ନର୍ଲା ବିଧାୟକ ଭୁପିନ୍ଦର ସିଂଙ୍କ ଦ୍ଵାରା ନର୍ଲା ଠାରେ ବିଭିନ୍ନ କାର୍ଯ୍ୟର ସମୀକ୍ଷା

 ଓଡ଼ିଶା ତାଜା ନ୍ୟୁଜ (୧୭ ଜାନୁଆରୀ ରବିବାର) କଳାହାଣ୍ଡି :- ନର୍ଲା ନିର୍ବାଚନ ମଣ୍ଡଳୀରେ ନର୍ଲା ହେଉଛି ଏହାର ପ୍ରାଣକେନ୍ଦ୍ର। ଏହାକୁ ଧ୍ୟାନରେ ରଖି ମାନ୍ୟବର ନର୍ଲା ବିଧାୟକ ଭୁପିନ୍ଦର ସିଂହ ଆଜି ନର୍ଲା ପରିଦର୍ଶନ କରିଛନ୍ତି।ନର୍ଲାର ରାଣୀବନ୍ଧକୁ ଆଦର୍ଶ ପୋଖରୀ ,ନର୍ଲା ଖେଳ ପଡିଆକୁ ମିନି ଷ୍ଟାଡିୟମ,ନର୍ଲା ଠାରେ ବିଜୁ କଲ୍ୟାଣୀ ମଣ୍ଡପ,ରେଞ୍ଜ ଅଫିସ,ନର୍ଲା ମୁଖ୍ୟ ରାସ୍ତାକୁ ଆଲୋକିତ କରିବା ସହିତ PWD ରାସ୍ତାକୁ ଓସାର କରିବା ପ୍ରଭୃତି ଚିନ୍ତା ଶ୍ରୀ ସିଂ କରିଥିଲେ । ଏଥି ମଧ୍ୟରୁ କଲ୍ୟାଣୀ ମଣ୍ଡପ,ରେଞ୍ଜ ଅଫିସ ଓ ମିନି ଷ୍ଟାଡିୟମକୁ ଶୀଘ୍ର ଟେଣ୍ଡର ଡାକି କାମ ଆରମ୍ଭ କରିବା ପାଇଁ ବିଭାଗୀୟ ଅଧିକାରୀ ମାନଙ୍କୁ କହିଥିଲେ ।

ମୁଖ୍ୟତଃ ନର୍ଲା ଖେଳ ପଡିଆ ଠାରେ ଏକ ଜାତୀୟ ସ୍ତରର ଷ୍ଟାଡିୟମ ଖୁବ ଶୀଘ୍ର କରିବା ପାଇଁ ମନ ବଳେଇଥିବା ବେଳେ ତାର ଭିତ୍ତିପ୍ରସ୍ତର ଆସନ୍ତା ସପ୍ତାହ ମଧ୍ୟରେ କରିବା ପାଇଁ ବ୍ଲକ ସଭାପତି ପରେଶ ପଧାନଙ୍କୁ ଦାୟିତ୍ୱ ଦେଇଥିଲେ।ଯୁବ ନେତା ଦଲଜିତ ସିଂହ,ନର୍ଲା ବ୍ଲକ ସମ୍ପାଦକ ଶ୍ରୀଯୁକ୍ତ ଭୋପାଳ ନାଗ, ନର୍ଲା ପଞ୍ଚାୟତ ସରପଞ୍ଚ ଚିରଂଜିବି ଗୈ।ଡ଼ିଆ,ନର୍ଲା ବିଜେଡି ପଞ୍ଚାୟତ ସଭାପତି କିଶୋର ମାଝୀ, ବରିଷ୍ଠ ବିଜେଡି କର୍ମୀ ହମେଶ ଜୈନ,ପୂର୍ଣ୍ଣ ପୁଝାରି,ଗଦାଧର ବାଗ, ମହିଳା ବିଜେଡି କର୍ମୀ ପଙ୍କଜିନୀ ନାଏକ, ଯୁବ କାର୍ଯ୍ୟକାରୀ ସଭାପତି ରାଜେନ୍ଦ୍ର ପୁଝାରୀ(ଟିଙ୍କୁ), ଚକ୍ରଧର ଗଉଡ ପ୍ରମୁଖ ଉପସ୍ଥିତ ରହି ନର୍ଲାର ବିକାଶ ସାଧନ ଦିଗରେ ବିଧାୟକଙ୍କ ସହିତ ଆଲୋଚନା କରିଥିଲେ । ନର୍ଲା ଗ୍ରାମର ଅବସର ପ୍ରାପ୍ତ ଆଦର୍ଶ ଶିକ୍ଷକ ଗୋକୁଳ ଚନ୍ଦ୍ର ପୁଝାରିଙ୍କ କିଛି ଦିନତଳେ ଦେହାନ୍ତ ହୋଇଥିଲା ବିଧାୟକ ଶ୍ରୀ ସିଂହ ତାଙ୍କ ଘରକୁ ଯାଇ ଶୋକ ସନ୍ତାପ ପରିବାର ଵର୍ଗଙ୍କୁ ସ୍ୱନ୍ତନା ଦେବା ସହିତ ପୁଝାରି ଆଜ୍ଞାଙ୍କ ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିଥିଲେ। ( ରିପୋର୍ଟ ପ୍ରଦୀପ କୁମାର ଗଉଡ , କଳାହାଣ୍ଡି ବ୍ୟୁରୋ ଚିଫ)