ମାହାଙ୍ଗା ଡବଲ ମର୍ଡର ଘଟଣା ର ମୃତକଙ୍କ ଶ୍ରଦ୍ଧାଞ୍ଜଳି ସଭାରେ ; କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଅଭିଯୋଗ ପରେ ବିଜେଡିର ପତିକ୍ରିୟା, ମିଥ୍ୟା କାହାଣୀ କହୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଓଡିଶା ତାଜା ନିୟୁଜ (୧୨ ଜାନୁଆରୀ ମଙ୍ଗଳବାର ) ଭୁବନେଶ୍ୱର :- ମାହାଙ୍ଗା ନୂର୍ତ୍ତାଙ୍ଗ ଯଁକୋଟି ଗ୍ରାମରେ ଘଟିଯାଇଥିବା ୨ଟି ହତ୍ୟାକାଣ୍ଡରେ ପ୍ରାଣ ହରାଇଥିବା କୂଳମଣି ବରାଳ ଓ ଦିବ୍ୟସିଂହ ବରାଳଙ୍କ ଆଜି ଶ୍ରଦ୍ଧାଞ୍ଜଳି ଅବସରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗଦେଇ ପ୍ରଧାନମନ୍ତ୍ରୀ ଆବାସ ଦୁର୍ନୀତି କଥା ଦୋହରାଇବା ସହ ୨୦୧୮ରେ ନୂର୍ତ୍ତାଙ୍ଗ ଗ୍ରାମର ବିକାଶ ଯେନାଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିବା ବେଳେ ଏହି ଦୁର୍ନୀତିର ରହସ୍ୟ ଖୋଲିବା ପାଇଁ ସଂଗ୍ରାମ କରୁଥିବା କୁଳମଣି ଓ ତାଙ୍କ ସହଯୋଗୀ ଦିବ୍ୟସିଂହଙ୍କୁ ନିର୍ମମ ଭାବେ ହତ୍ୟା କରାଯାଇଥିବା କହିଥିଲେ । ଏହି ଦୁର୍ନୀତିର ତଦନ୍ତ ପାଇଁ କୂଳମଣି ବାବୁଙ୍କୁ ନେଇ କେନ୍ଦ୍ର ଗ୍ରାମ ଉନ୍ନୟନ ମନ୍ତ୍ରାଳୟରେ ଅଭିଯୋଗ କରାଇଥିଲେ ବିବୃତି ଉପରେ ମାହାଙ୍ଗା ବିଜେଡି ତାର ପ୍ରତିକ୍ରିୟା ରଖିବାସହ ଧର୍ମେନ୍ଦ୍ର ବାବୁଙ୍କ ମିଛ କଥାକୁ ଧରା ପକେଇଦେଇଛି, ବିଜେଡି ପକ୍ଷରୁ ମାହାଙ୍ଗା ଗୌଡପଡା ଡ଼ାକବଙ୍ଗଳା ଠାରେ ସାମ୍ବାଦିକ ସମ୍ମିଳନୀରେ ଏହି ଦୁର୍ନୀତି ଅଭିଯୋଗ କିଏ କରିଥିଲେ ତାହାର ପ୍ରମାଣ ଦେଇଛନ୍ତି ପଂଚାୟତ ସମିତି ଅଧ୍ୟକ୍ଷ ଶରତ ନାୟକ, ଘଟଣା ସମ୍ପର୍କରେ ଧମେନ୍ଦ୍ର ବାବୁ ଅବଗତ ନାହାନ୍ତି ।

ମନଗଢା କାହାଣି କରି ଲୋକମାନଙ୍କୁ ଭୁଆଁ ବୁଲାଉଛନ୍ତି ବୋଲି କହିବା ସହ ପ୍ରଧାନମନ୍ତ୍ରୀ ଆବାସ ଓ ମନରେଗା କାର୍ଯ୍ୟରେ ଦୁର୍ନୀତି ହେଉଥିବା ନେଇ ଆନନ୍ଦପୁର ପଞ୍ଚାୟତର ପୁର୍ବତନ ସମିତି ସଭ୍ୟ ରାମଚନ୍ଦ୍ର ବେହେରା ଓ ବରାହିପୁର ସରପଞ୍ଚ କିଶୋର ରାଉତ କେନ୍ଦ୍ର ଗ୍ରାମ ଉନ୍ନୟନ ମନ୍ତ୍ରୀଙ୍କ ନିକଟରେ ୨୦୧୭ ମସିହା ଅକ୍ଟୋବର ୩ ତାରିଖରେ ଏକ ଅଭିଯୋଗ କରିଥିଲେ । ଅଭିଯୋଗ ଅନୁଯାୟୀ ଏକ କେନ୍ଦ୍ରିୟ ଟିମ୍‍ ମାହାଙ୍ଗା ବ୍ଲକରେ ଏହାର ତଦନ୍ତ କରିଥିଲେ । ତଦନ୍ତରେ କି ତଥ୍ୟ ମିଳିଲା ତାହା ଧର୍ମେନ୍ଦ୍ର ବାବୁଙ୍କୁ ଭଲଭାବରେ ଜଣା ବୋଲି କହିଛନ୍ତି, ତେଣୁ ଜଣେ ବରିଷ୍ଠ କେନ୍ଦ୍ରମନ୍ତ୍ରୀ ହୋଇ ଏଭଳି ମିଥ୍ୟା ମନ୍ତବ୍ୟ ଦେବା ଦୁର୍ଭାଗ୍ୟ ଜନକ ବୋଲି ସାମ୍ବାଦିକମାନଙ୍କୁ କହିଛନ୍ତି ।

ଏଥିରେ ପୁର୍ବତନ ପଞ୍ଚାୟତ ସମିତି ଅଧ୍ୟକ୍ଷ କିଶୋର ସିଂହ ଯୋଗଦେଇ କୂଳମଣିଙ୍କ ୨୦ ବର୍ଷର କଂଗ୍ରେସ ରାଜନୀତି ସମୟ ମଧ୍ୟରେ ରାଜନୈତିକ ଶତ୍ରୁତା ଯୋଗୁଁ ଲଳିତଗିରି ଗ୍ରାମରେ ଧନି ପରିଡା ଓ ରାହାଣିଆରେ ରାମଚନ୍ଦ୍ର ସିଂହଙ୍କୁ ହତ୍ୟା ଘଟଣା ଘଟିଛି, ଏବେ କୂଳମଣି ଓ ତାଙ୍କ ପରିବାର କିଛି ସଦସ୍ୟଙ୍କ ନାମରେ ୧୯ରୁ ଉର୍ଦ୍ଧ୍ବ ଅପରାଧିକ ମାମଲା କୋର୍ଟରେ ବିଚାରାଧୀନ ରହିଥିବାବେଳେ ତାଙ୍କ ପ୍ରତି କି କାର୍ଯ୍ୟାନୁଷ୍ଠାନ ହୋଇଛି ବିଜେପି ଦଳ ସମୀକ୍ଷା କରୁ । ବିଜେପି ଦଳର ନେତାମାନେ ମନ୍ତ୍ରୀ ପ୍ରତାପ ଜେନାଙ୍କ ଜନହିତକର କାର୍ଯ୍ୟକୁ ସହ୍ୟ କରିନପାରି ତାଙ୍କୁ ବଦନାମ କରିବା ପାଇଁ ଏହି ହତ୍ୟା କାଣ୍ଡ ଘଟଣାରେ ଫସାଇବା ପାଇଁ ହୀନ ରାଜନୀତି କରି ବାହାବା ନେବାକୁ ଚେଷ୍ଟା କରୁଛନ୍ତି । ବିଜେପିର ଏହି ଚାଲ କେବେ ସଫଳ ହେବାକୁ ଦିଆଯିବ ନାହିଁ ବୋଲି ସେ କହିଛନ୍ତି । ଏଥିରେ ବ୍ଲକ ଯୁବ ବିଜେଡି ସଭାପତି ଶରତ ମହାପାତ୍ର, ବରିଷ୍ଠ ବିଜେଡି ନେତା କୈଳାସଚନ୍ଦ୍ର ସ୍ୱାଇଁ ଓ ହୃଷିକେଶ ବେହୁରା ପ୍ରମୁଖ ଉପସ୍ଥିତ ଥିଲେ ।