କଟକ ସହରରେ ଚାଲିଥିବା ଜାଇକା କାର୍ଯ୍ୟର ସମୀକ୍ଷା

ଓଡ଼ିଶା ତାଜା ନ୍ୟୁଜ (୧୯ ଜାନୁଆରୀ ମଙ୍ଗଳବାର )କଟକ :- କଟକ ସହରରେ ଚାଲିଥିବା ଜାଇକା କାର୍ଯ୍ୟର ଅଗ୍ରଗତି ସମ୍ପର୍କରେ ମଙ୍ଗବାର ଏକ ସମୀକ୍ଷା ବୈଠକ ,ମହାନଦୀବିହାର ସ୍ଥିତ ଜାଇକା ମୁଖ୍ୟଯନ୍ତ୍ରୀଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା । ଏହି ସମୀକ୍ଷା ବୈଠକରେ ବାରବାଟୀ କଟକ ବିଧାୟକ ମହମ୍ମଦ ମୋକିମ୍,ସିଏମସି କମିସନର ଅନନ୍ୟା ଦାସ,ପିଏଚଡି ଅଧିକାରୀ, ସିଏମସି ର ଅଧିକାରୀମାନେ ଉପସ୍ଥିତ ଥିଲେ ।

ବିଶେଷ କରି ଜାଇକା ସହରରେ ବିଭିନ୍ନ ସ୍ଥାନରେ ଡ୍ରେନେଜ ଏବଂ ରାସ୍ତା ନିର୍ମାଣ କରିଆସୁଥିବା ବେଳେ ଏ ପର୍ଯ୍ୟନ୍ତ କାର୍ଯ୍ୟ ଶେଷ ହୋଇନାହିଁ। ଯାହା ଫଳରେ ଛୋଟବଡ଼ ନିତିଦିନିଆ ଦୁର୍ଘଟଣା ଘଟୁଛି। ସେଥିପ୍ରତି ଜାଇକା ଏବଂ ସିଏମସି କର୍ତ୍ତୁପକ୍ଷ ଦୃଷ୍ଟି ଦେବା ଦରକାର ବୋଲି ସମସ୍ତେ ମତ ରଖିଥିଲେ ।

ସହରର କେଉଁ କେଉଁ ୱାର୍ଡରେ କାର୍ଯ୍ୟ ସରିଛି ଏବଂ କେତେ ପ୍ରତିଶତ ଶେଷ ହୋଇଛି, ସେସବୁକୁ ଏହି ସମୀକ୍ଷା ବୈଠକରେ ଉପସ୍ଥାପନ କରିଥିଲେ ଜାଇକା କର୍ତ୍ତୁପକ୍ଷ।ସହରର କିଛି ସ୍ଥାନରେ ମ୍ୟାନହୋଲ୍ ଥିବାରୁ ଏହାକୁ କଭର୍ କରିବାକୁ ଆଲୋଚନା କରିଥିଲେ ବିଧାୟକ ମହମ୍ମଦ ମୋକିମ୍। ତାହାଛଡା ନୂଆ ରୂପରେଖ ଦେବା ଲାଗି ପୁରୁଣା ଡ୍ରେନ୍ ନିମ୍ନମାନର କାର୍ଯ୍ୟ କରାଯାଉଛି ।

ଯେଉଁଥି ପାଇଁ ବିଭିନ୍ନ ସମୟରେ ଡ୍ରେନ୍ ଗୁଡିକ ଧସି ଯାଉଥିବା ନଜିର ରହିଛି। ଏ ସବୁ ସମସ୍ୟାକୁ ନେଇ ବୈଠକ ଅନୁଷ୍ଠିତ ହୋଇଥିଲା । ଆଉ ଖୁବଶୀଘ୍ର ସମସ୍ୟାର ସମାଧାନ କରିବାକୁ ବିଧାୟକଙ୍କ ପ୍ରସ୍ତାବରେ ସିଏମସି ଏବଂ ଜାଇକା ଅଧିକାରୀ ମାନେ ପ୍ରତିଶୃତି ଦେଇଥିଲେ। (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ )