ବାହାଘର ଚତୁର୍ଥୀ ଦିନ ନବବଧୁର ଝୁଲନ୍ତା ମୃତଦେହ ଉଦ୍ଧାର

ଓଡିଶା ତାଜା ନ୍ୟୁଜ୍ (୨୦ ଫେବୃଆରି , ଶନିବାର ) ଢେଙ୍କାନାଳ :- ବାହାଘରର ଚତୁର୍ଥ ଦିନ ନବବଧୁର ଝୁଲନ୍ତା ମୃତଦେହ ଉଦ୍ଧାର । ଏଭଳି ଏକ ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ସଦରଥାନା ଅନ୍ତର୍ଗତ ବିଦ୍ୟାବନ୍ଧ ଗାଁରେ । ନବବଧୁର ମୃତ୍ୟୁର କାରଣ ଅସ୍ପଷ୍ଟ ରହିଛି  । ସୁଚନା ମୁତାବକ , ହିନ୍ଦୋଳ ବ୍ଲକ କଲଣ୍ଡା ଗ୍ରାମର ଝରଣା ନାୟକ ଗତ ୧୭ ତାରିଖ ଦିନ ସଦର ଥାନା ଅନ୍ତର୍ଗତ ବିଦ୍ୟାବନ୍ଧ ଗାଁର ମଦନମୋହନ ନାୟକଙ୍କୁ ବୈଦିକ ରୀତିରେ ବିବାହ କରିଥିଲେ । ଆଜି ସକାଳେ ନବବଧୁ ଝରଣାଙ୍କର ଝୁଲନ୍ତା ମୃତ ଦେହ ଶାଶୁଘରୁ ମିଳିଛି । କେଉଁ କାରଣରୁ ନବ ବଧୂ ଜଣଙ୍କର ମୃତ୍ୟୁ ହୋଇଛି ତା’ର କାରଣ ଜଣାପଡିନାହିଁ । ଝରଣାଙ୍କର ମୃତ୍ୟୁ ପରେ ପରିବାର ଲୋକେ ପୋଲିସକୁ ଖବର ଦେଇଥିଲେ । ସଦର ଥାନା ପୋଲିସ ମୃତଦେହ ଉଦ୍ଧାର କରି ପୋଷ୍ଟମୋର୍ଟମ ପାଇଁ ପଠାଇବା ସହ ଅଧିକ ତଦନ୍ତ ଚଳାଇଛି । ( ରିପୋର୍ଟ  ଅମର ରଞ୍ଜନ ଦାସ )