ବହ୍ନିକନ୍ୟା ପାର୍ବତୀ ଗିରୀଙ୍କ ୯୫ତମ ଜୟନ୍ତି ପାଳିତ

ଓଡ଼ିଶା ତାଜା ନ୍ୟୁଜ (୧୯ ଜାନୁଆରୀ ମଙ୍ଗଳବାର ) ପଦ୍ମପୁର :- ପଶ୍ଚିମ ଓଡିଶାର ସୁନାମ ଧନ୍ୟ ସମାଜ ସେବୀ, ସ୍ବାଧିନତା ସଂଗ୍ରାମୀ, ବହ୍ନିକନ୍ୟା ପାର୍ବତୀ ଗିରୀଙ୍କ ୯୫ତମ ଜୟନ୍ତି ଉତ୍ସବ କସ୍ତୁରବା ଗାନ୍ଧୀ ମାତୃନିକେତନ ପରିସର ରେ ବୁଧବାର ଅନୁଷ୍ଠିତ ହୋଇ ଯାଇଛି । ଅପରାହ୍ନରେ ଅନୁଷ୍ଠିତ ସଭାରେ ମୂଖ୍ୟ ଅତିଥି ଭାବେ ପୂର୍ବତନ ବିଧାୟକ ପ୍ରଦୀପ ପୁରୋହିତ, ମୂଖ୍ୟବକ୍ତା ଭାବେ ବିନ୍ଧ୍ୟବାସିନି +୨ ବିଦ୍ୟାଳୟର ଅଧ୍ୟକ୍ଷ ଶ୍ୟାମଲାଲ ପ୍ରଧାନ, ସମ୍ମାନିତ ଅତିଥି ଭାବେ ନଗେନ୍ଦ୍ର ପାଣିଗ୍ରାହୀ, ସମାଜସେବୀ ହରିବନ୍ଧୁ ଜେନା ଯୋଗ

ଦେଇଥିବା ବେଳେ ଅନୁଷ୍ଠାନର ସଭାନେତ୍ରୀ ସୂର୍ଣ୍ଣପ୍ରଭା ପାଣିଗ୍ରାହୀ ସଭାପତି ଦାୟିତ୍ବ ତୁଲାଇଥିଲେ । ଅନୁଷ୍ଠାନର ସୁପରିଣ୍ଟେଣ୍ଡେଣ୍ଟ୍ ନିର୍ମଳ ଗିରି ମଞ୍ଚ ପରିଚାଳନା କରିଥିଲେ । କୋଭିଡ ନିୟମକୁ ପାଳନ କରି ଜୟନ୍ତୀ ଉତ୍ସବ ପାଳନ କରାଯାଇଥିଲା । ଅତିଥିମାନେ ପ୍ରଥମେ ପାର୍ବତୀ ଗିରୀଙ୍କ ପ୍ରତିମୃତ୍ତୀ ଉପରେ ପୁଷ୍ପମାଲ୍ୟ ଅର୍ପଣ କରିଥିଲେ । ମୂଖ୍ୟ ଅତିଥି ଶ୍ରୀ ପୁରୋହିତ ଅନୁଷ୍ଠାନ ର ରିତେଶ ସେଠି, ପିଙ୍କି ମିର୍ଦ୍ଧା, ବନ୍ଦିତା ସାହୁ, ଓ ମାମି ମହାନନ୍ଦଙ୍କୁ ପୁରସ୍କାର ପ୍ରଦାନ କରିଥିଲେ । ସଭାରେ ଅନ୍ତେବାସୀଙ୍କ ସହ କମିଟି ସଦସ୍ୟା ମାନେ ଓ

ସମ୍ପାଦିକା ମମତା ପୁରୋହିତ,ଭାରତୀ ଶତପଥୀ, ଅନିତା ଛତର, ଭାରତୀ ପଟ୍ଟନାୟକ, ମମତା ଦାସ, ଅନୁଷ୍ଠାନ ସଞ୍ଜିବ ଦାସ, ଯଶୋବନ୍ତି ଭୋଇ, ଦୁର୍ଯ୍ୟୋଧନ ତ୍ରିପାଠୀ, ବରିଷ୍ଠ ସାମ୍ବାଦିକ ବଡ ସତପଥୀ,ସାମ୍ବାଦିକ ସୁରଥ ସାହୁ, ସାମ୍ବାଦିକ ଧରେନ ମହାନ୍ତି ପ୍ରମୁଖ ଯୋଗଦାନ କରିଥିଲେ । ପୂର୍ବରୁ ଅନୁଷ୍ଠିତ ବାର୍ଷୀକ୍ରୀଡାରେ କୃତ୍ତୀ ପ୍ରତିଯୋଗିମାନଙ୍କୁ ଅତିଥି ମାନଙ୍କ ଦ୍ବାରା ପୁରସ୍କୃତ କରାଯାଇଥିଲା । ନିର୍ମଳ ଗିରି ଧନ୍ୟବାଦ ଦେଇଥିଲେ । (ରିପୋର୍ଟ – ନିରୋଜ କୁମାର ପାଣୀ )