କଟକ ଓମଫେଡ଼ ପ୍ରିମିୟର ଲିଗ କ୍ରୀକେଟ ଟୁର୍ଣାମେଣ୍ଟ ଉଦଯାପିତ

ଓଡ଼ିଶା ତାଜା ନ୍ୟୁଜ୍ (୨୯ ଡିସେମ୍ବର ୨୦୨୦,ମଙ୍ଗଳବାର )କଟକ :- କଟକ ଫୁଲନଖରା ନିକଟସ୍ଥ ଓମଫେଡ଼ କଲୋନୀ ଯୁବକ ମାନଙ୍କ ପକ୍ଷରୁ ଆୟୋଜିତ ( ଓପିଏଲ ) ଓମଫେଡ଼ ପ୍ରିମିୟର ଲିଗ କ୍ରିକେଟ ଟୁର୍ଣାମେଣ୍ଟ ଉଦଯାପିତ ହୋଇଯାଇଛି । ଦୁଇ ଦିନ ଧରି ଚାଲିଥିବା ଏହି ମ୍ୟାଚରେ ପାୱାର ହିଟର ,ଡିଭାଇନ ଇଲେଭେନ, ସୁପର ସିକ୍ସର ଏବଂ ଦି ଇଲେଭେନ କିଙ୍ଗିସ ଟିମ ଅଂଶ ଗ୍ରହଣ କରିଥିଲେ ।

ଫାଇନାଲ ମ୍ୟାଚ ସଞ୍ଜୟ ଜେନାଙ୍କ ଟିମ ଭରସେଶ ସୁଶାନ୍ତ ଦାସଙ୍କ ଇଲେଭେନ୍ କିଙ୍ଗସ ଟିମ ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମେ ଇଲେଭେନ୍ କିଙ୍ଗିସ ବ୍ୟାଟିଂ ନେଇ ୧୫୯ ରନ କରିଥିଲା ବେଳେ ଏହାର ପ୍ରତି ଜବାବରେ ଦି ଡିଭାଇନ ଇଲେଭେନ୍ସ ୧୬୪ ରନ କରି ମ୍ୟାଚରେ ବିଜୟୀ ହୋଇଥିଲା । ଦଳ ପକ୍ଷରୁ ଖେଳାଳି ଶଶି ଭୁଷଣ ମିଶ୍ର ସର୍ବାଧିକ ୪୦ ରନ କରିଥିଲେ ।

ଆୟୋଜିତ ପୁରସ୍କାର ବିତରଣ ଉସ୍ଚବରେ ସାମ୍ବାଦିକ ଅମୂଲ୍ୟ କୁମାର ବାରିକ , ମୁକ୍ତିକାନ୍ତ ମହାପାତ୍ର, ସୁଦର୍ଶନ ତ୍ରିପାଠୀ, ବସନ୍ତ ପଲେଇ ଅତିଥି ଭାବେ ଯୋଗଦେଇ ପୁରଷ୍କାର ପ୍ରଦାନ କରିଥିଲେ । ପ୍ରତାପ କର,ବଳଭଦ୍ର ସାହୁ,ରଞ୍ଜନ ପରିଡ଼ା, ଲଲାଟେନ୍ଦୁ ଜେନା, ସୁଜିତ କୁମାର ଦୋରା, ଜଗନ୍ନାଥ ତ୍ରିପାଠୀ ପ୍ରମୁଖ କ୍ଲବର ସଦସ୍ୟ ମାନେ ଖେଳ ପରିଚାଳନା କରିଥିଲେ । (କଟକରୁ ଅମୂଲ୍ୟ କୁମାର ବାରିକ ଙ୍କ ରିପୋର୍ଟ)