ପ୍ରିୟଦର୍ଶୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟର ୨ୟ ଦିବସ ; ଶେରଗଡ଼ ଗ୍ୟାଲେକ୍ସି ଏକକାଦଶ କ୍ରିକେଟ ଟିମ୍ ୧୦ ୱିକେଟରେ ବିଜୟୀ

ଓଡ଼ିଶା ତାଜା ନ୍ୟୁଜ (୧୬ ମାର୍ଚ୍ଚ ମଙ୍ଗଳବାର ) ହିଞ୍ଜିଳିକାଟୁ :- ମହାମାରୀ କରୋନାରେ ପ୍ରାଣ ହରାଇଥିବା ହିଞ୍ଜିଳିକାଟୁ ପ୍ରେସକ୍ଳବ ସଭାପତି ପ୍ରିୟଦର୍ଶୀ ପଟ୍ଟନାୟକଙ୍କ ସ୍ମୃତିରେ ହିଞ୍ଜିଳିକାଟୁ ପୌରାଂଚଳ ମିନି ଷ୍ଟାଡ଼ିୟମ ପରିସରରେ ସୋମବାର ପ୍ରିୟଦର୍ଶୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟ ଉଦଘାଟିତ ହୋଇଯାଇଛି । ଟୁର୍ଣ୍ଣାମେଂଟର ୨ୟ ଦିବସ ଓରିଏଂଟାଲ କ୍ରିକଟେ କ୍ଳକ, ମୁଜାଗଡ଼ ଓ ଗ୍ୟାଲେକ୍ସିି ଏକକାଦଶ କ୍ରିକେଟ କ୍ଳବ, ମୁଣ୍ଡମରାଇ ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍ ଜିତି ମୁଜାଗଡ଼ ଦଳ ପ୍ରଥମେ ବ୍ୟାଟିଂ କରିବାର ନିଷ୍ପତି ନେଇ ନିର୍ଦ୍ଦାରିତ ୨୦ ଓଭର ମଧ୍ୟରୁ ୧୯ ଓଭରରେ ସମସ୍ତ ୱିକେଟ ହରାଇ ମାତ୍ର୍ର ୮୧ ରନ୍ ସଂଗ୍ରହ କରିଥିଲେ । ଜବାବରେ ମୁଣ୍ଡମରାଇ ଦଳ ମାତ୍ର ୮ଓଭରରେ କୌଣସି ୱିକେଟ ନହରାଇ ଆବଶ୍ୟକ ରନ୍ ସଂଗ୍ରହ କରି ନେଇଥିଲେ । ଫଳରେ ଗ୍ୟାଲେକ୍ସିି ଏକକାଦଶ କ୍ରିକେଟ କ୍ଳବ, ମୁଣ୍ଡମରାଇ ୧୦ ୱିକେଟରେ ବିଜୟ ଲାଭ କରିଥିଲା ।

ମୁଣ୍‌ନମରାଇ ଦଳ ପକ୍ଷରୁ ଦିଲୁ ୨୫ ବବଲରେ ଧୁଆଁଧାର ସର୍ବାଧିକ ୫୨ ରନ୍ ସଂଗ୍ରହ କରିବା ସହ ୪ଗୋଟି ୱିକେଟ ହାସଲ କରିଥିବାରୁ ତାଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଭାବେ ପୁରସ୍କୃତ କରାଯାଇଥିଲା । ଆୟୋଜିତ ଉତ୍ସବରେ ଅତିଥି ଭାବେ ଯୁୂବ ସାମ୍ବାଦିକ ଶେଷଦେବ ସାହୁ ଓ ପ୍ୟାରୀମୋହନ ପାଢି ଯୋଗଦେଇ ମ୍ୟାନ ଅଫ୍ ଦି ମାଚ୍ ଦିଲୁଙ୍କୁ ପୁରସସ୍କୃତ କରିଥିଲେ । ଅମୁଲ୍ୟ ପଣ୍ଡା ଓ ରଜତ ପ୍ରଧାନ ଆମ୍ପାୟର ଦାୟିତ୍ୱ କରିଥିବା ବେଳେ ସ୍କୋରର ଥିଲେ ଆଦିତ୍ୟ ସାହୁ । ପ୍ରଶାନ୍ତ ପ୍ରଧାନ ଧାରା ବିବରଣୀ ପ୍ରଦାନ କରିଥିଲେ । ସଚିନ ସେଠି, ନିଳାମ୍ବର ସାହୁ, ପ୍ରଭାତ, ତପନ, ଅମୁଲ୍ୟ, ଜଗନ, ଟିକୁ. ଉମା ମ୍ୟାଚ ପରିଚାଳନା କରିଥିବା ବେଳେ ଆୟୋଜକ ଇଗଲ କ୍ରିକେଟ ଟିମ୍‌ର ସଦସ୍ୟ ସହଯୋଗ କରିଥିଲେ । ଆସନ୍ତା କାଲି ଇଗଲ କ୍ରିକେଟ କ୍ଳବ, ହିଞ୍ଜିଳିକାଟୁ ଓ ପାତାଳେଶ୍ୱର କ୍ରିକେଟ କ୍ଳବ, ଚାଟୁଳା ମଧ୍ରରେ ଅନୁଷ୍ଠିତ ହେବ । (ରିପୋର୍ଟ – ଶୁସାନ୍ତ ପ୍ରଧାନ )