ବିଜୁ ଯୁବ ବାହିନୀ ଯୁବ ସଂଯୋଜକ ହେମସାଗର ସାହୁଙ୍କୁ ସେବା ସମ୍ମାନ

ଓଡ଼ିଶା ତାଜା ନ୍ୟୁଜ (୬ ଡିସେମ୍ବର ରବିବାର) କଳାହାଣ୍ଡି :- ଓଡ଼ିଶାର ଅଗ୍ରଣୀ ସାମାଜିକ ଅନୁଷ୍ଠାନ ସମ୍ଭବ ଚାରିଟେବୁଲ ଟ୍ରଷ୍ଟର ପ୍ରଥମ ବାର୍ଷିକ ଉତ୍ସବ ମାଳିକା ପ୍ରସିଦ୍ଧ ଛତିଆ ସ୍ଥିତ ଅମରାବତୀ ମଠ ଠାରେ ଅନୁଷ୍ଠିତ ହୋଇଯାଇଛି । ନର୍ଲା ବ୍ଲକର ବିଜୁ ଯୁବ ବାହିନୀର ଯୁବ ସଂଯୋଜକ ତଥା ନେହେରୁ ଯୁବ କେନ୍ଦ୍ର କଳାହାଣ୍ଡିର ପୂର୍ବତନ ଜାତୀୟ ଯୁବ ସ୍ୱେଚ୍ଛାସେବୀ ହେମସାଗର ସାହୁଙ୍କୁ ‘ସେବା ସମ୍ମାନ’ ପ୍ରଦାନ କରାଯାଇଛି । ନିଜକୁ ସମାଜ ସେବା କ୍ଷେତ୍ରରେ ସମର୍ପିତ କରିଥିବାରୁ ଏଥର ତାଙ୍କୁ ଓଡ଼ିଶାର ଅଗ୍ରଣୀ ସାମାଜିକ ଅନୁଷ୍ଠାନ ସମ୍ଭବ ଚାରିଟେବୁଲ ଟ୍ରଷ୍ଟ ପକ୍ଷରୁ ସମ୍ମାନିତ କରାଯାଇଛି ।

ଟ୍ରଷ୍ଟର ସମ୍ପାଦିକା ପ୍ରମିଳା ସିଂ, ମୁଖ୍ୟ ଅତିଥି ପଣ୍ଡିତ ସଂଗ୍ରାମ ଆଚାର୍ଯ୍ୟ ,ସମ୍ମାନିତ ଅତିଥି କଳାହାଣ୍ଡି ଜିଲ୍ଲାର ବିଶିଷ୍ଟ ସମାଜସେବୀ ମନୋଜ ପଟ୍ଟନାୟକ,ମୁଖ୍ୟ ବକ୍ତା ଚିନ୍ମୟୀ ଦାସ, ବରେଣ୍ୟ ଅତିଥି ମଧୁସ୍ମିତା ପୃଷ୍ଟି ,ଡାକ୍ତର ଅଶ୍ୱିନ ଲେଙ୍କା ଯୋଗ ଦେଇଥିଲେ। ଅତିଥିଗଣ ହେମସଗାର ସାହୁଙ୍କୁ ‘ସେବା ସମ୍ମାନ’ ରେ ସମ୍ମାନିତ କରିବା ସହ ତାଙ୍କ ତ୍ୟାଗ ଓ ନିଷ୍ଠାର ପ୍ରଶଂସା କରିଥିଲେ । ଉକ୍ତ କାର୍ଯ୍ୟକ୍ରମରେ ଓଡିଶାରେ ସମାଜସେବା କରୁଥିବା ବିଭିନ୍ନ ଜିଲ୍ଲାର ଅଗ୍ରଣୀ ଅନୁଷ୍ଠାନ ମାନଙ୍କୁ ମଧ୍ୟ ସମ୍ମାନିତ କରାଯାଇଥିଲା । (ରିପୋର୍ଟ -ପ୍ରଦୀପ କୁମାର ଗଉଡ )