ଓଡ଼ିଶା ତାଜା ନ୍ୟୁଜ (୧୫ ଜାନୁଆରୀ ଶୁକ୍ରବାର) କଳାହାଣ୍ଡି :-କଳାହାଣ୍ଡି ଜିଲ୍ଲା ନର୍ଲା ଥାନା ଅନ୍ତର୍ଗତ ଶ୍ରୀପାଲି ନିକଟସ୍ଥ ପୋଲ ତଳକୁ ଖସିପଡ଼ି ଜଣେ ବାଇକ୍ ଆରୋହିର ଘଟଣା ସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି।ଗତ ବିଳମ୍ବିତ ରାତ୍ରରେ ବାଇକରେ ଯାଉଥିବା ବେଳେ ପୋଲ ନିକଟରେ ଏକ ବୁଲାଣିରେ ଭାରସାମ୍ୟ ହରାଇ ପୋଲ ତଳକୁ ଖସି ପଡ଼ିଥିବା ଅନୁମାନ
କରାଯାଉଛି। ସକାଳୁ ଗାଁ ଲୋକେ ଉକ୍ତ ରାସ୍ତା ଦେଇ ଯିବା ପରେ ଏଭଳି ଘଟଣା ନଜରକୁ ଆସିଛି।ଏ ନେଇ ନର୍ଲା ପୋଲିସକୁ ଲୋକେ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରଂଭ କରିଛନ୍ତି।ହେଲେ ନର୍ଲା ଥାନା ଅଧିକାରୀ ରମଣୀ ରଂଜନ ଦଳେଇଙ୍କ ସୂଚନା ମତେ ଏ ପର୍ଯ୍ୟନ୍ତ ମୃତକଙ୍କ ପରିଚୟ ମିଳିନାହିଁ। (ରିପୋର୍ଟ-ପ୍ରଦୀପ କୁମାର ଗଉଡ) କଳାହାଣ୍ଡି ବ୍ୟୁରୋ ଚିଫ
