ଅଲେଖ ମହିମା ମଠରେ କଳାହାଣିଁଆ ଭାଷାର ମାଁ କ୍ୟାଲେଣ୍ଡର ଉନ୍ମୋଚିତ।

ଓଡ଼ିଶା ତାଜା ନ୍ୟୁଜ (୧ ଜାନୁଆରୀ ଶୁକ୍ରବାର) କଳାହାଣ୍ଡି :- ଜିଲ୍ଲାର ଅଗ୍ରଣୀ ଅନୁଷ୍ଠାନ ସାହିତ୍ୟ ମନ୍ଦିର ନର୍ଲା ଆନୁକୂଲ୍ୟରେ ଟୋଲ ବ୍ରାହ୍ମଣୀ ସ୍ଥିତ ଅଲେଖ ମହିମା ମଠ ପରିସରରେ ମାଁ କ୍ୟାଲେଣ୍ଡର ଉନ୍ମୋଚିତ ହୋଇଯାଇଛି । ଏଥିରେ ମୁଖ୍ୟ ଅତିଥି ନର୍ଲା ପଞ୍ଚାୟତ ସମିତି ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି, ମୁଖ୍ୟ ବକ୍ତା ରୂପେ କଳାହାଣ୍ଡି ଜିଲ୍ଲା ଓ .ଟି.ଭି ପ୍ରତିନିଧି ରାଜ କୁମାର ସିଂ ଦେଓ, ସମ୍ମାନୀତ ଅତିଥି ଭାବେ ବିଶିଷ୍ଟ ସମାଜସେବୀ ମନୋଜ କୁମାର ପଟ୍ଟନାୟକ, ନର୍ଲା ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ନୀଳମଣି ସାହୁ,ଆଦି ସ୍କନ୍ଧ ସମାଜ ସଭାପତି ସୁରେଶ ଭୋଇ, ଜିଲ୍ଲା ପରିଷଦ ସଭ୍ୟା ସୁଶ୍ରୀ ରୀନା ଭୋଇ,ସରିଆଁ ସରପଞ୍ଚ ଜନନୀ ଭୋଇ, ସମିତି ସଭ୍ୟା ନଳିନୀ ଭୋଇ, ସମ୍ମାନୀତ ବକ୍ତା କନ୍ଧ ସଂସ୍କୃତିର ଗବେଷକ ତଥା ଭୀମା ପତ୍ରିକାର ପ୍ରତିଷ୍ଠାତା ମେଦିନୀଧର ଜାନୀ, ସୁନାମଧନ୍ୟ ଲୋକ ଗୀତ କଳାକାର ସର୍ବେଶ୍ଵର ଭୋଇ ପ୍ରମୁଖ ଯୋଗଦାନ କରିଥିଲେ ।

ଏହି ସମାବେଶରେ ସଭାପତିତ୍ବ କରିଥିଲେ ସମାଜସେବୀ ବୈଦ୍ୟରାଜ ପବିତ୍ର ଶବର ଓ ମଞ୍ଚ ପରିଚାଳନା ସହ କ୍ୟାଲେଣ୍ଡର ପ୍ରକାଶନ ବିବରଣୀ ପ୍ରଦାନ କରିଥିଲେ କୁଳଦୀପ ପ୍ରକାଶନୀର ସମ୍ପାଦକ କୁଳମଣି ସାହୁ । ସେହିପରି ଦ୍ଵିତୀୟ ଅଧିବେଶନରେ କଳାହାଣ୍ଡିଆ ଭାଷା କବିତା ଆସର ଅନୁଷ୍ଠିତ ହୋଇଥିଲା। ଏଥିରେ କବି ଗୋପାଳ ମିଶ୍ର ସଭାପତିତ୍ବ କରିଥିଲେ।କବି ମୋହନ ଭଟ୍ଟ, ପିତାମ୍ବର ଗଉଡ, ଲଳିତ ମୋହନ ଭୋଇ, ନରୋତ୍ତମ ପାତ୍ର, ହିମାଚଳ ସାହୁ,କ୍ଷୀର ସିନ୍ଧୁ ସାହୁ,ତପନ ସାହୁ,ମାନସ ପ୍ରହରାଜ,କ୍ଷୀତିଶ ଚନ୍ଦ୍ର ମାଝୀ, ରମାକାନ୍ତ ସାହାଣୀ, ଅଜିତ ଭୋଇ ସ୍ବରଚିତ କବିତା ଆବୃତ୍ତି କରିଥିଲେ। କବିତା ଆସରର ସଂଯୋଜନା କରିଥିଲେ କବି ହେମନ୍ତ ସାହୁ ଓ କବି ଅରୁଣ ପ୍ରଧାନୀ ଧନ୍ୟବାଦ ଅର୍ପଣ କରିଥିଲେ।(ରିପୋର୍ଟ କଳାହାଣ୍ଡି ବ୍ୟୁରୋ ଚିଫ୍ ପ୍ରଦୀପ କୁମାର ଗଉଡ)