥିବା ନହକା-ଖଇରା ପୂର୍ତବିଭାଗ ରାସ୍ତାର ଚାଲିଛି ନିର୍ମାଣ କାର୍ଯ୍ୟ । ରାସ୍ତାର ନିର୍ମାଣ କାର୍ଯ୍ୟ ଅତ୍ୟନ୍ତ ନିମ୍ନମାନର ହେଉଥିବା ନେଇ ଅଂଚଳବାସୀ ଅଭିଯୋଗ କଲେ ମଧ୍ୟ ବିଭାଗ ପକ୍ଷରୁ ପଦକ୍ଷପ ନିଆଯାଉନାହିଁ । ବିଭାଗୀୟ ଯନ୍ତ୍ରୀ ଓ ଠିକାଦାରଙ୍କ ସଲାସୁତରରେ କାର୍ଯ୍ୟ ଚାଲଥିବାରୁ କାର୍ଯ୍ୟ ସ୍ଥଳୀକୁ ଯାଉନାହଁନ୍ତି ଯନ୍ତ୍ରୀ ; ଯାହାଫଳରେ ଠିକାଦାର ରାସ୍ତାରେ ମନଇଛା ହମ୍ପସ କରୁଥିଲା ବେଳେ କାର୍ଯ୍ୟକରାଯାଉଥିବା ସ୍ଥାନରେ ବାଇପାସ ରାସ୍ତା କରାଯାଉନାହିଁ ।
ଫଳରେ ଯାତାୟତରେ ଯାତ୍ରୀଙ୍କୁ ନାହିଁନଥିବା ହିନସ୍ତା ହେବାକୁ ପଡୁଛି । ଏନେଇ ଅଂଚଳବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା ବେଳେ ନିମ୍ନମାନର କାର୍ଯ୍ୟକୁ ଭିଜିଲାନ୍ସ ତଦନ୍ତ କରାଯିବାକୁ ଦାବି ହୋଇଛି । ପୂର୍ତବିଭାଗ ଅଧିନସ୍ଥ ନହକା-ଖଇରା ରାସ୍ତାଟି କୋରାଇ ବ୍ଲକର ଜୀବନରେଖା ଭାବେ ବିଦିତ । ଏହା ଉପରେ ଏହି ବ୍ଲକର ଅସନଝର, କନ୍ତୋର, ଗୌରପୁର, ରଣପୁର, କାଚରାସାହି, ତଳଗଡ, ତୁଳତୀ, ସାଦକପୁର, ତାରାକୋଟ, ହଳଦୀଗଡିଆ, ପଛିକୋଟ, ତାହାରପୁର ଆଦି ୧୪ଟି ପଂଚାୟତ ସମେତ କେନ୍ଦୁଝର ଜିଲାର ୩ଟି ପଂଚାୟତରୁ ପ୍ରାୟ ୬୦ହଜାରରୁ ଊର୍ଦ୍ଧ୍ୱଲୋକ ଦୈନଦିନ ଯାଜପୁରରୋଡ, କଳିଙ୍ଗନଗର ଶିଳ୍ପାଂଚଳ ଆଦି ବିଭିନ୍ନ ସ୍ଥାନକୁ ଯାତାୟତ କରିଥାନ୍ତି ।
ଏହି ରାସ୍ତାଟି ଦୀର୍ଘ ଦିନଧରି ଗ୍ରାମ୍ୟଉନ୍ନୟନ ବିଭାଗ ଅଧିନରେ ଆତି ବିପର୍ଯ୍ୟସ୍ତ ଅବସ୍ଥାରେ ରହିଥିଲା ବେଳେ ୨୦୧୩ ମସିହାରେ ପୂର୍ତବିଭାଗ ଅଧିନକୁ ଯାଇଥିଲା । ଫଳରେ ପୂର୍ତବିଭାଗ ୨୦ଫୁଟ ଓସାର ବିଶିଷ୍ଟ ସୁଉଚ୍ଚ ରାସ୍ତା ନିର୍ମାଣ କରି ଗମନାଗମନର ସୁଗମ କରିଥିଲା । ହେଲେ ନିର୍ମାଣ ଓ ମରାମତି ଅଦି ସଠିକଭାବେ ବିଭାଗର ରକ୍ଷଣାବେକ୍ଷଣ ଅଭାବରୁ ଦୀର୍ଘଦିନ ହେଲା ରାସ୍ତା ବିପର୍ଯ୍ୟସ୍ତ ହୋଇପଡିଥିବା ନେଇ ଗଣମାଧ୍ୟମରେ ପ୍ରକାଶ ପାଇବା ପରେ ପୂର୍ତବିଭାଗର ଚେତା ପସିଛି । ଯାହାକି ସଂପୃକ୍ତ ରାସ୍ତାର ରିନୁଆଲ କୋଟେଡ କାର୍ଯ୍ୟ କରାଯାଉଛି । ବହୁଲକ୍ଷ ଟଙ୍କାରେ ନିର୍ମିତ ହେଉଥିବା ସାଢେ ୬କି.ମି ରାସ୍ତାର ୨୦ଫୁଟ ଓସାରରେ ୨୦ଏମ.ଏମ ମୋଟେଇରେ ପିଚୁ ହେବାକୁ ବିଭାଗ ପକ୍ଷରୁ ସୂଚିତ ହୋଇଛି ।
