ଏସକନ କ୍ଲବ ଆନୁକୁଲ୍ୟରେ କଳାପାହାଡ଼ ନକ୍ଆଉଟ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ : ଡଙ୍ଗାପଟା ୨/୦ରେ ବିଜୟୀ

ଓଡ଼ିଶା ତାଜା ନ୍ୟୁଜ (୧୮ ଫେବୃଆରୀ ଗୁରୁବାର) କଳାହାଣ୍ଡି  :- ନର୍ଲା ହାଇସ୍କୁଲ ପଡ଼ିଆରେ ଏସକନ କ୍ଲବ ନର୍ଲା ଆନୁକୂଲ୍ୟରେ କଳାପାହାଡ଼ ନକ୍ଆଉଟ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଛି । ଏହି ଗ୍ରାମାଞ୍ଚଳ ଫୁଟବଲ ଟୁର୍ଣ୍ଣାମେଣ୍ଟରେ ୮ଗୋଟି ଦଳ ଭାଗ ନେଇ ଥିବା ବେଳେ ଆସନ୍ତା ୨୪ ତାରିଖରେ ଫାଇନାଲ ଖେଳ ଅନୁଷ୍ଠିତ ହେବ ବୋଲି କମିଟି ସଦସ୍ୟ କିଶୋର ମାଝୀ ପ୍ରକାଶ କରିଛନ୍ତି ।

ଉଦଘାଟନୀ ମ୍ୟାଚ୍ ଘୋଡ଼ାବନ୍ଧ ସହ ଡଙ୍ଗାପଟା ମଧ୍ୟରେ ହୋଇଥିଲା । ଏଥିରେ ଡଙ୍ଗାପଟା ଦଳ ଘୋଡ଼ା ବନ୍ଧ ଦଳକୁ ୨ ଗୋଲ ଦେଇ ପରାସ୍ତ କରିଥିଲା । ପ୍ରଥମ ଦିବସରେ ମୁଖ୍ୟ ଅତିଥି ରୂପେ ନର୍ଲା ସରପଞ୍ଚ ଚିରଞ୍ଜିବୀ ଗୈ।ଡିଆ ଯୋଗଦାନ କରିଥିଲେ । ଖେଳଟିକୁ ସନ୍ତୋଷ ନାଏକ ପରିଚାଳନା କରିଥିଲେ । ଶୁଶିଲ ନାଏକ,ମାର୍କଣ୍ଡ ନାଏକ,ଦିପୁ ପାତ୍ର,ପିଣ୍ଟୁ ନାଗ,ଟୁଲୁ ବିଶୋଇ,ନିରୋଜ ଶର୍ମା,ବଣ୍ଟି ଚାନ୍ଦ ପ୍ରମୁଖ ସହଯୋଗ କରିଥିଲେ ।  (ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ)