ଲାଞ୍ଚନେଇ ଧରାପଡିଲେ ପୋଲିସ ଏଏସ୍ଆଇ ; ଭରସା କରିବା କାହାକୁ – ଶରଣକୁଳ

ଓଡ଼ିଶା ତାଜା ନ୍ୟୁଜ୍ (୩୦ ଡିସେମ୍ବର ବୁଧବାର ) ନୟାଗଡ଼ :- ଭାରତୀୟ ସଂସ୍କୃତି ପରମ୍ପରା ଓ ଆଇନ୍ ରକ୍ଷା କରିବାକୁ ସରକାରଙ୍କ ତରଫରୁ ପୋଲିସ ବାହିନୀ ନିଯୁକ୍ତି କରାଯାଇଛି । ଯଦି ଏଠି ରକ୍ଷକ ଭକ୍ଷକ ସାଜେ,ବାଡ ଫସଲ ଖାଏ । ତେବେ କହିବା କାହାକୁ…? ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ଶରଣକୁଳ ଥାନା ଅଞ୍ଚଳରେ  ।

ସୂଚନାଯୋଗ୍ୟ, ଶରଣକୁଳ ଥାନା ଏଏସ୍ଆଇ ସଂଯୁକ୍ତା ମହାପାତ୍ର ଆଜି ସଂନ୍ଧ୍ୟା ପାଞ୍ଚ ଘଟିକା ସମୟରେ ଉକ୍ତ ଥାନା ଅନ୍ତର୍ଗତ କୁଞ୍ଜବନ ପଡା ଗ୍ରାମର ରଙ୍କ ବେହେରା, ସ୍ଵାମୀ-ବୈକୁଣ୍ଠ ବେହେରାଙ୍କ ଠାରୁ ଆଠ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ପୋଲିସ ହାତରେ ଧରାପଡିଲେ । 

ଲାଞ୍ଚ ଟଙ୍କା ତାଙ୍କ ଭ୍ୟାନିଟି ବ୍ୟାଗରେ ରଖିଥିଲେ।ତାଙ୍କ ଭ୍ୟାନିଟି ବ୍ୟାଗ୍ ଓ ହାତ ଉଭୟକୁ ପରିକ୍ଷା କରିବା ଦ୍ଵାରା ଲାଞ୍ଚ ନେବା ସ୍ଫଷ୍ଟ ହୋଇଥିଲା । ପୋଲିସ ଶରଣକୁଳ ଥାନା କେସ୍ ନଂ ୧୨୮/୨୦୨୦ ଏବଂ ଭୁବନେଶ୍ବର ପୋଲିସ କେସ୍ ନଂ ୪୪/୨୦୨୦ ତଦନ୍ତ ଅନୁଯାୟୀ ମାମଲା ରୁଜୁ କରି ଏଏସ୍ଆଇ ସଂଯୁକ୍ତା ମହାପାତ୍ରଙ୍କୁ ଗିରଫ କରି ତଦନ୍ତ ଜାରି ରଖିଛନ୍ତି ।  (ରିପୋର୍ଟ ଆଶ୍ୱିନ କୁମାର ସାହୁ )