କଳିଙ୍ଗ ସିନେ ଆର୍ଟସ୍ ଫାଉଣ୍ଡେସନ୍ ବାର୍ଷିକ ଉତ୍ସବ

ଆଧ୍ୟାତ୍ମିକତା ଶିକ୍ଷା ଆଗାମି ଅପରାଧ ମୁକ୍ତ ଭାରତ ଗଢ଼ିବାରେ ସହାୟକ ହେବ

ଓଡ଼ିଶା ତାଜା ନ୍ୟୁଜ (୧୮ ଫେବୃଆରୀ ଗୁରୁବାର ) ଭୁବନେଶ୍ୱର :- ଆଜି ଲୋହିଆ ଏକାଡ଼ମୀ ପରିସରରେ ସାମାଜିକ ଅନୁଷ୍ଠାନ ‘କଳିଙ୍ଗ ସିନେ ଆର୍ଟସ୍ ଫାଉଣ୍ଡେସନ୍’ର ୭ମ ବାର୍ଷିକ ଉତ୍ସବ ଅନୁଷ୍ଟିତ ହୋଇଯାଇଛି । ଏହି ଉତ୍ସବରେ ଅନୁଷ୍ଠାନ ପକ୍ଷରୁ ‘ଜୀବନ ଜୀବିକା ଓ ଆଧ୍ୟାତ୍ମିକତା’ ଉପରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଯେଉଁ କାର୍ଯ୍ୟକ୍ରମରେ ବରିଷ୍ଠ ପ୍ରଶାସକ ଡ଼.ଶ୍ବେତ କୁମାର ଦାଶ ମୁଖ୍ୟ ବକ୍ତ୍ୟା, ସମାଜସେବୀ ଦୀନବନ୍ଧୁ ଦାସ, ଆଇଆଇଟି ଖଡ଼କପୁର ଇଂଜିନିୟର ଗଣନାଥ ବେହେରା, ହସ୍ୟ ଅଭିନେତା ରବି କୁମାର ଓ ପ୍ରଶାସକ ଗୌତମ ଚରଣ ସ୍ବାଇଁ ଅତିଥିଭାବେ ଯୋଗଦେଇଥିଲେ । ଅନୁଷ୍ଠାନର ସଭାପତି ଡ଼.ସୁଶାନ୍ତ ଦାସ ସଭାକାର୍ଯ୍ୟ ସଭାପତିତ୍ବ କରିବା ସହି କାର୍ଯ୍ୟକର୍ମକୁ ପରିଚାଳନା କରିଥିଲେ । ଏହି ଥିରେ ଅନୁଷ୍ଠାନର ସଂପାଦକ ବିଦ୍ୟାଧର ବାରିକ ବାର୍ଷିକ ବିବରଣୀପାଠକରି ଉପସ୍ଥିତ ଅତିଥିମାନଙ୍କୁ ସ୍ବାଗତକରିଥିଲେ ।

ଏହି ଅବସରରେ ଅନୁଷ୍ଠିତ ଆଲୋଚନା ଚକ୍ରରେ ଅତିଥିମାନେ ଅନ‌ୁଷ୍ଠାନର ସେବାକାର୍ଯ୍ୟକୁ ପ୍ରଶଂସାକରିବା ସହ ଏହି ଅନୁଷ୍ଠାନ ସୁସ୍ଥ୍ୟ ଓ ଶୃଙ୍ଖଳିତ ସମାଜ ଗଠନରେ ରାଜ୍ୟପାଇଁ ଗର୍ବ ଆଣିଦେବ ବୋଲି ଆଶାବ୍ୟକ୍ତ କରିଥିଲେ । ଏହା ସହିତ ମଣିଷର ଜୀବନ ଓ ଜୀବିକା ସହିତ ଆଜିର ପିଲାମାନଙ୍କୁ ଆଧ୍ୟାତ୍ମିକତା ଶିକ୍ଷା ଦ୍ବାରା ଶୃଙ୍ଖଳିତ କରାଯାଇ ପାରିବ ବୋଲି ଅତିଥିମାନେ ମତବ୍ୟକ୍ତ କରିଥିଲେ  । ଶେଷରେ ଅନୁଷ୍ଠାନର ବରିଷ୍ଠ ସଭ୍ୟ ସୁକାନ୍ତ ରଉତ ସମସ୍ତ ଅତିଥିମା‌ନଙ୍କୁ ଧନ୍ୟବାଦ ଅର୍ପଣକରିଥିଲେ । ଏହି କାର୍ଯ୍ୟକ୍ରମରେ ସତ୍ୟଜିତ୍, ସଂଗ୍ରାମ, ନିଲୁ, ରାନୀ ଓ ଭରତ ସହଯୋଗକରିଥିଲେ ।