ଡିସେମ୍ବର ୨୬ ତାରିଖରେ ରାଜ୍ୟର ଶାସନ ଦାୟିତ୍ୱରେ ଥିବା ବିଜେଡି ୨୩ ବର୍ଷରେ ପଦାର୍ପଣ କରିବ

ଓଡ଼ିଶା ତାଜା ନ୍ୟୁଜ (୧୪ ଡିସେମ୍ବର ସୋମବାର ) ଭୁବନେଶ୍ୱର :- ଭୁବନେଶ୍ୱର ,କୋଭିଡ୍ କଟକଣାକୁ ମାନି ବିଜେଡି ପାଳିବ ପ୍ରତିଷ୍ଠା ଦିବସ ଆସନ୍ତା ଡିସେମ୍ବର ୨୬ ତାରିଖରେ ରାଜ୍ୟର ପ୍ରତିଟି ବ୍ଲକ୍ ଓ ପଞ୍ଚାୟତରେ ଶାସକ ବିଜୁ ଜନତା ଦଳ ନିଜର ପ୍ରତିଷ୍ଠା ଦିବସ ପାଳନ କରିବ ବୋଲି ରବିବାର ଦଳର ଉପସଭାପତି ଦେବୀପ୍ରସାଦ ମିଶ୍ର ସୂଚନା ଦେଇଛନ୍ତି । ଏହାପୂର୍ବରୁ ୨୦ ତାରିଖରେ ରାଜ୍ୟ କାର୍ଯ୍ୟକାରିଣୀ ବୈଠକ ଓ ୨୧ ତାରିଖରେ ରାଜ୍ୟ ପରିଷଦର ବୈଠକ ବସିବ । ଏହି ବୈଠକରେ ବିଭିନ୍ନ ପ୍ରସଙ୍ଗକୁ ନେଇ ଆଲୋଚନା ହେବ ।

ତୃଣମୂଳ ସ୍ତରରେ ଦଳକୁ କିଭଳି ଆହୁରି ସଙ୍ଗଠିତ କରାଯାଇପାରିବ ସେ ନେଇ ଦଳୀୟ ନେତୃବୃନ୍ଦଙ୍କ ସହ ଆଲୋଚନା ହେବ ବୋଲି ଜଣାପଡ଼ିଛି । ଡିସେମ୍ବର ୨୬ ତାରିଖରେ ରାଜ୍ୟର ଶାସନ ଦାୟିତ୍ୱରେ ଥିବା ବିଜେଡି ୨୩ ବର୍ଷରେ ପଦାର୍ପଣ କରିବ । ତେଣୁ ପ୍ରତିଥର ଭଳି ଏଥର ମଧ୍ୟ ଦଳ ତରଫରୁ ପ୍ରତିଷ୍ଠା ଦିବସ ପାଳନ କରାଯିବ । ବ୍ଲକ୍ ଓ ପଞ୍ଚାୟତ ସହ ରାଜ୍ୟର ବିଭିନ୍ନ ଏନ ଏସି, ଜିଲ୍ଲା, ମ୍ୟୁନିସିପାଲଟି ଅଞ୍ଚଳରେ ମଧ୍ୟ ଏହି ପ୍ରତିଷ୍ଠା ଦିବସ ପାଳନ କରାଯିବ ବୋଲି ବିଜେଡି ପକ୍ଷରୁ କୁହାଯାଇଛି ।