ଚମ୍ପିୟାନ ଆଖ୍ୟା ଅର୍ଜନ କଲା ରଘୁନାଥ କ୍ରିକେଟ କ୍ଳବ

ଓଡ଼ିଶା ତାଜା ନ୍ୟୁଜ (୧୫ ଜାନୁଆରୀ ଶୁକ୍ରବାର ) ହିଞ୍ଜିଳିକାଟୁ  :- ହିଞ୍ଜିଳିକାଟୁ ବ୍ଳକ ପଲ୍ଲୀପଦ୍ମନାଭପୁର ଗ୍ରାମରେ ଚାଲିଥିବା କ୍ରିକେଟ ଟୁର୍ଣ୍ଣାମେଂଟର ଫାଇନାଲ ମ୍ୟାଚରେ କଇଠପଡ଼ାକୁ ୬୯ରନ୍‌ରେ ପରାସ୍ତ କରି ଚମ୍ପିୟାନ ଆଖ୍ୟା ଅର୍ଜନ କରିଛି । ଫାଇନାଲ ମ୍ୟାଚରେ ଆୟୋଜକ ଟସ୍ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୫ ଓଭରରେ ୭ ୱିକେଟ ହରାଇ ୧୧୨ ରନ ସଂଗ୍ରହ କରିଥିଲା । ଜବାବରେ କଇଠପଡ଼ା ଦଳ ମାତ୍ର ୫୩ରନ କରି ସମସ୍ତ ୱିକେଟ ହରାଇଥିଲା । ଉଦଯାପନି ଉତ୍ସବରେ ମୁଖ୍ୟ ଅତିଥି ଭାବେ ହିଞ୍ଜିଳିକାଟୁ ଅଂଚଳର ବିଜେଡ଼ିର ଯୁବ ସଂଗଠକ ତଥା ଯୁବ ନେତା ଅଜୟ କୁମାର ମହାରଣା ଯୋଗଦେଇ

ଚମ୍ପିୟାନ ଆଖ୍ୟା ଅର୍ଜନ କରିଥିବା ବିଜୟୀ ଦଳକୁ ୯ ହଜାର ଟଙ୍କାର ଅର୍ଥରାଶି ସମେତ ଟ୍ରଫି ପ୍ରଦାନ କରାଯାଇଥିବା ବେଳେ ରନର୍ସ ଅଫ୍ ଦଳକୁ ୫ ହଜାର ଟଙ୍କା ଓ ଟ୍ରଫି ପ୍ରଦାନ କରିଥିଲେ । ସମ୍ମାନିତ ଅତିଥି ଭାବେ ସରଂପଚ ଜି. ଏରାମା ଓ ନାଏବ ସରଂପଚ ଏ. ମାଧବ ଯୋଗ ଦେଇଥିଲେ । ପଲ୍ଲୀପଦ୍ମନାଭପୁର ରଘୁନାଥ କ୍ରିକେଟ କ୍ଳବର ଡ଼ମ୍ବୁରୁଙ୍କୁ ମ୍ୟାନ୍ ଅପ୍ ଦି ମ୍ୟାଚ୍ ଓ କଇଠପଡ଼ା ଦଳର ଏ. ଜୟଙ୍କୁ ମ୍ୟାଚ୍ ଅଫ୍ ଦି ସିରିଜ୍ ଭାବେ ପୁରସ୍କୃତ କରାଯାଇଥିଲା । ଆୟୋଜିତ କ୍ରିକେଟ ଟୁର୍ଣ୍ଣାମେଂଟକୁ ଏ. ଯୁଗଳ, ବି. ଆଶିଷ, ଶିବରାମ ମହାରଣା, ଗଣେଷ ଗଉଡ଼, ଇ. ମନୋଜ, ଏ.ଅନୁଭବ, ଭଗବାନ ଗଉଡ଼ ପ୍ରମୁଖ ପରିଚାଳନା କରିଥିଲେ । ( ରିପୋର୍ଟ ଶୁସାନ୍ତ ପ୍ରଧାନ )