କୁରାଳ ଦଧିବାମନ ସଂସ୍କୃତ ମହାବିଦ୍ୟାଳୟରେ ” ମୋ କଲେଜ ” ଅଭିଯାନର ଶୁଭାରମ୍ଭ

ଓଡ଼ିଶା ତାଜା ନ୍ୟୁଜ ( ୨୧ ମାର୍ଚ୍ଚ ରବିବାର ) ଓଡ଼ଗାଁ  :- ମୋ କଲେଜ କାର୍ଯ୍ୟକ୍ରମ ଦଧିବାମନ ସଂସ୍କୃତ ମହାବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ କୁରାଳ ହାଇସ୍କୁଲ ର ପୂର୍ବତନ ପ୍ରଧାନ ଶିକ୍ଷକ ଗୈାରଚନ୍ଦ୍ର ସାହୁ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ଦଧିବାମନ ସଂସ୍କୃତ ମହାବିଦ୍ୟାଳୟ ର ଅଧ୍ୟକ୍ଷ ଭାବଗ୍ରାହୀ କର ସଭାପତିତ୍ବ କରିଥିଲେ । ସମ୍ମାନୀତ ଅତିଥି ଭାବେ ପୂର୍ବତନ ସରପଞ୍ଚ ବିଜନ ପାଇକରାୟ , କୁରାଳ ସରପଞ୍ଚ ଝିଲ୍ଲୀ ପ୍ରଧାନ , ପଣ୍ଡିତ ଅଚ୍ୟୁତାନନ୍ଦ ସାହୁ , ନିରଞ୍ଜନ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ।

ଆଗାମୀ ଦିନରେ କଲେଜ ଉନ୍ନତି ନିମିତ୍ତ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯିବ ବୋଲି ଅଧ୍ୟକ୍ଷ ଭାବଗ୍ରାହୀ କର କହିଛନ୍ତି । ଆଜିର ଏହି କାର୍ଯ୍ୟକ୍ରମରେ ବହୁ ପୁରାତନ ଛାତ୍ରଛାତ୍ରୀ ଉପସ୍ଥିତ ଥିଲେ ।ପରିବେଶବିତ୍ ସୁକାନ୍ତ ଚୌଧୁରୀ ଅନୁଷ୍ଠାନର ପୂର୍ବତନ ସମ୍ପାଦକ ଗୁରୁମୂର୍ତ୍ତି ସୁବୁଦ୍ଧିଙ୍କ ଉଦେଶ୍ୟ ରେ ଛାତ୍ରଛାତ୍ରୀ ମାନଙ୍କ ସୁବିଧା ପାଇଁ କଲେଜକୁ ଏକ ନୂତନ ଆକ୍ୱାଗାର୍ଡ ପ୍ରଦାନ କରିଛନ୍ତି ।

ସନ୍ଧ୍ୟା ୫ ଘଣ୍ଟିକା ସମୟରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ମୋ କଲେଜ ପୋର୍ଟାଲ ଶୁଭାରମ୍ଭ ଲାଇଭ୍ ଷ୍ଟ୍ରିମିଙ୍ଗ ଭିଡିଓ ପ୍ରସାରଣ ନିମନ୍ତେ କଲେଜ ତରଫରୁ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଅନୁଷ୍ଠାନ ର ଅଧ୍ୟାପକ ବିଜୟାନନ୍ଦ ଶତପଥୀ , କୃଷ୍ଣଚନ୍ଦ୍ର ସାହୁ , ସୁଶାନ୍ତ କୁମାର ବିଷୋୟୀ , ଅଧ୍ୟାପିକା ସୁଷମା ମଞ୍ଜରୀ ପାଣିଗ୍ରାହୀଙ୍କ ସହିତ କଲେଜ ର ଛାତ୍ରଛାତ୍ରୀମାନେ କାର୍ଯ୍ୟକ୍ରମ ରେ ସହଯୋଗ କରିଥିଲେ । ( ଓଡ଼ଗାଁ ରିପୋର୍ଟ – ଅଶ୍ଵିନୀ କୁମାର ସାହୁ )