ଭାରତ ବାୟୋଟେକ ଓ ଆଇସିଏମଆର ଦ୍ୱାରା ପ୍ରସ୍ତୁତ ଟିକା ପହଞ୍ଚିଛି ଓଡ଼ିଶାରେ

ଓଡିଶା ତାଜା ନ୍ୟୁଜ୍  (୧୩ ଜାନୁଆରୀ ବୁଧବାର ) ଭୁବନେଶ୍ୱର :- ଓଡ଼ିଶା ରେ ପହଞ୍ଚିଛି ଭାରତ ବାୟୋଟେକ ଓ ଆଇସିଏମଆର ଦ୍ୱାରା ପ୍ରସ୍ତୁତ ଟିକା କୋଭାକ୍ସିନ । ହାଇଦ୍ରାବାଦରୁ ଏହାର ୨୦ ହଜାର ଡୋଜ ରାଜ୍ୟକୁ ଆସିଥିବା ଜଣାପଡ଼ିଛି । ଏହି ଟିକାକୁ ଏବେ ରାଜ୍ୟ ଟିକା ଭଣ୍ଡାରରେ ରଖାଯାଇଛି । ଅନ୍ୟପଟେ ପୁଣେରୁ ଆସିଥିବା କୋଭିସଲ୍ଡ ଟିକା ଆସି ଭୁବନେଶ୍ୱର ରେ ପହଞ୍ଚିବା ପରେ ବିଭିନ୍ନ ଜିଲ୍ଲାକୁ ଏହା ପର୍ଯ୍ୟାୟ କ୍ରମେ ପଠାଯିବା ପ୍ରକ୍ରିୟା ଚାଲିଛି । ଏହାକୁ ପର୍ଯ୍ୟାୟକ୍ରମେ ବିଭିନ୍ନ ଜିଲ୍ଲାକୁ ପଠାଯିବ ।

ତେବେ ରାଜ୍ୟରେ ୨ଟି ଟିକା ପହଞ୍ଚିଥିଲା ବେଳେ କାହାକୁ କେଉଁ ଟିକା ଦିଆଯିବ ତାହା ସରକାର ସ୍ଥିର କରିବେ । ମଙ୍ଗଳବାର ସନ୍ଧ୍ୟାରେ ରାଜ୍ୟ ଟିକା ଭଣ୍ଡାରରୁ କଟକ, ପୁରୀ ଓ ନୟାଗଡ ଜିଲ୍ଲାକୁ ଟିକା ଦିଆଯାଇଛି । କଟକକୁ ୧୯ ହଜାର ୧ ଶହ ଡୋଜ ଯାଇଥିଲା ବେଳେନୟାଗଡକୁ ୪ ହଜାର ଓ ପୁରୀକୁ ୭ ହଜାର ଡୋଜ ଯାଇଛି । ଆଜି ମଧ୍ୟ ବିଭିନ୍ନ ଜିଲ୍ଲାକୁ ଟିକା ପଠାଇବା ପ୍ରକ୍ରିୟା ଜାରି ରହିଛି । କଡା ସୁରକ୍ଷା ଭିତରେ ସ୍ୱତନ୍ତ୍ର ଭ୍ୟାନ ଯୋଗେ ଏହି ଟିକା ସଂପୃକ୍ତ ଜିଲ୍ଲା ଗୁଡିକୁ ଯାଇଛି ।