ଭାରତୀୟ ଭାଷା ଆନ୍ଦୋଳନ ପକ୍ଷରୁ – ରାଷ୍ଟ୍ରୀୟ ସାଇକେଲ ଯାତ୍ରା

ଓଡ଼ିଶା ତାଜା ନ୍ୟୁଜ (୧୫ ଜାନୁଆରୀ ଶୁକ୍ରବାର ) ଭୁବନେଶ୍ୱର  :- ଭାରତୀୟ ଭାଷା ଆନ୍ଦୋଳନ ତରଫରୁ ସମ୍ବିଧାନକୁ ଜାଣନ୍ତୁ ଶୀର୍ଷକ ଏକ ସାଇକେଲ ଯାତ୍ରା ଅନୁଷ୍ଠିତ ହୋଇଯାଇଛି । ରାଷ୍ଟ୍ରୀୟ ସାଇକେଲ ଯାତ୍ରାର ତୃତୀୟ ପର୍ଯ୍ୟାୟରେ ପୁରୁଣା ଭୁବନେଶ୍ୱରସ୍ଥିତ ପ୍ରଭୁ ଅନନ୍ତ ବାସୁଦେବଙକ୍ ମନ୍ଦିର ନିକଟରୁ ଆରମ୍ଭ ହୋଇ ଫାୟାର ଷ୍ଟେସନ ଛକ, ସମ୍‌ ହସ୍ପିଟାଲ, ଗୋଠପାଟଣା, କାଟେଣି ଛକ ଦେଇ ମେଣ୍ଢାଶାଳସ୍ଥିତ ପ୍ରଭୁ ଭଗବତ ବସୁଦେବଙ୍କ ମନ୍ଦିର ନିକଟରେ ସମାପନ ହୋଇଥିଲା । ଏହି କାର୍ଯ୍ୟକ୍ରମ ଭାରତୀୟ ଭାଷା ଆନ୍ଦୋଳନର ରାଷ୍ଟ୍ରୀୟ ଉପସଭାପତି ତଥା ସୁପ୍ରିମକୋର୍ଟର ଆଇନଜୀବୀ ପ୍ରଶାନ୍ତ ବର୍ମାଙ୍କ ତତ୍ତ୍ୱାବଧାନରେ ଭାରତୀୟ ଭାଷା ଆନ୍ଦୋଳନର ଓଡ଼ିଶା ଏବଂ ପଶ୍ଚିମବଙ୍ଗ ପ୍ରାନ୍ତ ପ୍ରଭାରୀ ଓଡ଼ିଶା ଉଚ୍ଚ ନ୍ୟାୟାଳୟର ଆଇନଜୀବୀ ତଥା ଏହି କାର୍ଯ୍ୟକ୍ରମର ବ୍ୟବସ୍ଥା ପ୍ରମୁଖ ଶ୍ରୀମନ୍ତ କୁମାର ସାମନ୍ତରାୟଙ୍କ ଦ୍ୱାରା ଆୟୋଜିତ ହୋଇଥିଲା ।

ଏଥିରେ ଅନ୍ୟମାନଙ୍କ ମଧ୍ୟରେ ଓଡ଼ିଶା ଉଚ୍ଚ ନ୍ୟାୟାଳୟର ଆଇନଜୀବୀ ତଥା ପୂର୍ବତନ ସମ୍ପାଦକ (ଯାତ୍ରା ପ୍ରମୁଖ) ମୃଗାଙ୍କ ମଉଳି ପଟ୍ଟନାୟକ, ରାଜ୍ୟ କାର୍ଯ୍ୟକାରୀ ସଦସ୍ୟ ଅର୍ଜୁନ କୁମାର ମୁଦୁଲି, ରାଜ୍ୟ ଉପସଭାପତି ବିପିନ ଜୟସିଂହ, ଖୋର୍ଦ୍ଧା ଜିଲ୍ଲା ସଭାପତି ସୁଜିତ କୁମାର ସ୍ୱାଇଁ, ପୁରୀ ଜିଲ୍ଲା ନେତୃତ୍ୱ ଉମାଶଙ୍କର ଶତପଥୀ, ଖୋର୍ଦ୍ଧା ଜିଲ୍ଲା ପ୍ରଭାରୀ ଚୈତନ୍ୟ ସାହୁ, ପୁରୀଜିଲ୍ଲା ପ୍ରଭାରୀ କୃଷ୍ଣଚନ୍ଦ୍ର ବଳିୟାରସିଂ, ଅନୁଗୁଳ ଜିଲ୍ଲା ସଭାପତି ମାନସ କୁମାର ପରିଡ଼ା, ଭୁବନେଶ୍ୱର ଓକିଲ ସଂଘର ଉପସଭାପତି ପ୍ରଶାନ୍ତ କୁମାର ମହାନ୍ତି, କାର୍ଯ୍ୟକାରୀ ସଦସ୍ୟ ସୁରେଶ କୁମାର ଦାସ, ଆଇନଜୀବୀ ପ୍ରଶାନ୍ତ ସାମର୍ଥା ଯୋଗ ଦେଇଥିଲେ । ପୂର୍ବତନ ସାଂସଦ ପ୍ରସନ୍ନ କୁମାର ପାଟ୍ଟଶାଣୀ, ଜଟଣୀ ବିଧାୟକ ସୁରେଶ କୁମାର ରାଉତରାୟ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏହି କାର୍ଯର୍୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଲା ‘ଜନତାଙ୍କୁ ନ୍ୟାୟ ଜନତାଙ୍କ ଭାଷାରେ’ ଏବଂ ‘ନ୍ୟାୟାଳୟରେ ଭାରତୀୟ ଭାଷା’ ବିଷୟରେ ଜନସଚେତନତା ସୃଷ୍ଟି କରିବା । ଜନସାଧାରଣଙ୍କ ମଧ୍ୟରେ ବିପୁଳ ଉତ୍ସାହ ଦେଖାଯାଇଥିଲା ଏବଂ ସହଯୋଗ ମିଳିଥିଲା ।

ଯାତ୍ରା କାଳରେ ସାମପୁର ନୂଆଗାଁ ସଭାପତି ଅନିଲ ମୁୁଦୁଲି ଏବଂ ସମ୍ପାଦକ ଅଜୟ ସାହୁ ଓ ଗ୍ରାମବାସୀ ଗୋଠପାଟଣାଠାରେ ଯୁବ ସମାଜସେବୀ ତଥା ସାଇଲକ୍ଷ୍ମୀ ଟିଭିଏସ୍‌ର ନିର୍ଦ୍ଦେଶକ ଯଶୋଧର ମହାନ୍ତି, କାଟେଣୀ ଗ୍ରାମବାସୀଙ୍କ ତରଫରୁ ନରେନ୍ଦ୍ର ସାହୁ ଏବଂ କୀର୍ତ୍ତି ଚନ୍ଦ୍ର ସେନାପତି, ଅଜୟ ସାହୁ, ମେଣ୍ଢାଶାଳ ଗ୍ରାମବାସୀଙ୍କ ତରଫରୁ ପ୍ରଫୁଲ୍ଲ ଶ୍ରୀଚନ୍ଦନ, ବାଙ୍କ ବିହାରୀ ଦାସ, ବରିଷ୍ଠ ନାଗରିକ ମଞ୍ଚର ସଭାପତି ଭାସ୍କର ଚନ୍ଦ୍ର ସୁବୁଦ୍ଧି, ସମ୍ପାଦକ ପ୍ରଫୁଲ୍ଲ ଚନ୍ଦ୍ର ପାତ୍ର, ଅଞ୍ଚଳର ନାରୀନେତ୍ରୀ କୌଶଲ୍ୟା ବଳିଆରସିଂ, ସଚେତନ ନାଗରିକ ମଞ୍ଚ ସଭାପତି ତଥା ପୂର୍ବତନ ଜିଲ୍ଲା ସଂସ୍କୃତି ଅଧିକାରୀ ଓ ସମାଜସେବୀ ସୁରେନ୍ଦ୍ର ନାଥ ସାମନ୍ତରାୟ, ଆଞ୍ଚଳିକ ଓକିଲ ସଂଘ ତରଫରୁ ବରିଷ୍ଠ ଆଇନଜୀବୀ ଅକ୍ଷୟ ସାମନ୍ତରାୟ, ପ୍ରସନ୍ନ କୁମାର ଦାସ ଓ ଜଟଣୀ ନିର୍ବାଚନ ମଣ୍ଡଳୀର ଯୁବନେତା ବିଶ୍ୱରଞ୍ଜନ ବଡ଼ଜେନା (ଲୁଲୁ) ଏହି ସାଇକେଲ ଯାତ୍ରାକୁ ଉଚ୍ଛସିତ ସମ୍ବର୍ଦ୍ଧନା ଜଣାଇ ଏହାର ଉଚ୍ଚକୋଟୀର ପ୍ରଶଂସା କରିଥିଲେ । ପ୍ରଥମ ପର୍ଯ୍ୟାୟରେ ଏହା ପୁରୀ ଶ୍ରୀମିନ୍ଦିର ଠାରୁ ଲିଙ୍ଗରାଜ ଓ ଦ୍ୱିତୀୟ ପର୍ଯ୍ୟାୟରେ ଐତିହାସିକ ଧଉଳି ଠାରୁ ଜୟଦେବ ପୀଠ ପର୍ଯ୍ୟନ୍ତ କରାଯାଇଥିଲା ।