ନର୍ଲା ହନୁମାନ ଏଣ୍ଟରପ୍ରାଇଜେସ ହାର୍ଡୱେର ଦୋକାନରେ ଅଗ୍ନିକାଣ୍ଡ, ବ୍ୟାପକ କ୍ଷୟକ୍ଷତି

ଓଡ଼ିଶା ତାଜା ନ୍ୟୁଜ (୮ ଫେବୃଆରୀ ସୋମବାର) କଳାହାଣ୍ଡି : – ନର୍ଲା ବସଷ୍ଟାଣ୍ଡ ନିକଟସ୍ଥ ହନୁମାନ ଏଣ୍ଟରପ୍ରାଇଜେସ ଇଲେକ୍ଟ୍ରୋନିକ ଓ ହାର୍ଡୱେର ଦୋକାନରେ ଗତକାଲି ସନ୍ଧ୍ୟାରେ ଅଗ୍ନିକାଣ୍ଡ ଘଟି ବ୍ୟାପକ କ୍ଷୟକ୍ଷତି ହୋଇଛି । ଦୋକାନଟି ରୋହନ ଖେତାନଙ୍କର ବୋଲି ଜଣାଯାଏ । ଏଥିରେ ପ୍ରାୟ ୧୦ଲକ୍ଷରୁ ଉର୍ଦ୍ଧ ଟଙ୍କାର ସାମଗ୍ରୀ ନଷ୍ଟ ହୋଇଥିବା ବେଳେ ସଟସର୍କିଟ ପାଇଁ ଅଗ୍ନିକାଣ୍ଡ ଘଟିଥିବା ଦୋକାନ ମାଲିକ ଜଣାଇଛନ୍ତି ।

ନିଆଁ ଲାଗିବା ସମୟରେ ଉପସ୍ଥିତ ଗ୍ରାହକ ଭଗବାନ ଗଉଡ ଓ ଦୋକାନ ମାଲିକ ଅଳ୍ପକେ ବର୍ତ୍ତିଛନ୍ତି । ନର୍ଲା ଓ ମ.ରାମପୁର ଦମକଳ ବାହିନୀର କର୍ମଚାରୀ ୨ଘଣ୍ଟା ପରିଶ୍ରମ କରି ନିଆଁକୁ ଆୟତ୍ତ କରିଥିବା ନର୍ଲା ଅଗ୍ନିଶମ ନିର୍ବାହୀ ଅଧିକାରୀ ତରଣୀସେନ ମିର୍ଦ୍ଧା ଜଣାଇଛନ୍ତି । ଦୁର୍ଘଟଣା ସ୍ଥଳରେ ନର୍ଲା ସରପଞ୍ଚ ଚିରଞ୍ଜିବୀ ଗୈ।ଡିଆ ଓ ନର୍ଲା ତହସିଲଦାର ମାନସ ରଞ୍ଜନ ତ୍ରିପାଠୀ ଉପସ୍ଥିତ ରହି ପରିସ୍ଥିତି ଉପରେ ନଜର ରଖିଥିଲେ । ( ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ)