ଜମି ମାଫିଆ କୁ ଗିରଫ କରି କୋର୍ଟ ଚାଲାଣ କଲା ନୂଆଗାଁ ପୁଲିସ୍

ଓଡ଼ିଶା ତାଜା ନ୍ୟୁଜ (୧ ଫେବୃଆରୀ ସୋମବାର) ନୂଆଗାଁ :- ନୟାଗଡ ଜିଲ୍ଲା ନୂଆଗାଁ ତହସିଲ ଅଧିନରେ ଥିବା ଜଣେ ଜମି ମାଫିଆକୁ ଗିରଫ କରି କୋର୍ଟ ଚାଲାଣ କରିଛି ନୂଆଗାଁ ପୁଲିସ୍ । ଅଭିଯୋଗ ଅନୁଯାୟୀ ନୟାଗଡ ଦେବୋତ୍ତର କଲୋନୀ ର ତପନ କୁମାର ପଣ୍ଡା ନୂଆଗାଁ ଅଞ୍ଚଳରୁ ଜମି କିଣିବାକୁ ନଇ ତଇଲା ଗ୍ରାମ ର ତ୍ରିନାଥ ପାଣି ଙ୍କ ପୁଅ ତ୍ରିଲୋଚନ ପାଣି ଙ୍କୁ ୭ ଲକ୍ଷ ୭୦ ହଜାର ଟଙ୍କା ଦେଇଥିଲେ । କିନ୍ତୁ ଜମି ନଦେଇ ତ୍ରିଲୋଚନ ତାଙ୍କୁ ଦିନ ପରେ ଦିନ ଗଡ଼େଇ ଚାଲିଥିଲେ ।

ବାରମ୍ବାର ଟଙ୍କା ଫେରସ୍ତ କରିବାକୁ ତପନ କହିବାରୁ ବହୁ କଷ୍ଟରେ ତ୍ରିଲୋଚନ ୨ ଲକ୍ଷ ଟଙ୍କା ଦେଇଥିଲେ।ଅବଶିଷ୍ଟ ଟଙ୍କା ତ୍ରିଲୋଚନ ନଦେବାରୁ ତପନ ନୂଆଗାଁ ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ନୂଆଗାଁ ଥାନା ଅଧିକାରୀ ରମେଶ କୁମାର ଦେବତା ଘଟଣା ର ତଦନ୍ତ କରି ୧୭ /୨୧ ରେ ଏକ ମାମଲା ରୁଜୁ କରି ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି ।  (ପୁଷ୍ପଲତା ପ୍ରଧାନ ଙ୍କ ରିପୋର୍ଟ)