ପାଠ ପଢାଉଥିବା ବେଳେ ଟିଉସନ ସାରଙ୍କ ମାଡ଼ ପାଇଁ – ଛାତ୍ର ଗୁରୁତର (ଟିଉସନ ସାର ସାବଧାନ)

ଓଡ଼ିଶା ତାଜା ନ୍ୟୁଜ (୧୪ ମାର୍ଚ୍ଚ , ରବିବାର ) କେନ୍ଦ୍ରାପଡା :- ଛାତ୍ରଙ୍କୁ ମାଡ଼ ମାରି ଗିରଫ ହେଲେ ଟିଉସନ ସାର । କେନ୍ଦ୍ରାପଡ଼ା ମାର୍ଶାଘାଇ ଥାନା ପୁରୁଷୋତ୍ତମପୁରର ଏ ଘଟଣା । ଗିରଫ ଶିକ୍ଷକ ହେଲେ ରାଜେଶ୍ୱର ରାଉତ । ପରିବାର ଲୋକଙ୍କ ଅଭିଯୋଗ ପରେ ରାଜେଶ୍ୱରଙ୍କୁ ଗିରଫ କରିଛି ମାର୍ଶାଘାଇ ଥାନା ପୋଲିସ । ଟିଉସନ ସାର ଜଣକ ପୀଡ଼ିତ ଛାତ୍ରଙ୍କୁ ପାଠ ପଢାଉଥିବା ବେଳେ, ଆମାନୁଷିକ ଭାବେ ମାଡ଼ ମାରିଥିଲେ । ଫଳରେ ଛାତ୍ରଙ୍କ ପିଠିରେ ଗଭୀର ଆଘାତ ଲାଗିଥିଲା ।

ତେବେ ମାଡ଼ ସଂପର୍କରେ ପରିବାର ଲୋକ ଜାଣିବା ପରେ ଥାନାରେ ଏତଲା ଦେଇଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ତନାଘନା କରିଥିଲେ । ଏହାପରେ ଟିଉସନ ସାର୍ ରାଜେଶ୍ୱର ରାଉତକୁ ଗିରଫ କରିଛି ପୋଲିସ । ପିଲାଙ୍କୁ ମାଡ଼ ମାରିବାକୁ ସରକାର କଡ଼ା ବାରଣ କରିଥିଲେ ହେଁ ଟିଉସନ ସାର ଏଭଳି ଆଚରଣକୁ ନିନ୍ଦା କରାଯାଇଛି ।(କେନ୍ଦ୍ରାପଡ଼ା ଜିଲ୍ଲା ପ୍ରତିନିଧି ଅନିରୁଦ୍ଧ ସେଠୀ)