ଦୁଇ ବାଇକ ମୁହାଁ ମୁହିଁ ଧକ୍କା-ଜଣେ ମୃତ, ଜଣେ ଗୁରୁତର

ଓଡ଼ିଶା ତାଜା ନ୍ୟୁଜ୍ (୨୯ ଡିସେମ୍ବର ୨୦୨୦,ମଙ୍ଗଳବାର )ହିଞ୍ଜିଳିକାଟୁ :- ସୋମବାର ଅପରାହ୍ନରେ ହିଂଜିଲିକାଟୁ ଥାନା ଅନ୍ତର୍ଗତ ଦୟାପଲ୍ଲୀ ଗ୍ରାମ ନିକଟରେ ଥିବା ଏକ ବ୍ରିଜ୍ ଠାରେ ଦୁଇ ବାଇକ ମଧ୍ୟରେ ମୁହାଁ ମୁହିଁ ଧକ୍କା ହେବା ଫଳରେ ଉଭୟଙ୍କ ମଧ୍ୟରୁ ଜଣେ ମୃତ ବରଣ କରିଥିବା ବେଳେ ଅନ୍ୟ ଜଣେ ଗୁରୁତର ଆହତ ଅବସ୍ଥା ରେ ବ୍ରହ୍ମପୁର ବଡ଼ ମେଡ଼ିକାଲ ରେ ଚିକିତ୍ସା ନିମନ୍ତେ ଭର୍ତ୍ତି ହୋଇଥିବା ଜଣାପଡିଛି । ଘଟଣା ରୁ ଜାଣିବାକୁ ମିଳିଛି ଯେ , କୁକୁଡ଼ାଖଣ୍ଡି ବ୍ଲକ ବିଇଓ କାର୍ଯ୍ୟାଳୟ ରେ ସିଆରସିସି ଭାବେ କାର୍ଯ୍ୟରତ ଥିବା ଆଙ୍କୁଶ ପୁର ଗ୍ରାମର ଦଣ୍ଡପାଣି ସାହୁ (୪୫) ନିଜ ହୋଣ୍ଡା ଷ୍ଟନର ବାଇକରେ ଯାଉଥିବା ବେଳେ ଓଡ଼ି-୦୭-ଆର-୯୨୦୩ ନମ୍ବର ବିଶିଷ୍ଟ ଏକ ହୋଣ୍ଡା ଗ୍ଲାମର ବାଇକ ରେ ସାମ୍ନାପଟୁ ଆସୁଥିବା ମକରଝୋଳ ଗ୍ରାମର ଜି. ଚେନେୟା (୩୦) ଙ୍କ ସହ ମୁହାଁ ମୁହିଁ ଧକ୍କା ହୋଇଥିଲା । ଯାହା ଫଳରେ ଉଭୟ ବାଇକ୍ ଆରୋହି ଘଟଣା ସ୍ଥଳରେ ଆହତ ଅବସ୍ଥାରେ ପଡିରହିଥିଲେ ।

ଏହି ଘଟଣା ଦେଖିବା ପରେ ଅଞ୍ଚଳବାସୀ ୧୦୮ ଆମ୍ବୁଲାନ୍ସକୁ ଖବର ଦେବା ସହ ହିଞ୍ଜିଳିକାଟୁ  ଥାନାକୁ ଜଣାଇଥିଲେ । ଏହି ଖବର ପାଇବା ପରେ ୧୦୮ ଆମ୍ବୁଲାନ୍ସ ଘଟଣା ସ୍ଥଳରେ ପହଞ୍ଚି ଉଭୟଙ୍କୁ ଚିକିତ୍ସା ନିମନ୍ତେ କୁକୁଡ଼ାଖଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନେଇ ଥିଲେ । ସେଠାରେ ଡାକ୍ତର ଦଣ୍ଡପାଣି ସାହୁ ଙ୍କୁ ମୃତ ଘୋଷଣା କରିଥିବା ବେଳେ ଗୁରୁତର ଆହତ ହୋଇଥିବା ବ୍ୟକ୍ତିଙ୍କୁ ଅଧିକ ଚିକିତ୍ସା ନିମନ୍ତେ ବ୍ରହ୍ମପୁର ବଡ଼ ମେଡ଼ିକାଲ ଙ୍କୁ ସ୍ଥାନାନ୍ତରିତ କରାଯାଇଥିବା ନେଇ କୁକୁଡ଼ାଖଣ୍ଡି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରର ମୁଖ୍ୟ ଡାକ୍ତର ରାମଚନ୍ଦ୍ର ମହାପାତ୍ର ସୂଚନା ଦେଇଛନ୍ତି । ତେବେ ଏହି ଘଟଣାରେ ହିଂଜିଳି ଥାନା ପୋଲିସ ମୃତ୍ୟୁ ବରଣ କରିଥିବା ଦଣ୍ଡପାଣି ଙ୍କ ଶବକୁ ଜବତ କରିଛି । ଏ ନେଇ ହିଞ୍ଜିଳି ଥାନାରେ ୪୬୨ /୨୦ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି ।  (ରିପୋର୍ଟ: ଶୁସାନ୍ତ ପ୍ରଧାନ )