No Result
View All Result
![](https://odishatazanews.com/wp-content/uploads/2020/11/2-4-300x225.jpg)
ଓଡ଼ିଶା ତାଜା ନ୍ୟୁଜ୍ (୨୯ ନଭେମ୍ବର , ରବିବାର ) କଳାହାଣ୍ଡି :- ଧାନ ଅମଳ ସମୟରେ ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସି ହାରଭେଷ୍ଟର ଯନ୍ତ୍ରଟି ନିଆଁରେ ଜଳି ଉଠିଲା । ଏ ଭଳି ଏକ ଅଘଟଣ ଦୃଶ୍ୟ ନର୍ଲା ବ୍ଳକ ଅଧିନ ଲାଖଗୁଡା ଗ୍ରାମରେ ଘଟିଯାଇଛି । ଲାଖଗୁଡା ଗ୍ରାମର ଚାଷୀ ସାଲେକରାମ ଭୋଇ ତିତକେଲା ଗ୍ରାମରୁ ଧାନ ଅମଳ ଯନ୍ତ୍ର ଭଡାସୂତ୍ରରେ ଆଣି ନିଜ କିଆରୀରେ ଲଗାଇଥିଲେ । ଏହି ସମୟରେ ଜମି ଉପର ଦେଇ ଯାଇଥିବା ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସି ହାରଭେଷ୍ଟରଟି ନିଆଁରେ ଜଳି ଉଠିଥିଲା ।
![](https://odishatazanews.com/wp-content/uploads/2020/11/3-6-300x225.jpg)
ଚାଳକ ଜଣକଙ୍କ ଅସାବଧାନତା ଯୋଗୁଁ ଅଘଟଣ ଘଟିଥିବା ବେଳେ ସତର୍କତା ସହ ସେ ନିଆଁର ଆଁ ଭିତରୁ ବର୍ତ୍ତି ଯାଇଛନ୍ତି । ଘଟଣାସ୍ଥଳରେ ଉପସ୍ଥିତ ଲୋକେ ନର୍ଲା ଦମକଳ କେନ୍ଦ୍ରକୁ ଖବର ଦେବା ପରେ ଘଟଣାସ୍ଥଳକୁ ଦମକଳ କର୍ମଚାରୀ ଆସି ନିଆଁକୁ ଆୟତ୍ତ କରିଥିଲେ । ଦମକଳ କେନ୍ଦ୍ରର ସୂଚନା ମତେ ଅମଳଯନ୍ତ୍ରର ୭୦ ପ୍ରତିଶତ ଅଂଶ ପୋଡ଼ି ଯାଇଛି।ଗାଡି ଭିତରେ ଥିବା ଚାଷୀଙ୍କ ଅମଳଧାନ ମଧ୍ୟ ପୋଡ଼ି ନଷ୍ଟ ହୋଇଥିବା ଚାଷୀ ଜଣକ ଜଣାଇଛନ୍ତି । ( ରିପୋର୍ଟ-ପ୍ରଦୀପ କୁମାର ଗଉଡ )
No Result
View All Result