ସମିତି ସଭ୍ୟ ଙ୍କୁ ର୍ଦୁବ୍ୟବହାର କରି ଫରେଷ୍ଟ ଗାର୍ଡ ଅଟକ

ଓଡିଶା ତାଜା ନ୍ୟୁଜ୍ ( ୨୫ ମାର୍ଚ୍ଚ ଗୁରୁବାର ) ରଣପୁର –  ରଣପୁର ବ୍ଲକ ଦର୍ପନାରାୟଣପୁର ଠାରେ ଜଣେ ଲୋକ ପ୍ରତିନିଧିଙ୍କୁ ର୍ଦୁବ୍ୟବହାର କରିବା ଅଭିଯୋଗରେ ପୁଲିସ ଜଣେ ଫରେଷ୍ଟଗାର୍ଡ ଙ୍କୁ ଅଟକ ରଖି ପଚାରା ଉଚରା କରୁଥିବା ଜଣାଯାଇଛି । ଖବର ନେବାରେ ଜଣାଯାଏ ରଣପୁର ଥାନା ର ଦର୍ପନାରାୟଣପୁର ଫାଣ୍ଡି ଅଧିନସ୍ତ ଖତିଆ ଗ୍ରାମ ପଞ୍ଚୟାତର ସମିତି ସଭ୍ୟ ଙ୍କୁ ମାଡ ଗାଳି ଦେବା ସହ ର୍ଦୁବ୍ୟବହାର କରି ଦର୍ପନାରାୟଣପୁର ବିଟ୍ ହାଉସ ର ଫରେଷ୍ଟଗାର୍ଡ ଅଟକ ଥିବା ଜଣାପଡିଛି ।

କିଛି ଦିନ ତଳେ ନୟାଗଡ ବନଖଣ୍ଡ ପଚିଂଡା ରେଞ୍ଜ ଅଧିନସ୍ଥ ଦର୍ପନାରାୟଣପୁର ବିଟ୍ ହାଉସ ର ଫରେଷ୍ଟଗାର୍ଡ ସୁଦିପ୍ତ ସାହୁ ଜଣେ କାଠ ବେପାରୀ ଙ୍କ ସହିତ ମିଶି ରଣପୁର ବ୍ଲକ ଖତିଆ ପଞ୍ଚୟାତ ର ସମିତି ସଭ୍ୟ କବିରାଜ ଦଳବେହେରା ଙ୍କୁ ତାଙ୍କ ଘର ପାଖକୁ ଯାଇ ଅସଭ୍ୟ ଭାଷା ରେ ଗାଳି ଗୁଲଜ କରିବା ସହ ମାରଧର କରି ର୍ଦୁବ୍ୟବହାର କରିଥିଲେ ବୋଲି ଅଭିଯୋଗ ହୋଇଥିଲା ।

ପରେ ଦର୍ପନାରାୟଣପୁର ଫାଣ୍ଡି ରେ ସମିତି ସଭ୍ୟ ଓ ତାଙ୍କ ପତ୍ନୀ ଏକ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ଦର୍ପନାରାୟଣପୁର ଫାଣ୍ଡି ଅଧିକାରୀ ଏକ ମାମଲା ରୁଜୁ କରି ଉଭୟଙ୍କୁ ଖୋଜୁଥିବା ବେଳେ ଗତ ମଙ୍ଗଳବାର ଫରେଷ୍ଟ ଗାର୍ଡ ସୁଦିପ୍ତ ସାହୁ ଙ୍କୁ ଆଣି ରଣପୁର ଥାନା ରେ ଅଟକ ରଖି ପଚରା ଉଚରା କରୁଥିବା ଜଣାପଡିଛି ଓ ଅନ୍ୟ ଜଣେ ଅଭିଯୁକ୍ତ ଫେରାର ହୋଇଯାଇଥିବା ଜଣାଯାଇଛି ।