ଓଡ଼ିଶା ତାଜା ନ୍ୟୁଜ (୨ ଡିସେମ୍ବର ବୁଧବାର ) ବ୍ରହ୍ମପୁର :- ବ୍ରହ୍ମପୁର ଆଜି ପୁଣି ଗଞ୍ଜେଇ ଚାଲାଣ ଧରାପଡିଲା । ବୈଦ୍ୟନାଥ ପୁର ଥାନା ଏସ ଆଇ ବିଭୁତି ଭୂଷଣ ସେଠୀ ଏବଂ ଏ ଏସ ଆଇ ଗୋପାଳ ପାଢୀ ରାତ୍ରିକାଳୀନ ପେଟ୍ରୋଲିଂ ବେଳେ ଆଜି ଭୋର ସକାଳ ସମୟରେ ଗଞ୍ଜେଇ ଚାଲାଣ ଧରିଛନ୍ତି । ପୁରୁଣା ବ୍ରହ୍ମପୁର ଗଣେଶ ନଗର ର ସାଗର ମୁଳି ନାମକ ଜଣେ ଅପରାଧୀ ଗଞ୍ଜେଇ ଧରି ଗୋପାଳପୁର ଛକ ଦେଇ ଯାଉଥିବା ବେଳେ ଖୋଡାସିଙ୍ଗି ଓଭରବ୍ରିଜ ନିକଟରେ ପୋଲିସ ହାତରେ ଧରା ପଡିଛନ୍ତି ।
ତାଙ୍କ ଠାରୁ ଏକ ନମ୍ବର ବିହୀନ ହିରୋ ହୋଣ୍ଡା ମୋଟର ସାଇକେଲ ସହ ୨୮କିଲୋ ୪୫୦ ଗ୍ରାମ ଗଞ୍ଜେଇ ଜବତ କରିଛି ପୋଲିସ । ଗଞ୍ଜେଇ ଚାଲାଣ କରୁଥିବା ସାଗର ମୁଳି କୁ ଗିରଫ କରିବା ସହ ଗଞ୍ଜେଇ ଜବତ କରାଯାଇ ବୈଦ୍ୟନାଥ ପୁର ଥାନା ରେ ଏକ ମାମଲା ୨୭୯/୨୦୨୦ ରୁଜୁ କରାଯାଇଛି । ସାଗର ମୁଳିଙ୍କ ନାମରେ ପୂର୍ବରୁ ବଡ ବଜାର ଥାନା,ବୈଦ୍ୟନାଥ ପୁର ଥାନା, ଗୋଳନ୍ଥରା ଥାନା ମାମଲା ରହିଥିବା ପୋଲିସ ପକ୍ଷ ରୁ ସୁଚନା ଦିଆଯାଇଛି ।(ରିପୋର୍ଟ ଶେଷଦେବ ସାହୁ )
