ଏକାଡେମୀ ସଭ୍ଯ ରବି ରତନଙ୍କୁ ଅଭିନନ୍ଦନ – ପଦ୍ମପୁର

 ଓଡ଼ିଶା ତାଜା ନ୍ୟୁଜ୍ ( ୬ ଜାନୁଆରୀ ବୁଧବାର ) ପଦ୍ମପୁର :- ଓଡିଶା ସଙ୍ଗୀତ ନାଟକ ଏକାଡେମୀର ପୂର୍ନ ଗଠିତ ସାଧାରଣ ପରିଷଦରେ ବରଗଡ଼ ଜିଲ୍ଲା ପାଇଁ ଶ୍ରୀ ରବି ରତନ ସାହୁଙ୍କୁ ସଭ୍ଯ ଭାବେ ମନୋନୀତ କରାଯାଇ ଥିବାରୁ କଳାକାର ତଥା ବୁଦ୍ଧିଜୀବୀ ମହଲରେ ଖୁସିର ଲହରୀ ଖେଳି ଯାଇଛି । ଗାଇସିଲେଟ ସ୍ଥିତ ବୁରୋମୁଣ୍ତାରେ ଜନ୍ମିତ ଶ୍ରୀ ସାହୁ ଫୋକ୍ ଏକାଡେମୀର ପ୍ରତିଷ୍ଠା ସଂପାଦକ ଅଟନ୍ତି । ଭୁବନେଶ୍ବରରେ ନୁଆଁଖାଇ ଭେଟଘାଟ ର ଆୟୋଜନ,ଦିଲ୍ଲୀରେ ” ମ୍ଯୁଜିକ୍ ଟ୍ରି ” ର ଉପସ୍ଥାପନା,”ଡଙ୍ଗର୍ ଉପରେ କରମାଁ ତଥା ଏପରି ଅନେକ କାର୍ଯ୍ୟକ୍ରମକୁ ନେଇ ସେ ରାଜ୍ୟ ତଥା ଜାତୀୟ ସ୍ତରରେ ବେଶ ଚର୍ଚ୍ଚିତ ।

ଉଲ୍ଲେଖ୍ଯ ଯେ ତାଙ୍କୁ କେନ୍ଦ୍ର ସରକାରଙ୍କ ତରଫରୁ ବିତ୍ସମିଲ୍ଲା ଖାଁ ଯୁବ ସମ୍ମାନ ମିଳିବା ସହିତ ସେ ଜାତୀୟ ବୁତ୍ତି ଚୟନ କ୍ଷେତ୍ରରେ ଅନେକ ଥର ବିଚାରକ ଦାୟିତ୍ୱ ତୁଲାଇ ଆସୁଛନ୍ତି । ଏକାଡେମୀର ସଭ୍ଯ ହେବା ପରେ,ପଦ୍ମପୁରର ” ଲୁ ” ଅବର୍ଣ୍ଣିଗୁଁଡା ନାଟ୍ଯ ସଂସଦ,ସାଂସ୍କୃତିକ,ସଙ୍ଗୀତ ସମିତି,ଏବିସିଡି,ବୀର ସୁରେନ୍ଦ୍ର ସାଏ ସାହିତ୍ୟ ଓ ସାଂସ୍କୃତିକ ପରିଷଦ,ଆଗାମୀ ସାହିତ୍ୟ ସଂସଦ,ମେହେର କବି ସ୍ମୃତି ପରିଷଦ,ଗୁରୁ ପ୍ରକାଶନୀ ଏବଂ ଅନ୍ୟାନ୍ୟ ସାମାଜିକ ତଥା ସାଂସ୍କୃତିକ ଅନୁଷ୍ଠାନ ତରଫରୁ ଅଭିନନ୍ଦନ ଜ୍ଞାପନ କରାଯାଇଛି । ଶ୍ରୀ ସାହୁ ଏଇ ପଦବୀରେ ତିନି ବର୍ଷ ଧରି ଦାୟିତ୍ୱ ତୁଲାଇବେ । (ରିପୋର୍ଟ – ନିରୋଜ କୁମାର ପାଣୀ)