ଆଜିକୁ ତିନି ଦିନ ପୂରିଯାଈଛି ; କନ୍ୟା ସନ୍ତାନ ଟିର ମିଳିପାରିନି କୌଣସି ସନ୍ଧାନ , ଦିନରାତି ଏକ୍ କରିଦେଇଛି ପୋଲିସ ପ୍ରଶାସନ

ଓଡ଼ିଶା ତାଜା ନ୍ୟୁଜ (୧୩ ଡିସେମ୍ବର,ରବିବାର ) ରଣପୁର ରିପୋର୍ଟ / ଅଭିମନ୍ୟୁ :-  ରଣପୁର ଥାନା ରାଜସୁନାଖଳା ଫାଣ୍ଡି ଅଧୀନ ବଧିପାଟଣା ଗ୍ରାମର ୩ ବର୍ଷର ଶିଶୁକନ୍ୟାକୁ କେହି ଅପହରଣ କରିନେଇଥିବା ଅଭିଯୋଗ ହୋଈଛି ଏହାକୁ ନେଇ ଲୋକ ଙ୍କ ମଧ୍ୟରେ ଜୋର ଧରିଛି । ଛୋଟ ଶିଶୁକନ୍ୟାଟି ଶୁକ୍ରବାର ଅପରାହ୍ନ ରେ ଗାଁ ଦାଣ୍ଡରେ ଖେଳୁଥିବା ସମୟରେ ନିଖୋଜ ହୋଇଯାଇଥିଲା । ଘର ଲୋକେ ଖୋଜାଖୋଜି କରି ନ ପାଇବା ହେତୁ ରାଜସୁନାଖଳା ଫାଣ୍ଡିରେ ଏ ସମ୍ପର୍କରେ ଲିଖିତ ଅଭିଯୋଗ କରିଥିଲେ । ଖବର  ପାଇ ରଣପୁର ଥାନା ଇନ୍ସପେକ୍ଟର ଜ୍ୟୋତିପ୍ରକାଶ ପଣ୍ଡା ରାତାରାତି ବଧିପାଟଣା ଗାଁରେ ପହଞ୍ଚି ତଦନ୍ତ ଆରମ୍ଭ କରିଥିଲେ ।

ଶନିବାର ସକାଳୁ ରଣପୁର ଅଗ୍ନିଶମ ବାହିନୀ ଦ୍ୱାରା ଗାଁ ମୁଣ୍ଡରେ ଥିବା ପୋଖରୀ ଓ ନିକଟସ୍ଥ କୂଅଗୁଡିକରେ ଖୋଜାଖୋଜି କରାଯାଇଥିଲେ ବି ଶିଶୁଟିର ସନ୍ଧାନ ନ ପାଇ ନିରାଶ ହୋଇ ଫେରିଥିଲେ । ବିଧାୟକ ସତ୍ୟନାରାୟଣ ପ୍ରଧାନ, ଏସପି ପ୍ରତ୍ୟୁଷ ଦିୱାକର ଓ ଶରଣକୁଳ ଏସଡିପିଓ ଏସ ଟପ୍ପୋ ବଧିପାଟଣା ଗାଁକୁ ଯାଇ ଶିଶୁକନ୍ୟାର ବାପା ଓ ପରିବାର ଲୋକଙ୍କ ସହ ଆଲୋଚନା କରି ଫେରିଥିବା ଜଣାପଡିଛି । ତଦ୍ ସହିତ ଗତରାତିରେ ପୋଲିସ ସନ୍ଧାନୀ କୁକୁର ଜରିଆରେ ବହୁ ସ୍ଥାନ ଖୋଜିଥିଲେ ଫଳରେ ଶିଶୁ କନ୍ୟା କୁ ଖୋଜି ପାଇନଥିଲେ ।

ଆଜି ସକାଳୁ ଚାନ୍ଦପୁର ଥାନା ଅଧିକାରୀ ରଶ୍ମି ରଞ୍ଜନ ଦାସ୍ ମଧ୍ୟ ଉକ୍ତ ଗାଁ କୁ ଯାଇ ଶିଶୁ କନ୍ୟା କୁ ଖୋଜା ଖୋଜି ଆରମ୍ଭ କରିଦେଇଛନ୍ତି । ଏହି କେସ୍ ରେ ସୁନାଖଳା ଗ୍ରାମରେ ପ୍ରଶାସନ ପକ୍ଷରୁ ଏକ ପ୍ରକାର ତତ୍ପରତା ଦେଖିବାକୁ ମିଳିଛି । ଗାଁକୁ କମଳ ବିକ୍ରି କରି ଆସିଥିବା ଫେରିବାଲା ତାଙ୍କ ଝିଅକୁ ନେଇ ଯାଇଥାଇ ପାରେ ବୋଲି ଶିଶୁଟିର ମା’ ସନ୍ଦେହ କରୁଛନ୍ତି । ଆଜିକୁ ୩ ଦିନ ହେଲାଣି ଶିଶୁ କନ୍ୟା ଟିର କୌଣସି ସନ୍ଧାନ ମିଳି ପାରୁନାହିଁ । ରଣପୁର , ସୁନାଖଳା ପୋଲିସ୍ ଗତ ଦୁଇ ଦିନ ହେବ ଅକ୍ଳାନ୍ତ ପରିଶ୍ରମ ଚଳାଇଛନ୍ତି । ସୂଚନାନୁସାରେ ଆଜି ଚାନ୍ଦପୁର ପୋଲିସ ବୋଟ୍ ନେଇ ସ୍କୁଵା ଡ୍ରାଇଭିଙ୍ଗ କରି ପାଣି ଭିତରେ ବୁଡି ଖୋଜା ଖୋଜି କରିଥିଲେ ।