ସୁନ୍ଦର କାଣ୍ଡ ପୁସ୍ତକ ର ଲୋକାର୍ପଣ ଉତ୍ସବ – ବରଗଡ଼

ଓଡ଼ିଶା ତାଜା ନ୍ୟୁଜ୍ (୩ ଜାନୁଆରୀ ରବିବାର) ବରଗଡ଼ :- ବରଗଡ଼ ସମ୍ବାଦ ସାହିତ୍ୟ ଘର ପକ୍ଷରୁ କବୟିତ୍ରୀ ପାର୍ବତୀ ପଣ୍ଡା ଷଡ଼ଙ୍ଗୀ ଅନୁଦିତ ପୁସ୍ତକ ‘ ସୁନ୍ଦର କାଣ୍ଡ’ ର ଓଡ଼ିଆ ଅନୁବାଦ ଲୋକାର୍ପିତ ହୋଇଯାଇଛି । ଏହି ଅବସରରେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ ବରଗଡ଼ ଏବିଇଓ ପ୍ରମୋଦ କୁମାର ହୋତା ଯୋଗଦେଇ ପୁସ୍ତକ କୁ ଲୋକାର୍ପିତ କରିଥିଲେ ।

ଅନ୍ୟ ମାନଙ୍କ ମଧ୍ୟରେ ମୁଖ୍ୟ ବକ୍ତା ଭାବେ ବ୍ୟଙ୍ଗ କବି ମନୋରଞ୍ଜନ ସାହୁ ଯୋଗ ଦେଇ ଅନୁବାଦ ପୁସ୍ତକ ଉପରେ ଆଲୋକପାତ କରିଥିଲେ । ସେହିପରି ସମ୍ମାନୀତ ଅତିଥି ଭାବେ ଯୁବ କବି ନିତିଶ ଆଚାର୍ଯ୍ୟ,ପ୍ରୀତମ ସିଂ ଉପସ୍ଥିତ ଥିଲେ। ପୁସ୍ତକ କୁ ସମୀକ୍ଷା କରିଥିଲେ ଅଧ୍ୟାପିକା ଡଃ ସଙ୍ଘମିତ୍ରା ପଣ୍ଡା। ସଭାକୁ ପରିଚାଳନା କରିଥିଲେ ଡଃ ରବିନାରାୟଣ ସାହୁ। (ସତ୍ୟ ନାରାୟଣ ପ୍ରଧାନ ବରଗଡ଼)