ଜଗତପୁର ଅପମିଶ୍ରଣ ସିମେଣ୍ଟ ଗୋଦାମ ଉପରେ ଚଢାଉ

ଓଡ଼ିଶା ତାଜା ନ୍ୟୁଜ (୨୨ ଡିସେମ୍ବର ମଙ୍ଗଳବାର ) କଟକ  : –  ଜଗତପୁର ଶିଳ୍ପାଞ୍ଚଳ ଅପମିଶ୍ରଣ କାରବାରରେ ଓଡ଼ିଶାର ଏକ ନମ୍ବର ତାଲିକାରେ ସ୍ଥାନ ପାଇବାରେ ପହଞ୍ଚି ସାରିଛି । ଏହି ଶିଳ୍ପାଞ୍ଚଳରେ ବିଭିନ୍ନ ସାମଗ୍ରୀ ଯଥା , ଘିଅ , ଖାଇବାତେଲ , ପାନ ଯର୍ଦ୍ଦା, ହଳଦୀ, ଲଙ୍କା ଗୁଣ୍ଡ, ସୋୟାବିନ୍ ଵଢୀ ଇତ୍ୟାଦି ପରେ ଏବେ ପୁଣି ନକଲି ସିମେଣ୍ଟ କାରବାର ଧରାପଡିଛି । ଜଗତପୁର ଶିଳ୍ପାଞ୍ଚଳରେ ଥିବା ଅପମିଶ୍ରଣ ସିମେଣ୍ଟ ଗୋଦାମ ଉପରେ, ମଙ୍ଗଳବାର ଦିନ ଜଗତପୁର ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ାଉ କରିଥିଲା ।

ଚଢ଼ାଉ ସମୟରେ ଯୋନ-୧- ଏସିପି ଅମରେନ୍ଦ୍ର ପଣ୍ଡା ,ଜଗତପୁର ଥାନା ଆଇଆଇସି ରବିନ୍ଦ୍ର ନାଥ ମେହେର ପୋଲିସ ପୋଲିସ କର୍ମଚାରୀଙ୍କୁ ନେଇ ଅପମିଶ୍ରଣ ସିମେଣ୍ଟ ଗୋଦାମ ଉପରେ ଚଢ଼ାଉ କରି ,ଦୁଇ ହଜାର ବସ୍ତା ଅପମିଶ୍ରଣ ସିମେଣ୍ଟ ମହଜୁଦ ରହିଥିବା ଦେଖି ଜବତ କରିଛନ୍ତି । ପ୍ରତିଦିନ ଜଗତପୁର ଶିଳ୍ପାଞ୍ଚଳରେ ଥିବା ବିଭିନ୍ନ କାରଖାନାରେ ଚଢ଼ାଉ କରାଗଲେ ଆହୁରି ଲୁଚି ରହିଥିବା ଅପମିଶ୍ରଣ କାରି ଧରା ପଡ଼ି ପାରନ୍ତେ ବୋଲି ସାଧାରଣରେ ମତପ୍ରକାଶ ପାଉଛି । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)