ଛତ୍ରପୁର : ଅଟୋକୁ ଧକ୍କା ଦେଲା ଯାତ୍ରୀ ବୋଝେଇ ବସ,୫ ଜଣ ଗୁରୁତର

ଓଡ଼ିଶା ତାଜା ନ୍ୟୁଜ (୧୫ ଡିସେମ୍ବର ମଙ୍ଗଳବାର ) ଛତ୍ରପୁର :- ଛତ୍ରପୁର ଥାନା ଅନ୍ତର୍ଗତ କଲେଜ ଛକ ନିକଟସ୍ଥ ଜାତୀୟ ରାଜପଥ ଠାରେ ଆଜି ପୂର୍ବାହ୍ନରେ ଯାତ୍ରୀବାହି ଅଟୋକୁ ଧକ୍କା ଦେଲା ଯାତ୍ରୀ ବୋଝେଇ ବସ । ଯାହାଫଳରେ ଅଟୋ ଡ୍ରାଇଭରଙ୍କ ସମେତ ୫ ଜଣ ଗୁରୁତର ଅବସ୍ଥାରେ ଛତ୍ରପୁର ମେଡିକାଲରେ ଭର୍ତି ହୋଇଛନ୍ତି ।

ଘଟଣାରୁ ଜଣାପଡ଼ିଛି ଯେ ଝାଡ଼ଖଣ୍ଡ ଅଂଚଳରୁ ଜେ. ଏଚ. ୦୫ ବିଜି – ୪୬୭୮ ନମ୍ବର ଏକ ଯାତ୍ରୀ ବୋଝେଇ ବସ୍ ବାଙ୍ଗାଲୋର ଅଭିମୁଖେ ଯାଉଥିବାବେଳେ ପୁରୁଷୋତମପୁର ନିକଟ ଆଚୁଲି ଗ୍ରାମର ଓ. ଡି. ୦୭ ଆର – ୬୦୦୨ ନମ୍ବର ଯାତ୍ରୀ ବୋଝେଇ ଅଟୋ ଛତ୍ରପୁର ଅଭିମୁଖେ ଆସୁଥିବା ବେଳେ ସ୍ଥାନୀୟ କଲେଜ ଛକ ନିକଟ ଜାତୀୟ ରାଜପଥରେ ବସ୍ ଧକ୍କା ଦେଲା ଅଟୋକୁ । ଯାହାଫଳରେ ଅଟୋରେ ବସିଥିବା ଯାତ୍ରୀମାନେ ଗୁରୁତର ଅବସ୍ଥାରେ ତଳେ ପଡ଼ିଯାଇଥିଲ । ଗୁରୁତରମାନଙ୍କୁ ଛତ୍ରପୁର ଥାନା ପୋଲିସ ପହଂଚି ମେଡିକାଲକୁ ଚିକିତ୍ସା ନିମନ୍ତେ ପଠାଇଥିଲେ ।

ଗୁରୁତରମାନେ ହେଲେ ଆଚୁଲି ଗ୍ରାମର ଅଟୋ ଡ୍ରାଇଭର ଅନିଲ କୁମାର ବେହେରା, କେଂଚୁ ବେହେରା (୪୫), ତାଙ୍କ ସ୍ତ୍ରୀ ଦମୟନ୍ତୀ ବେହେରା (୪୦), ବିଷ୍ଣୁ ବେହେରା (୪୫),ପୁନିଆ ବେହେରା ବୋଲି ଜଣାପଡ଼ିଛି । ଛତ୍ରପୁର ଥାନା ରେ ପୋଲିସ ବସ ଟି ରହିଥିବା ଦେଖିବାକୁ ମିଳିଛି। (ରିପୋର୍ଟ/ଶେଷଦେବ ସାହୁ, ଗଞ୍ଜାମ ଜିଲ୍ଲା ବ୍ୟୁରୋ)