ବିଶ୍ୱ ସ୍ତରିୟ ପଦକ୍ଷେପ ପାଇଁ ଯୁବବର୍ଗଙ୍କୁ ନିୟୋଜିତ କରିବ ଧ୍ୱନି – ଚଳିତ ବର୍ଷ ଅନଲାଇନ୍‌ରେ କନ୍‌କ୍ଲେଭ୍ ଆୟୋଜନ କରାଯିବ

ଓଡ଼ିଶା ତାଜା ନ୍ୟୁଜ୍ (୦୯ ଜାନୁଆରୀ ଶନିବାର ) ଭୁବନେଶ୍ୱର :- ଟାଟା ଷ୍ଟିଲ୍ ଫାଉଣ୍ଡେସନ ପକ୍ଷରୁ ଚଳିତ ବର୍ଷ ଜାନୁଆରି ୧୧-୧୨ ତାରିଖରେ ଏକ ଯୁବ କନ୍‌କ୍ଲେଭ୍ ଧ୍ୱନି ଆୟୋଜନ କରାଯିବ । ଜାତୀୟ ଯୁବ ଦିବସ ଉପଲକ୍ଷେ ଆୟୋଜନ କରାଯାଉଥିବା ଧ୍ୱନିର ଚତୁର୍ଥ ସଂସ୍କରଣକୁ ଚଳିତ ବର୍ଷ ଅନ୍‌ଲାଇନ୍ ମାଧ୍ୟମରେ ଆୟୋଜନ କରାଯିବ । ତିନି ବର୍ଷ ଭିତରେ ଧ୍ୱିନ ଏକ ବାର୍ଷିକ କାର୍ଯ୍ୟକ୍ରମରୁ ଆଗକୁ ବଢ଼ି ଯୁବବର୍ଗ ଏବଂ ସେମାନଙ୍କ ଅଭିଳାଷ ପାଇଁ ଏକ ମଂଚ ଭାବେ ଉଭା ହୋଇଛି । ଜାତିସଂଘର ଆନ୍ତର୍ଜାତିକ ଯୁବ ଦିବସ ବିଷୟବସ୍ତୁ କୈନ୍ଦ୍ରୀକ ଧ୍ୱନି ଯୁବବର୍ଗ ଙ୍କୁ ସେମାନଙ୍କ ଅଭିଳାଷ ପାଇଁ ନେଟ୍‌ୱର୍କ ଓ ସ୍ୱର ପ୍ରଦାନ କରିବାକୁ ଲକ୍ଷ୍ୟ ରଖିଛି । ଏହି କନକ୍ଲେଭ୍ ଅବସରରେ ଏହି କନକ୍ଲେଭ୍‌ରେ ଝାଡ଼ଖଣ୍ଡ ଓ ଓଡ଼ିଶା ଦୁଇ ରାଜ୍ୟର ୧୦୦୦ରୁ ଅଧିକ ଯୁବ ମସ୍ତିଷ୍କ ଏକତ୍ରୀତ ହେବେ । ବିଶିଷ୍ଟ ଚିନ୍ତାନାୟକ, ପରିବର୍ତନକାରୀ ଏବଂ ବିଷୟବସ୍ତୁ ବିଶେଷଜ୍ଞଙ୍କ ଭଳି ବିବିଧ ଆଭିମୁଖ୍ୟ ଯୋଡ଼ି ହେବେ ଏବଂ ସାମାଜିକ ପରିବର୍ତନ ପାଇଁ ସେମାନଙ୍କ ଚିନ୍ତାଧାରା ଏବଂ ପଦକ୍ଷେପ ଯୋଜନା ବାଂଟିବେ ।

ଜାତିସଂଘର ବିଷୟବସ୍ତୁ “ବିଶ୍ୱ ପଦକ୍ଷେପ ଲାଗି ଯୁବବର୍ଗଙ୍କ ନିୟୋଜନ” ଅନୁସାରେ ଆୟୋଜନ କରାଯାଉଥିବା ଧ୍ୱନିର ଉଦଘାଟନୀ ସମାରୋହରେ ଶ୍ରୀଯୁକ୍ତ ଟି ଭି ନରେନ୍ଦ୍ରନ, ସିଇଓ ଓ ଏମଡି, ଟାଟା ଷ୍ଟିଲ ଉଦବୋଧନ ଦେବାକୁ ଥିବା ବେଳେ ଶ୍ରୀଯୁକ୍ତ ଚାଣକ୍ୟ ଚୌଧୁରୀ, ଉପ ସଭାପତି, କର୍ପୋରେଟ୍ ସେବା, ଟାଟା ଷ୍ଟିଲ୍ “ପ୍ରମୁଖ ନିଷ୍ପତି ଗ୍ରହଣ ପ୍ରକ୍ରିୟାରେ ପ୍ରତିନିଧିତ୍ୱ କରିବା” ସମ୍ପର୍କରେ ସେମାନଙ୍କ ଆଭିମୁଖ୍ୟ ବାଂଟିବେ । ଏହି ଅଧିବେଶନରେ ଶିକ୍ଷା, ଜଳବାୟୁ ପଦକ୍ଷେପ, ଅର୍ଥନୈତିକ ବିକାଶ ଓ ଯୁବ ପ୍ରତିନିଧିତ୍ୱ ଭଳି କ୍ଷେତ୍ରରେ ଯୁବବର୍ଗଙ୍କ ନିୟୋଜନର ସବୁୁଠୁ ଉଲ୍ଲେଖନୀୟ ଉଦାହରଣ ବିଷୟରେ ଆଲୋଚନା ଓ ଆଲୋକପାତ କରାଯିବ । ନିଷ୍ପତି ଗ୍ରହଣ ପ୍ରକ୍ରିୟାରେ ଯୁବବର୍ଗଙ୍କ ଅଂଶଗ୍ରହଣ ଏବଂ ଅର୍ଥପୂର୍ଣ୍ଣ ସଂପୃକ୍ତିରେ ଥିବା ସୁଯୋଗକୁ ଏହି କନକ୍ଲେଭ୍ ସନ୍ଧାନ କରିବା ସହ ଉପାନ୍ତ ଅଂଚଳର ଯୁବବର୍ଗଙ୍କ ସ୍ୱର ଓ ପରିବର୍ତନ ଆଣିବା ଲାଗି ସେମାନଙ୍କ ଅଭିଯାନକୁ ପ୍ରସାର କରିବ । କାର୍ଯ୍ୟକ୍ରମ ପୂର୍ବରୁ ଟିମ୍ ତରଫରୁ ଟାଟା ଷ୍ଟିଲ୍‌ର ପରିଚାଳନା ଅଂଚଳଗୁଡ଼ିକରେ ଅନୁଷ୍ଠିତ ଦଳଗତ ଆଲୋଚନା ସହିତ ନିର୍ଦିଷ୍ଟ ଦଳଗତ ଆଲୋଚନା ଆୟୋଜନ କରିବାର ଯାତ୍ରା ପ୍ରସ୍ତୁତ କରି ସତେଜ ସମସ୍ୟା ଗୁଡ଼ିକ ଉପରେ ସେମାନଙ୍କ ଭାବନା ବୁଝିବାକୁ ଉଦ୍ୟମ କରାଯିବ ଯେଉଁଥିପାଇଁ ନିର୍ଦିଷ୍ଟ ପ୍ରକାର ଆଲୋଚନାର ଆବଶ୍ୟକତା ରହିଛି ।

“ଟାଟା ଷ୍ଟିଲ୍ ଫାଉଣ୍ଡେସନ ପକ୍ଷରୁ ଝାଡ଼ଖଣ୍ଡ ଓ ଓଡ଼ିଶାରେ ଏହାର କାର୍ଯ୍ୟକ୍ରମ ଜରିଆରେ ଯୁବପିଢ଼ି ଯେଉଁମାନେ ଆସନ୍ତାକାଲି ଭାରତର ନେତୃତ୍ୱ ନେବାକୁ ଯାଉଛନ୍ତି, ସେମାନଙ୍କୁ ଭେଟିବା ଏବଂ ସେମାନଙ୍କ ସହ କାର୍ଯ୍ୟ କରିବାର ସୌଭାଗ୍ୟ ହାସଲ କରିଛନ୍ତି, ଯେଉଁମାନଙ୍କ ଆଭିମୁଖ୍ୟ ଏବଂ କାହାଣୀକୁ ଏବଂ ବୃହତ ମଂଚରେ ପହଂଚିବାର ଆବଶ୍ୟକତା ରହିଛି ।ଧ୍ୱନି ସେହି ମଂଚ ହେବାକୁ ଅଭିଳାଷ ରଖିଛି ଏବଂ ଯୁବବର୍ଗଙ୍କୁ ଏକ ବ୍ରିଜିଟାଲ୍‌ ପ୍ଲାଟଫର୍ମରେ ଏକ ଆଶ ସହ ଯୋଡ଼ିବାକୁ ଚାହୁଛି , ଯେଉଁମାନଙ୍କ ସାମାଜିକ ପରିବର୍ତନର ଅଭିଳାଷ ଏବଂ ବ୍ୟକ୍ତିଗତ ସଂକଳ୍ପର କାହାଣୀ ନୀତି ଏବଂ ବ୍ୟବସ୍ଥାରେ ଏକ ବୃହତ ଆଲୋଚନାରେ ପହଂଚିବା ଦରକାର ବୋଲି ଶ୍ରୀଯୁକ୍ତ ସୌରଭ ରାୟ, ମୁଖ୍ୟ, କର୍ପୋରେଟ୍‌ ସାମାଜିକ ଦାୟିତ୍ୱବୋଧ, ଟାଟା ଷ୍ଟିଲ୍ କହିଛନ୍ତି ।’’ ବର୍ତମାନ ସୁଦ୍ଧା ଧ୍ୱନିରେ ଝାଡ଼ଖଣ୍ଡ ଓ ଓଡ଼ିଶାର ୧୫୦୦ରୁ ଅଧିକ ଯୁବପିଢ଼ି ଓ ସାରା ଭାରତର ଯୁବ ସମସ୍ୟା, ଯୁବ ପ୍ରତିଭାବାନ, ଶିକ୍ଷାବିତ, ବିକାଶ ପ୍ରାକ୍ଟିସନର, ଆଧ୍ୟାତ୍ମିକ ଶିକ୍ଷକ ଏବଂ ମାନବିକବିତ୍‌ମାନେ ଅଂଶଗ୍ରହଣ କରିବା ଦେଖିବାକୁ ମିଳୁଛି । ରୋଶନି ଫାଉଣ୍ଡେସନର ପ୍ରତିଷ୍ଠାତା ଓ ୨୦୧୬ର ଜାତୀୟ ଯୁବ ପୁରସ୍କାର ବିଜେତା ଶ୍ରୀଯୁକ୍ତ ପ୍ରବୀଣ ନିକମ ଓ ଯାଜପୁର ଜିଲ୍ଲାପାଳ ଓ ଜିଲ୍ଲା ମାଜିଷ୍ଟ୍ରେଟ୍ ଶ୍ରୀଯୁକ୍ତ ଚକ୍ରବର୍ତୀ ସିଂହ ରାଠୋର ମଧ୍ୟ ଏହି ଦୁଇ ଦିନିଆ ଅନଲାଇନ କାର୍ଯ୍ୟକ୍ରମରେ ଅନ୍ୟ ବିଶିଷ୍ଟ ବକ୍ତାଙ୍କ ସହିତ ଯୁବପିଢ଼ିଙ୍କ ସହ ଆଲୋଚନା କରିବେ ।