No Result
View All Result
ଓଡ଼ିଶା ତାଜା ନ୍ୟୁଜ୍ (୩୦ ମାର୍ଚ୍ଚ ମଙ୍ଗଳବାର ) ନୂଆଦିଲ୍ଲୀ :- ରାଷ୍ଟ୍ରପତି ରାମନାଥ କୋବିନ୍ଦଙ୍କର ବାଇପାସ୍ ସର୍ଜରୀ ସଫଳ ହୋଇଛି । ସେ ଏବେ ସୁସ୍ଥ ଅଛନ୍ତି । ଦିଲ୍ଲୀ ଏମ୍ସ୍ରେ ତାଙ୍କର ସଫଳ ସର୍ଜରୀ ହୋଇଥିବା ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଟୁଇଟ କରି ସୂଚନା ଦେଇଛନ୍ତି । ଜଣେ ଓଡ଼ିଆ ଡାକ୍ତର ଅକ୍ଷୟ କୁମାର ବିଶୋୟୀ ରାଷ୍ଟ୍ରପତିଙ୍କ ବାଇପାସ୍ ସର୍ଜରୀ କରିଥିଲେ । ଗତ ୨୬ ତାରିଖରେ ରାଷ୍ଟ୍ରପତିଙ୍କ ଛାତିରେ ଯନ୍ତ୍ରଣା ଅନୁଭବ ହୋଇଥିଲା ।
ତାଙ୍କୁ ତୁରନ୍ତ ଦିଲ୍ଲୀ ସ୍ଥିତ ଆର୍ମି ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରୁ ବାଇପାସ୍ ସର୍ଜରୀ ପାଇଁ ତାଙ୍କୁ ଏମ୍ସ ହସ୍ପିଷ୍ଟାଲ ସ୍ଥାନାନ୍ତର କରାଯାଇଥିଲା । ରୁଟିନ୍ ଚେକ୍ଅପ୍ ପରେ ରାମନାଥଙ୍କର ମଙ୍ଗଳବାର ସର୍ଜରୀ କରାଯାଇଥିଲା ।
ସର୍ଜରୀ ସମ୍ପୂର୍ଣ୍ଣ ସଫଳ ହୋଇଛି ବୋଲି ରାଜନାଥ ସୂଚନା ଦେଇଛନ୍ତି ।
ତେବେ ଗତ ୨୭ ତାରିଖରେ ମେଡିକାଲରେ ଥିବା ବେଳେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ସୂଚନା ମିଳିଥିଲା । ସେନାର ରିସର୍ଚ୍ଚ ଓ ରେଫରାଲ୍ ହସ୍ପିଟାଲ ଏନେଇ ଶନିବାର ଏନେଇ ସୂଚନା ଦେଇଥିଲେ । (ରିପୋର୍ଟ /ଭଞ୍ଜ ବିହାରୀ ମହାନ୍ତି )
No Result
View All Result
