ପ୍ରିୟଦର୍ଶୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟ ତୃତୀୟ କ୍ୱାଟର ଫାଇନାଲ ମ୍ୟାଚରେ ; ଆସିକା ଅମରନାଥ କ୍ରିକେଟ କ୍ଳବ ୩୩ ରନରେ ବିଜୟୀ

ଓଡିଶା ତାଜା ନ୍ୟୁଜ୍ ( ୨୪ ମାର୍ଚ୍ଚ ବୁଧବାର ) ହିଞ୍ଜିଳିକାଟୁ  :- ହିଞ୍ଜିଳିକାଟୁ ପୌରାଂଚଳ ମିନି ଷ୍ଟାଡ଼ିୟମ ପରିସରରେ ଆୟୋଜିତ ପ୍ରିୟଦର୍ଶୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟର ତୃତୀୟ କ୍ୱାଟର ଫାଇନାଲ ମ୍ୟାଚ ବୁଧବାର ସପୋଟିଙ୍ଗ ଷ୍ଟାର କ୍ରିକେଟ କ୍ଳବ, ପାଇକରାୟପୁର (ପୁରୀ) ସହ ଅମରନାଥ କ୍ରିକେଟ କ୍ଳବ, ଆସିକା ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍‌ ଜିତି ଆସିକା ଦଳ ପ୍ରଥମେ ବ୍ୟାଟିଂ କରିବା ପାଇଁ ନିଷ୍ପତି ନେଇ ନିର୍ଦ୍ଧାରିତ ୨୦ ଓଭରରେ ୭ଗୋଟି ମୂଲ୍ୟବାନ ୱିକେଟ ହରାଇ ୧୯୨ ରନ ସଂଗ୍ରହ କରିଥିଲେ । ଦଳ ପକ୍ଷରୁ ରିତେଶ ୧୯ ବଲରୁ ୬ଟି ଚୌକା ଓ ୨ଟି ବିଶାଳ ଛକା , ଗଗନ ୨୯ଟି ବଲରୁ ୫ଟି ଚୌକା ଓ ଗୋଟିଏ ବିଶାଳ ଛକା ,ସହାୟତାରେ ୩୫ରନ୍ ସଂଗ୍ରହ କରିଥିଲେ । ଜବାବରେ ପାଇକରାୟପୁର ଦଳ ୧୯.୪ ଓଭରରେ ସମସ୍ତ ୱିକେଟ ହରାଇ ୧୫୯ ରନ୍ ସଂଗ୍ରହ କରିବାକୁ ସକ୍ଷମ ହୋଇଥିଲେ ।

ଫଳରେ ଅମରନାଥ କ୍ରିକେଟ କ୍ଳବ, ଆସିକା ୩୩ ରନରେ ବିଜୟ ଲାଭ କରିଥିଲା । ଆସିକା ଦଳ ପକ୍ଷରୁ ନାରାୟଣ ୧୬ ବଲରୁ ୩୩ ରନ ସଂଗ୍ରହ କରିବା ସହ ୩ଟି ମୂଲ୍ୟବାନ ୱିକେଟ ହାସଲ କରିଥିବାରୁ ତାଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଘୋଷଣା କରାଯାଇଥିଲା । ଅତିଥି ଭାବେ ପୋଚିଲିମା ସ୍ଥିତି ଖାମ୍ବେୟାଦୋରା କନିଷ୍ଠ ମହାବିଦ୍ୟାଳୟର ଗଣିତ ଅଧ୍ୟାପକ ନିଳାଂଚଳ ପାଣିଗ୍ରାହୀ ଯୋଗଦେଇ ନାରାୟଣଙ୍କୁ ମ୍ୟାନ୍‌ ଅଫ୍ ଦି ମ୍ୟାଚ୍ ଭାବେ ପୁରସ୍କୃତ କରିଥିଲେ । ଅମୁଲ୍ୟ କୁମାର ପଣ୍ଡା ଓ ଅନିଲ ପ୍ରଧାନ ଆମ୍ପାୟର ଦାୟିତ୍ୱ କରିଥିବା ବେଳେ ସ୍କୋରର ଥିଲେ ଆଦିତ୍ୟ ସାହୁ । ରଜତ କୁମାର ପ୍ରଧାନ ଧାରା ବିବରଣୀ ପ୍ରଦାନ କରିଥିଲେ । ମିଟୁ ଜେନା, ଅଶୋକ ପରିଡ଼ା, ଜଗନ ଡ଼ାକୁଆ, ସଚିନ ସେଠି, ବଂଟି ପୃଷ୍ଟି, ପ୍ରଭାତ ପାଣିଗ୍ରାହୀ, ତପନ ବେହେରା, ପ୍ରଶାନ୍ତ ପ୍ରଧାନ ପରିଚାଳନା କରିଥିବା ବେଳେ ଆୟୋଜକ ଇଗଲ କ୍ରିକେଟ ଟିମର ସଦସ୍ୟ ସହଯୋଗ କରିଥିଲେ । ଗୁରୁବାର ଚତୁର୍ଥ କ୍ୱାଟର ଫାଇନାଲ ମ୍ୟାଚ ଇଗଲ କ୍ରିକେଟ କ୍ଳବ, ହିଞ୍ଜିଳିକାଟୁ ସହ ଗ୍ୟାଲେକ୍ସି ଏକାଦଶ କ୍ରିକେଟ କ୍ଳବ, ମୁଣ୍ଡମରାଇ ମଧ୍ୟରେ ଅନୁଷ୍ଠିତ ହେବ । ( ରିପୋର୍ଟ ଶୁସାନ୍ତ ପ୍ରଧାନ )