ମିଳିଲାନି ସରକାର ଙ୍କ ମହାପ୍ରୟାଣ ସେବା , ବାଇକ ରେ ବୁହା ହେଲେ ଶବ

ଓଡ଼ିଶା ତାଜା ନ୍ୟୁଜ ( ୧୬ ଜାନୁଆରୀ ଶନିବାର )ଜଗନ୍ନାଥପ୍ରସାଦ  :- ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ଠାରେ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ଶବକୁ ମହାପ୍ରୟାଣ ଗାଡି ନ ମିଳିବାରୁ ବାଇକରେ ବସାଇ ଘରକୁ ନେଲେ ପରିବାର ଲୋକେ । ଆଜି ସକାଳୁ ଜିରାବାଡ଼ି ଗ୍ରାମର ନୀଳ ମାଧବ ପ୍ରଧାନ ଚାହା ପିଇବା ପାଇଁ ବଜାରକୁ ଆସିଥିଲେ ହଟାତ ଛାତିରେ ଯନ୍ତ୍ରଣା ହେବାରୁ ତଳେ ପଡି ଯାଇଥିଲେ । ସ୍ଥାନୀୟ ଲୋକେ ଉଦ୍ଧାର କରି ମେଡିକାଲ ରେ ଭର୍ତି କରିଥିଲେ । ହେଲେ ଡାକ୍ତର ମେଡିକାଲ ରେ ମୃତ୍ୟୁ ଘୋଷଣା କରିଥିଲେ ।

ପରିବାର ଲୋକେ ମହାପ୍ରୟାଣ ଗାଡିରେ ଶବ ନବାକୁ ଡାକ୍ତର ଙ୍କୁ କହିଥିଲେ । କିନ୍ତୁ ଡାକ୍ତର ମହାପ୍ରୟାଣ ଗାଡି ର ସୁବିଧା ନଥିବା କହି ଥିଲେ । ମୃତକ ଙ୍କ ସମ୍ପର୍କୀୟ ମେଡ଼ିକାଲ ରେ ଥିବା ଆମ୍ବୁଲାନ୍ସ କୁ ,ଅଟୋ କୁ ଯୋଗା ଯୋଗ କରିଥିଲେ । କିନ୍ତୁ ଶବ ନବା ପାଇଁ ଗାଡି ନମିଳିବାରୁ ବାଧ୍ୟହୋଇ ବାଇକ ରେ ବସାଇ ଘରକୁ ଆଣିଥିଲେ ସମ୍ପର୍କୀୟ । ତେବେ ଏ ନେଇ ମେଡ଼ିକାଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ ।
 ( ରିପୋର୍ଟ ଶେଷଦେବ ସାହୁ, ଗଞ୍ଜାମ ଜିଲ୍ଲା ବ୍ୟୁରୋ )