ଭୁବନେଶ୍ୱର (ଓଡିଶା ତାଜା ନିଉଜ୍) ଭୁବନେଶ୍ୱର 2020 – ଭୁବନେଶ୍ୱର ସ୍ମାର୍ଟସିଟିରେ ଏହି ବ୍ୟୁଟିଙ୍କ କୁଇନଙ୍କ ପଛରେ ଲୁଚି ରହିଛି ବ୍ରାଉନସୁଗାର ଚାଲାଣର କଳାକାହାଣୀ । ଯାହାର ଆଜି ପର୍ଦ୍ଦାଫାଶ କରିଛି କମିଶନରେଟ ପୋଲିସ । ବ୍ରାଉନସୁଗାର କାରବାରର ହବ ପାଲଟିଥିବା ଭୁବନେଶ୍ୱର ହଳଦିପଡିଆରୁ ଯୁବତୀଙ୍କୁ ଗିରଫ କରିଛି ଲକ୍ଷ୍ମୀସାଗର ପୋଲିସ । ବ୍ରାଉନସୁଗାର ବିକ୍ରି ପାଇଁ ନେଉଥିବା ବେଳେ ଲକ୍ଷ୍ମୀସାଗର ପୋଲିସ ପଞ୍ଝାରେ ପଡିଛି ବିଷକନ୍ୟା । ବ୍ରାଉନସୁଗାର କାରବାରରେ ଲିପ୍ତ ଥିବା ଯୁବତୀଙ୍କ ଠାରୁ ୪୪ ଗ୍ରାମର ଧଳାଜହର ଜବତ କରିଛି ପୋଲିସ । ପାଖାପାଖି ୭ ଲକ୍ଷ ଟଙ୍କାର ବିଷ ଧରି ବଜାରକୁ ବାହାରିଥିଲେ ଯୁବତୀ । ଏହାକୁ ଗ୍ରାହକଙ୍କ ପାଖରେ ପହଞ୍ଚାଇବା ପୂର୍ବରୁ ପୋଲିସ ଜାଲରେ ପଡିଥିଲେ ବିଷକନ୍ୟା । ପାଖରୁ ନଗଦ ୨୬୦୦ ଟଙ୍କା ସହ ୨ଟି ସ୍କୁଟି, ଗୋଟିଏ ପଲସର ବାଇକ ଓ ୨ଟି ଦାମୀ ମୋବାଇଲ ଫୋନ୍ ଜବତ କରିଛି ପୋଲିସ ।
