ବରଗଡ ଜିଲ୍ଲା ଅତାବିରା ଝିଲିମିନଂଡା ଜଗନ୍ନାଥ ଉଚ୍ଚ ବିଦ୍ୟାଳୟ ର ୧୯୮୫ ମସିହା ରୁ ୧୯୮୮ ମସିହା ବନ୍ଧୁ ମିଳନ ର ସମାରୋହ – ବରଗଡ଼

ଓଡ଼ିଶା ତାଜା ନ୍ୟୁଜ୍ (୧୦ ଫେବୃଆରୀ ବୁଧବାର) ବରଗଡ଼ :- ବରଗଡ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଝିଲିମିନଂଡା ଜଗନ୍ନାଥ ଉଚ୍ଚ ବିଦ୍ୟାଳୟ ର ୧୯୮୫ମସିହା ରୁ ୧୯୮୮ ମସିହା ପର୍ଯ୍ୟନ୍ତ ଯେଉଁ  ଛାତ୍ରଛାତ୍ରୀ ମାନେ ଅଧ୍ୟୟନ କରୁଥିଲେ ସେମାନଙ୍କ ମଧ୍ୟରେ ଏକ ବଂଧୁ ମିଳନ ମହା ସମାରୋହରେ ପାଳନ ହୋଇଯାଇଛି । ପୁରାତନ ଛାତ୍ର ତଥା ବର୍ତ୍ତମାନ ର ସରପଞ୍ଚ ସୁଧୀର କୁମାର ପ୍ରଧାନ ଉକ୍ତ ଉତ୍ସବରେ ସଂଯୋଜନା କରିଥିବା ବେଳେ ପୁରାତନ ଛାତ୍ର ହେମାଞ୍ଚଳ ମହାପାତ୍ର ସ୍ୱାଗତ ଭାଷଣ ଦେଇଥିଲେ । ବିଦ୍ୟାଳୟର ୧୯୮୫ ମସିହା ର ପ୍ରଥମ ପ୍ରଧାନ ଶିକ୍ଷୟତ୍ରୀ ତଥା ୨୦୨୦ ମସିହାରେ ଗାନ୍ଧୀ ମମୋରିଆଲ,

କଳାପାଣି ଉଚ୍ଚ ବିଦ୍ୟାଳୟ ରେ ଶିକ୍ଷକତା କରି ନାମ ଅର୍ଜନ କରିଥିବା ଅବସରପ୍ରାପ୍ତ ଶିକ୍ଷୟିତ୍ରୀ ଭାଲେନ୍ତିନା ପାଢୀ ସଭାପତିତ୍ୱ ଆସନ ଅଳଙ୍କୃତ କରିଥିଲେ । ଉଚ୍ଚ ବିଦ୍ୟାଳୟ ର ଅବସରପ୍ରାପ୍ତ ଶିକ୍ଷକ ପ୍ରମୋଦ କୁମାର ପ୍ରଧାନ, ପୂର୍ବତନ ଝିଲିମିନଂଡା ଏମ୍.ଇ ବିଦ୍ୟାଳୟ ର ଅବସରପ୍ରାପ୍ତ ଶିକ୍ଷକ ପୂର୍ଣ୍ଣ ଚନ୍ଦ୍ର ମେହେର, ବର୍ତ୍ତମାନ ର ପ୍ରଧାନ ଶିକ୍ଷକ ଶିଶିର କୁମାର ଭୋଇ ଙ୍କ ସମେତ ସମସ୍ତ ଶିକ୍ଷକ ଶିକ୍ଷୟତ୍ରୀ ଓ କର୍ମଚାରୀ ମାନେ ଯୋଗଦାନ କରିଥିଲେ । ପୁରାତନ ଛାତ୍ରଛାତ୍ରୀ ମାନେ ପରିବାର ସହିତ ଆଲୋଚନା କରିଥିଲେ ଓ ଛାତ୍ରଛାତ୍ରୀମାନେ ମାନେ ପଢୁଥିବା ସମୟରେ ନିଜ ନିଜର ଅନୁଭୂତି ବର୍ଣ୍ଣନା କରିବା ସହ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ମାନଙ୍କୁ ପ୍ରଶଂସା କରିବା ଭୁଲିନଥିଲେ ।

ସ୍ଵର୍ଗତ ପ୍ରଧାନ ଶିକ୍ଷକ ହରିଶ୍ ଚନ୍ଦ୍ର ରଣା, ମାଖନୁ ଗୁରୁ, ଜୟଦ୍ରଥ ମେହେର ଓ ପୁରାତନ ଛାତ୍ର ଜିତେନ୍ଦ୍ର ପ୍ରଧାନ, ନୃପ ମୁଗୁରି, ସୁଶୀଲ ତରିଆ, ଡାଇନୁ ଭୋଇ, ଲକ୍ଷ୍ମୀକାନ୍ତ ହରିପାଲ୍ ଙ୍କ ଆତ୍ମା ସତଗତି ନିମନ୍ତେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା । ପୁରାତନ ଛାତ୍ରଛାତ୍ରୀ ମାନେ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କର ପଦଧୌତ ସହ ପୁଷ୍ପମାଲ୍ଯ ସହିତ ଉପଢୌକନ ପ୍ରଦାନ କରିଥିଲେ । ପରିଶେଷରେ ଛାତ୍ର ଲକ୍ଷ୍ମଣ ପ୍ରଧାନ ଦୂରଦୂରାନ୍ତରୁ ଆସି ଥିବା ଛାତ୍ର ଛାତ୍ରୀ ମାନଙ୍କୁ ଅଶେଷ ଅଶେଷ ଧନ୍ୟବାଦ ଅର୍ପଣ କରିଥିଲେ । (ରିପୋର୍ଟ – ନିରୋଜ କୁମାର ପାଣୀ)