ଜିଲ୍ଲା ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ,ମଦନ ଏକ୍ସ୍ଆଇ ଚମ୍ପିୟାନ

ଓଡ଼ିଶା ତାଜା ନ୍ୟୁଜ୍ (୯ ଫେବୃଆରୀ ମଙ୍ଗଳବାର ) କଳାହାଣ୍ଡି :- ନର୍ଲା ହାଇସ୍କୁଲ ଖେଳ ପଡ଼ିଆରେ ଆୟୋଜିତ ଜିଲ୍ଲା ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟର ଫାଇନାଲ ଖେଳ ଟିଟିଲାଗଡ଼ ହାଟପଦା ସହ ମଦନ ଏକ୍ସ୍ଆଇ ଭାନପୁର ମଧ୍ୟରେ ଅନୁଷ୍ଠିତ ହୋଇଯାଇଛି । ଟିଟିଲାଗଡ଼ ପ୍ରଥମେ ଟସ ଜିଣି ନିର୍ଦ୍ଧାରିତ ୨୦ ଓଭରରେ ୧୮୧ ରନ ସଂଗ୍ରହ କରିଥିଲେ । ପ୍ରତିପକ୍ଷ ଦଳ ମଦନ ଏକ୍ସ୍ଆଇ ୪ ଉଇକେଟ ହରାଇ ୧୬.୩ ଓଭରରେ ୧୮୨ ରନ କରିବା ସହ ବିଜୟ ଲାଭ କରିଥିଲେ । ମଦନ ଏକ୍ସ୍ଆଇର ନିଲୁ ଲଢୁଆ ବ୍ୟାଟିଂରେ ୭୨ ରନ ସଂଗ୍ରହ କରି ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ । ଏଥିରେ ମୁଖ୍ୟ ଅତିଥି ଭାବେ ନର୍ଲା ବ୍ଳକ ଅଧ୍ୟକ୍ଷା ମନୋରମା ମହାନ୍ତି ଯୋଗଦେଇ ଥିବା ବେଳେ କଂଗ୍ରେସ

ରାଜ୍ୟ ଯୁବ ସଂପାଦକ ମହମ୍ମଦ ସାବିର , କଂଗ୍ରେସ ରାଜ୍ୟ ସେ ଯୁବ ସହ ସଂପାଦକ ତ୍ରିଲୋଚନ ପାଣିଗ୍ରାହୀ,ବରିଷ୍ଠ ସମାଜସେବୀ ନିଲ ପ୍ରତାପ ସିଂଦେଓ ପ୍ରମୁଖ ଯୋଗ ଦେଇଥିଲେ।ଲୁଲୁ ପଟ୍ଟନାୟକ ମଞ୍ଚ ପରିଚାଳନା କରିଥିଲେ । ଖେଳକୁ ସପ୍ତ ପ୍ରଧାନ ଓ କୁମୁଦ ରାଉତ ପରିଚାଳନା କରିଥିଲେ । ବିଜେତା ଦଳକୁ ୩୦ ହଜାର ଟଙ୍କା ସହ ଟ୍ରଫି ଓ ପରାଜୟ ବରଣ କରିଥିବା ଦଳକୁ ୨୦ହଜାର ଟଙ୍କା ସହ ଟ୍ରଫି ଅତିଥିଙ୍କ ଦ୍ଵାରା ପ୍ରଦତ୍ତ ହୋଇଥିଲା । ନର୍ଲା କ୍ରିକେଟ କ୍ଲବର ସଭ୍ୟ ଚକ୍ରଧର ଗଉଡ, ଦିପୁ ପାତ୍ର, ପ୍ରିୟବ୍ରତ ଚାନ୍ଦ , ରାକେଶ ବିଶୋଇ, ଗିରିଶ ଚନ୍ଦ୍ର ବେହେରା , ରାଜେନ୍ଦ୍ର ପୁଝାରୀ , କିଶନ ଗୈ।ଡିଆ , ବଣ୍ଟି ଗଉଡ ସହଯୋଗ ପ୍ରଦାନ କରିଥିଲେ । ( ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ )