ଢେଙ୍କାନାଳ ସଚେତନ ନାଗରିକ ଫୋରମ ତରଫରୁ ଶିକ୍ଷକ ଓ ଛାତ୍ରଛାତ୍ରୀଙ୍କୁ ସମ୍ମାନୀତ

ଓଡ଼ିଶା ତାଜା ନିୟୁଜ୍ (୪ ଜାନୁଆରୀ ମଙ୍ଗଳବାର ) ଢେଙ୍କାନାଳ :-  ଜିଲ୍ଲା ସଚେତନ ନାଗରିକ ଫୋରମ ତରଫରୁ ପିଙ୍ଗୁଆ ହାଇସ୍କୁଲର ପ୍ରଥମ , ଦିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ମାନଙ୍କୁ ତଥା ଆଠ ଜଣ ଅବସରପ୍ରାପ୍ତ ଶିକ୍ଷକ ମାନଙ୍କୁ ଗୋଲାପ ଫୁଲ , ମାନପତ୍ର , ଔପଢକନ ଓ କପ୍ ପ୍ରଦାନ କରି ସମ୍ମାନୀତ କରାଯାଇଥିଲା l ଏହି ଅବସର ରେ ଢେଙ୍କାନାଳ ସାଂସଦ ଶ୍ରୀ ମହେଶ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଉପସ୍ଥିତ ଛାତ୍ର ଓ ଛାତ୍ରୀ ମାନଙ୍କୁ ଶିକ୍ଷା ସମ୍ପର୍କରେ ଉପଦେଶ ଦେଇଥିଲେ l

ଏହି କାର୍ଯ୍ୟକ୍ରମରେ ସ୍କୁଲର ପ୍ରଧାନ ଶିକ୍ଷକ ଶ୍ରୀ ଲକ୍ଷ୍ମୀଧର ସାହୁ ସଭାପତିତ୍ବ କରିଥିବା ବେଳେ ଫୋରମର ଗଁଦିଆ ବ୍ଲକ ଶିକ୍ଷା ବିଭାଗ ସଭାପତି ଶ୍ରୀ ବୁଦ୍ଧଦେବ ପ୍ରଧାନ ସ୍ୱାଗତ ଭାଷଣ ଦେଇଥିଲେ , ଫୋରମର ଜୋନାଲ ସଭାପତି ସରୋଜ କୁମାର ମହାଳିକ ଓ ଫୋରମର ପିଙ୍ଗୁଆ ପଞ୍ଚାୟତ ସଭାପତି ସ୍ନେହଲତା ସାହୁ ମାନପତ୍ର ପାଠ କରିଥିଲେ l ସ୍ଥାନୀୟ ନେତା କୈଳାଶ ଚନ୍ଦ୍ର ନାୟକଙ୍କ ନେତୃତ୍ଵରେ ଏହି କାର୍ଯ୍ୟକ୍ରମ ସମ୍ପାଦିତ ହୋଇଥିଲା l ଜିଲ୍ଲା ଏବଂ ବ୍ଲକର ମୁଖ୍ୟ କାର୍ଯ୍ୟକର୍ତ୍ତା ମାନେ ଉପସ୍ଥିତ ଥିଲେ l ଶେଷରେ ଫୋରମର ଗଁଦିଆ ବ୍ଲକ ସଭାପତି ଧନ୍ୟବାଦ ଅର୍ପଣ କରିଥିଲେ l ( ରିପୋର୍ଟ  ଅମର ରଞ୍ଜନ ଦାସ )