ତ୍ରିନାଥ ମନ୍ଦିର ପରିଚାଳନା କମିଟି ପକ୍ଷରୁ ସମ୍ବର୍ଦ୍ଧନା

ଓଡ଼ିଶା ତାଜା ନ୍ୟୁଜ (୧ ଡିସେମ୍ବର ମଙ୍ଗଳବାର) କଳାହାଣ୍ଡି :- ନର୍ଲା ବ୍ଳକ ଅନ୍ତର୍ଗତ ଗିଗିନା ଗ୍ରାମର ଶ୍ରୀ ତ୍ରିନାଥ ମନ୍ଦିର ପରିଚାଳନା କମିଟି ତରଫରୁ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ରୂପେ ବସନ୍ତ କୁମାର ବିଶି, ସମ୍ମାନୀତ ଅତିଥି ଭାବେ ସମାଜସେବୀ ଗୋବିନ୍ଦ ସାହୁ ଯୋଗଦେଇ ଥିଲେ । ଜାତୀୟ ସ୍ତରୀୟ ମେଡିକାଲ ଅଧ୍ୟୟନ କ୍ଷେତ୍ରରେ ଅପୂର୍ବ ସଫଳତା ପାଇଁ ଗିଗିନା ପଲ୍ଲୀ ମାଟିର ମହକ ସୁବାଷ ପଧାନଙ୍କୁ ମନ୍ଦିର ପରିଚାଳନା କମିଟି ତରଫରୁ ଅତିଥି ଦ୍ଵାରା ସମ୍ବର୍ଦ୍ଧିତ କରାଯାଇଥିଲା ।

ଏଠାରେ ସୂଚନାଯୋଗ୍ୟ ଆଜକୁ ପ୍ରାୟ ଦଶ ବର୍ଷ ହେଲା ତ୍ରିନାଥ ମନ୍ଦିର ଆନୁକୂଲ୍ୟରେ ରାହାସ ପୂର୍ଣ୍ଣିମା ଉପଲକ୍ଷେ ପ୍ରତିବର୍ଷ ଅଷ୍ଟ ପ୍ରହରୀ ନାମଯଜ୍ଞ ଅନୁଷ୍ଠିତ ହୁଏ । ଚଳିତ ବର୍ଷ କରୋନା ମହାମାରୀ ଯୋଗୁଁ ନାମଯଜ୍ଞ ହୋଇ ନ ଥିଲା । ତେବେ ପୂର୍ବରୁ ନାମଯଜ୍ଞ କର୍ତ୍ତା,ପୂଜକ ଓ ଗୁରୁମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ଅଧ୍ୟାପକ ଆଦିତ୍ୟ ଖମାରୀ,ବିଜୟ କୁମାର ବେହେରା, ଅବସରପ୍ରାପ୍ତ ନୈ।ସେନା କର୍ମଚାରୀ ସୁଶାନ୍ତ ବିଶି,ଦିଲୁ ବିଶି ଯୋଗଦାନ କରିଥିଲେ । ସଭାରେ ପରିଚାଳନା କମିଟି ସଭାପତି ବସନ୍ତ ପଧାନ ଓ ସଂପାଦକ ମର୍ଦ୍ଦରାଜ ଗଡତିଆ ସଭା ପରିଚାଳନା କରିଥିଲେ। (ରିପୋର୍ଟ ପ୍ରଦୀପ କୁମାର ଗଉଡ)