ଆସ ବୁଲିଯିବା ନରସିଂହପୁର ବ୍ଲକର – ଦିଅଁଝର

ଓଡ଼ିଶା ତାଜା ନ୍ୟୁଜ (୩୧ ଜାନୁଆରି,ରବିବାର) କଟକ :- ଆରମ୍ଭ ହୋଇଯାଇଛି ପିକନିକ ଋତୁ । କୋଭିଡ଼ କଟକଣା ଟିକେ କୋହଳ ହୋଇଥିବାରୁ ଦୀର୍ଘ ଦଶମାସ କାଳ ଘରେ ବନ୍ଦୀ ଜୀବନ କଟାଉଥିବା ଲୋକମାନେ , ନିଜର ପରିବାରଙ୍କୁ ଧରି ପିକନିକ କରିବାକୁ ଯାଉଥିବା ଦେଖିବାକୁ ମିଳୁଛି । ପରିବାର ସହିତ ଯାଇ ଭୋଜିଭାତ କରି ଖାଇ ପରସ୍ପର ମଧ୍ୟରେ ଖୁସି ବାଣ୍ଟୁଛନ୍ତି । ଓଡ଼ିଶାର ବିଭିନ୍ନ ସ୍ଥାନରେ ଥିବା ପର୍ଯ୍ୟଟନ ସ୍ଥାନକୁ ଲୋକମାନେ ପିକନିକ କରିବା ପାଇଁ ପରିବାର ଏବଂ ସାଙ୍ଗସାଥିଙ୍କୁ ଧରି ମଜା ଉଠାଉଛନ୍ତି ।

ବିଭିନ୍ନ ପର୍ଯ୍ୟଟନ ସ୍ଥଳ ମଧ୍ୟରୁ ଦିଅଁଝର ଅନ୍ୟତମ ଏକ ପର୍ଯ୍ୟଟନ ସ୍ଥଳ । ଏଠାରେ ପ୍ରତି ଦିନ ପର୍ଯ୍ୟଟନ ମାନଙ୍କର ସମାଗମ ହେଉଥିବା ଦେଖିବାକୁ ମିଳୁଛି । କଟକ ଜିଲ୍ଲା ନରସିଂହପୁର ବ୍ଲକର ଓଲବ ପଞ୍ଚାୟତରେ ଏହି ସ୍ଥାନଟି ରହିଛି । ସୁନ୍ଦର ବଣ ପାହାଡ ପାଦଦେଶରେ ଭୋଜିଭାତ କରିବା ସାଙ୍ଗକୁ ପାହାଡ ଉପରୁ ମଳକୁ ଝିଆସୁଥିବା ଝରଣା ପାଣିରେ ଗାଧୋବା ମଜା ଅଧିକ ନିଆର ।

ସେହି ପରି ଭୋଜିଭାତ କରୁଥିବା ସ୍ଥାନ ପାଖରେ ଏକ ସୁନ୍ଦର ଉଦ୍ୟାନ ରହିଛି । ଏଠାକୁ ଆସୁଥିବା ପର୍ଯ୍ୟଟକ ଏବଂ ସେମାନଙ୍କ ର ପିଲାମାନେ ଏହି ପାର୍କରେ ବଲି ମଜା ନେଇପାରିବେ । ଗତ ଡିସେମ୍ବର ୨୫ ତାରିଖରେ ଏହି ପାର୍କକୁ ଉଦଘାଟନ କରାଯାଇଛି । ପାଖରେ ପାହାଡ ର ସବୁଜିମା ପର୍ଯ୍ୟଟକଙ୍କୁ ଆକୃଷ୍ଟ କରିପାରୁଥିବା ବେଳେ, ପାର୍କରେ ବିଭିନ୍ନ ଫୁଲ ଗଛ, ଦୋଳି , ଜୀବନ୍ତ ପଶୁ ଦିଶୁଥିବା ଫାଇବରେ ନିର୍ମିତ ହରିଣ, ଵଣମଣିଷ, ଆଦି ପଶୁ ପିଲାଙ୍କ ଠାରୁ ସମସ୍ତ ଙ୍କୁ ଆକୃଷ୍ଟ କରିପାରୁଛି ।

ଏହା ସହିତ ମେଳା ଲାଗିଲା ଭଳି ଛୋଟ ଛୋଟ ଉଠା ଦୋକାନ ପରିବେଶକୁ ଅଧିକ ଆକର୍ଷଣ କରିପାରୁଛି । ପ୍ରତିଦିନ କଟକ,ଭୁବନେଶ୍ୱର, ପୁରୀ କେନ୍ଦ୍ରାପଡା, ଯାଜପୁର, ନୟାଗଡ଼ ଜଗତସିଂହପୁର, ଢେଙ୍କାନାଳ ଆଦି ସ୍ଥାନରୁ ପର୍ଯ୍ୟଟକ ମାନେ ଏଠାକୁ ଆସି ଭୋଜିଭାତ କରୁଥିବା ଦେଖିବାକୁ ମିଳୁଛି । କାନପୁର ପୋଲିସ ପକ୍ଷରୁ ପର୍ଯ୍ୟଟକ ମାନଙ୍କ ଦେଖାଶୁଣା ପାଇଁ ପ୍ରତି ଦିନ ଏଠାକୁ କିଛି ହୋମଗାର୍ଡ଼ ଏବଂ କନେଷ୍ଟବଳଙ୍କୁ ଡିୟୁଟି ପାଇଁ ପଠାଉଛନ୍ତି ।

ଏଣୁ ଭୟ କରିବା କିଛି ନାହିଁ । ବିନନ୍ଦାସରେ ଭୋଜି କରି ଘରକୁ ଫେରିପାରିବ । ବସ ଏବଂ ଚାରିଚକିଆ ଯାନ ପାର୍କିଂ କରିବା ପାଇଁ ବିସ୍ତିର୍ଣ ସ୍ଥାନ ରହିଛି । ଏଠାକୁ ଆସିଲା ବେଳେ ବାଟରେ ପଡ଼ିବ ବଡ଼ମ୍ବାର ମା, ଭଟ୍ଟାରିକାଙ୍କ ପୀଠ, ଚମ୍ପେଶ୍ୱରରେ ଚମ୍ପାନାଥ ମହାଦେବ ମନ୍ଦିର ଏହି ମନ୍ଦିର କୁ ଲାଗି ରହିଥିବା ପୁଷ୍କରିଣୀରେ ଶହଶହ ସଂଖ୍ୟାର ବିରାଟ ବିରାଟକାୟ କଇଁଛ ଦେଖିବା କୁ ମିଳିବ । କଟକ ରୁ ନରସିଂହପୁର ରାସ୍ତାରେ ଆସି ଚମ୍ପେଶ୍ୱର ଠାରୁ ଡାହଣକୁ ପଡିଥିବା ରାସ୍ତାରେ ୨୦ କିଲୋ ମିଟର ଆଗକୁ ଗଲେ ଦିଅଁଝର ପଡ଼ିବ । ବାଇଟ ଅଛି ପକାଇବେ । (କଟକ ରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)