ସଂକଳ୍ପ ଚ୍ୟାଲେଞ୍ଜ ଟ୍ରଫି ୨୦୨୦: ଆର.ଏ.ଏ ଓଡ଼ଗାଁ ଚାମ୍ପିୟାନ

ଓଡ଼ିଶା ତାଜା ନ୍ୟୁଜ୍ ( ୨୮ ଡିସେମ୍ବର ସୋମବାର ) ଓଡ଼ଗାଁ :- ଓଡ଼ଗାଁ ବ୍ଲକ ଅନ୍ତର୍ଗତ ରୋହିବାଙ୍କ ଠାରେ ଚାଲିଥିବା ସଂକଳ୍ପ ଚ୍ୟାଲେଞ୍ଜ ଟ୍ରଫି କ୍ରିକେଟ୍ ଟୁର୍ଣ୍ଣାମେଣ୍ଟରେ ଆଜି ଫାଇନାଲ ମ୍ୟାଚ ରେ ଆର.ଏ.ଏ ଓଡ଼ଗାଁ ସହିତ ମଦନଗାଡିଆ ମୁହାଁମୁହିଁ ହୋଇଥିଲେ । ଏହି ମ୍ୟାଚ ରେ ପ୍ରଥମେ ବ୍ୟାଟିଂ କରି ଆର.ଏ.ଏ ଓଡ଼ଗାଁ ଟିମ୍ ନିର୍ଦ୍ଧାରିତ ୧୫ ଓଭର ରେ ୭ ୱିକେଟ୍ ହରାଇ ୧୦୭ ସଂଗ୍ରହ କରିଥିଲା ।

କିନ୍ତୁ ଦ୍ୱିତୀୟ ଇଂନିସ୍ ରେ ୧୦୭ ରନ୍ ର ସ୍କ୍ରୋର କୁ ପିଛା କରି ମଦନଗାଡିଆ ୭ ୱିକେଟ୍ ହରାଇ ମାତ୍ର ୧୦୦ ରନ୍ ସଂଗ୍ରହ କରିବାରେ ସକ୍ଷମ ହୋଇଥିଲା । ଏହି ମ୍ୟାଚ ରେ ଆର.ଏ.ଏ ଓଡ଼ଗାଁ ଟିମ୍ ବିଜୟ ହୋଇଛି । ମୁଖ୍ୟ ଅତିଥି ଭାବେ ଜିଲ୍ଲାପରିଷଦ ସଭ୍ୟ ଲୋକନାଥ ସାହୁ ଯୋଗଦାନ କରିଥିବାବେଳେ ଜିଲ୍ଲା ପରିଷଦ ସଭ୍ୟ ବିଭୁପ୍ରସାଦ ସାହୁ ,ଏବଂ ଆର.ଏ.ଏ ସମ୍ପାଦକ ଦିବାକର ନାୟକ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିଥିଲେ ।

ନିଜର ଶ୍ରେଷ୍ଠ ପ୍ରଦର୍ଶନ ପାଇଁ ଫାଇନାଲ ମ୍ୟାଚର ମ୍ୟାନ୍ ଅଫ୍ ଦି ମ୍ୟାଚ ବାଦଲ ମହାପାତ୍ର ( ଓଡ଼ଗାଁ ) ଓ ମ୍ୟାନ୍ ଅଫ୍ ଦି ସିରିଜ୍ ସମୀର ଦୋରା ( ମଦନଗାଡିଆ ) ପୁରସ୍କାର ଘୋଷିତ ହୋଇଥିଲେ । ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟକୁ ପ୍ରସନ୍ନ କୁମାର ସେଠୀ, ସନ୍ଦୀପ ନାୟକ,ପ୍ରମୁଖ ପରିଚାଳନା କରିଛନ୍ତି । ( ଓଡ଼ଗାଁ ରିପୋର୍ଟ – ଅଶ୍ଵିନୀ କୁମାର ସାହୁ )