।। କଟକ ରେ : ଜି .ଏସ୍ .ଟି ଠକେଇ ଧରାପଡିଲା ।।

ଓଡିଶା ତାଜା ନିୟୁଜ (୧୨ ଜାନୁଆରୀ ମଙ୍ଗଳବାର ) କଟକ :- ଠକେଇର ସୀମା ଟପିଲେଣି ଅସାଧୁ ବ୍ୟବସାୟୀ । ବିଶେଷ କରି ଲକଡାଉନ୍ ଓ ସର୍ଟଡାଉନ୍ ବେଳେ କାହାରିକୁ ଛାଡିନାହାନ୍ତି ବେପାରୀ । ଗ୍ରାହକଙ୍କୁ ଚୂନ ଲଗାଇ କୋଟି କୋଟି ଟଙ୍କାର କଳା ଅର୍ଥ କମାଇ ଦେଇଛନ୍ତି ଅସାଧୁ ବେପାରୀ । ମୋଟା ଅଙ୍କର ଲାଭ ପାଇବା ଆଶାରେ ବିଭିନ୍ନ ସାମଗ୍ରୀ କୁ ସମସ୍ତଙ୍କ ଠୁ ଦୁଇଗୁଣା ଅଧିକ ବିକ୍ରି କରିଛନ୍ତି ମୁନାଫାଖୋର୍ ବ୍ୟବସାୟୀ । ହେଲେ ସବୁ ଓଲଟପାଲଟ ହୋଇଗଲା । ଇଏ ହେଉଛି ଲୋକଙ୍କ ଠୁ ଠକିବାର ଫଳ ।

ଏମିତି କିଛି ଠକ ଓ ଅସାଧୁ ବ୍ୟବସାୟୀଙ୍କ ଉପରେ ରେଡ୍ କରିଛି ଜିଏସଟି ବିଭାଗ। କଟକ ସହରରେ ଏହିଭଳି ଭାବେ ଜିଏସଟି ଫାଙ୍କୁଥିବା ବେପାରୀ, ଏଜେନ୍ସି ଆଉ କମ୍ପାନୀଙ୍କ ଉପରେ ଜିଏସଟି ବିଭାଗ ପକ୍ଷରୁ ବଡ଼ଧରଣର ରେଡ୍ କରାଯାଇଛି । କଟକ ଚାଉଳିଆଗଞ୍ଜ ଅପର୍ଣ୍ଣାନଗର ଅଞ୍ଚଳ ରେ ଥିବା ଏକ ଗୋଦାମ ଉପରେ ଜିଏସଟି ଟିମ୍ ଚଢାଉ । ସେଠାରେ ଥିବା ଏକ ବଡ଼ ହୋଲସେଲ୍ ଗୋଦାମ ରେ ଜିଏସଟି ଫାଙ୍କୁ ଥିବା ର ଖବର ପାଇଁ ଜିଏସଟି ର ଏକ ସ୍ବତନ୍ତ୍ର ଟିମ ପକ୍ଷରୁ ଏହି ଚଢାଉ କରାଯାଇଥିଲା । ଟିମ ର ଅଧିକାରୀମାନେ ସେଠାରେ ପହଞ୍ଚି ଗୋଦାମ ର ଜିନିଷକୁ ତନଖି କରିବା ସହ ନଥିପତ୍ରକୁ ଟିକିନିଖି ଯାଞ୍ଚ କରିଛନ୍ତି ।

ଗୋଦାମ ରେ ସିଗାରେଟ୍, ଗୁଟଖା, ଜର୍ଦ୍ଦା ସମେତ ୪ ରୁ ୫ ଟି ଖାଦ୍ୟ ସମାଗ୍ରୀ ର ମାଲ ବିପୁଳ ପରିମାଣରେ ମହଜୁଦ ରହିଛି । ମାତ୍ର ଗୋଦାମରେ ଥିବା ମାଲ ଏବଂ ଜିଏସଟି କାଗଜପତ୍ରକୁ ଯାଞ୍ଚ କରି କେତେ ଟଙ୍କାର କେଳେଙ୍କାରୀ ହୋଇଛି ତାହାର ଖୋଳତାଡ ଜାରି ରଖିଛି ଜିଏସଟି ବିଭାଗ । ଅପର୍ଣ୍ଣାନଗର ର ଏହି ଗୋଦାମ ରେ ବିନା ବିଲରେ ଜିନିଷ କାରବାର ତଥା ଜିଏସଟି ଫାଙ୍କି କରି କାରବାର କରାଯାଉଥିବା ର ଅଭିଯୋଗ ଜିଏସଟି ଟିମ ପାଖରେ ପହଞ୍ଚିଥିଲା । ତେବେ ଖାଲି ଏହି ସ୍ଥାନରେ ନୁହେଁ ବଂର ସହରର ଅନ୍ୟ ସ୍ଥାନରେ ବି ରେଡ୍ ଜାରି ରଖାଯାଇଛି ।

ତେବେ ଆସିଥିବା ସମସ୍ତ ଅଭିଯୋଗ ର ଛାନଭିନ ଶେଷ ହେବା ପରେ ଜିଏସଟି ଟିମ୍ ଏହି ଜିଏସିଟି ଠକେଇ ବାବଦରେ ସୂଚନା ଦେବ ବୋଲି ସ୍ପଷ୍ଟ କରିଛି ଜିଏସଟି ଟିମ । ବିପତ୍ତି ସମୟରେ ବେପାରୀମାନେ ସମସ୍ତଙ୍କୁ ସାହା ହେବା ପରିବର୍ତ୍ତେ ଲୋକଙ୍କୁ ଲୁଟି ଚାଲିଥିଲେ ଠକ ବେପାରୀ ଗୋଷ୍ଠୀ । ଆଉ ଜିଏସଟି ଠକି କୋଟି କୋଟି ଟଙ୍କାର କଳା ଟଙ୍କା କମାଇଛନ୍ତି । ଯାହାର ପରିଣାମ ଏବେ ଭୋଗିବାକୁ ପଡିଛି ଏହି ବ୍ୟବସାୟୀଙ୍କୁ । ଏବେ ଚାରିଆଡେ ଚଢାଉ ଚାଲିଥିଲାବେଳେ ଅସାଧୁ ବ୍ୟବସାୟଙ୍କ ମଧ୍ୟରେ କୋକୁଆଭୟ ସୃଷ୍ଟି ହୋଇଛି । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ )