କଟକ, ବନ୍ଦ କୋଠରୀରୁ ଉଦ୍ଧାର ହେଲେ ଯୁବକ

ଓଡ଼ିଶା ତାଜା ନ୍ୟୁଜ୍ (୨୯ ନଭେମ୍ବର /ରବିବାର) କଟକ :- ବନ୍ଦ କୋଠରୀ ଭିତରୁ ଉଦ୍ଧାର ହେଲେ ଯୁବକ। ଘଟଣା ଟି ଘଟିଛି କଟକ ଚାଉଳିଆଗଞ ଥାନା ଅନ୍ତର୍ଗତ ବିଦ୍ୟାଧରପୁର ଦେବେନ୍ଦ୍ର ନଗର ଅଞ୍ଚଳରେ। ଯୁବକ ଜଣକ ଗୋଟିଏ ଘରେ ବନ୍ଦ ରହିଥିବାର ଖବର ପାଇ କିଛି ସାମ୍ବାଦିକ ପୋଲିସ୍ କୁ ଖବର ଦେଇଥିଲେ। ଚାଉଳିଆଗଞ ଥାନାର ପିସିଆର୍ ଗାଡି ପହଞ୍ଚି ଘରେ ପଡିଥିବା ତାଲାକୁ ଭାଙ୍ଗି ଯୁବକଙ୍କୁ ଉଦ୍ଧାର କରିଥିଲେ। ଉଦ୍ଧାର ଯୁବକଙ୍କ ନାମ ମାନସ ମିଶ୍ର ହୋଇଥିବାବେଳେ , ତାଙ୍କ ଘର ଯାଜପୁର କୋରେଇ ଉତ୍ତରାଗୋଳିଆ ଗ୍ରାମରେ। ସେ ପେଶାରେ ଜଣେ ଡ୍ରାଇଭର। ଯୁବକଙ୍କ କହିବା ଅନୁସାରେ ରାଜୁ ନାମକ ଏକ ଯୁବକ କିଛି ସାମଗ୍ରୀ ନେଇ ନୟାଗଡକୁ ଯିବା ପାଇଁ କହିଥିଲେ। ହେଲେ ରାଜି ନ ହେବାରୁ ଭୁବନେଶ୍ୱର ରସୁଲଗଡ଼ ଛକରେ ୪ ରୁ ୫ ଯୁବକ ପହଞ୍ଚି ତାଙ୍କୁ ମାଡ଼ ମାରି ମୁହଁରେ କପଡା ବାନ୍ଧି ବିଦ୍ୟାଧରପୁର ଦେବେନ୍ଦ୍ର ନଗରରେ ଏକ ରୁମ୍ କୁ ନେଇ ଆସିଥିଲେ ।

ଗତ ଶୁକ୍ରବାର ଠୁ ତାଲା ପକାଇ କବାଟ ବନ୍ଦ କରି ରଖି ଫେରାର ହୋଇଯାଇଥିଲେ। ତେବେ ଏହି ଯୁବକ କିପରି ଆଉ କେଉଁଠୁ ଆସିଲା , ସେ ବାବଦରେ ଘର ମାଲିକ ବାବାଜି ଦାସ କିଛି ଜାଣି ନାହାନ୍ତି ବୋଲି କହିଛନ୍ତି। ତେବେ ଉଦ୍ଧାର ସମୟରେ ଯୁବକ ଖାଦ୍ୟ ଅଭାବରୁ ସ୍ୱାସ୍ଥ୍ୟ ଅବସ୍ଥା ଠିକ୍ ନ ଥିବା ବେଳେ ସାମ୍ବାଦିକ ମାନେ କିଛି ଖାଦ୍ୟ ଖାଇବାକୁ ଦେଇଥିଲେ। ପରେ ପୋଲିସ୍ ଭ୍ୟାନ୍ ରେ ବସାଇ ଥାନାକୁ ନେଇ ଯାଇଥିବାବେଳେ ତାଙ୍କ ପରିବାକୁ ଡକାଇ ହସ୍ତାନ୍ତର କରାଯିବ ବୋଲି ପୋଲିସ୍ କହିଛି। ଆଉ ଏହି ଅପହରଣ ଘଟଣାରେ କିଏ କେଉଁଥି ପାଇଁ କହଁକି ଏଭଳି ଭାବରେ ଅପହରଣ କରିଛି ଆଉ ଏହି ଘଟଣାର ଅନ୍ୟ କିଛି କାରଣ ଅଛିକି ,କିଏ ସମ୍ପୃକ୍ତ ଅଛନ୍ତି ସେ ନେଇ ଅଧିକ ତଦନ୍ତ କରୁଛି ଚାଉଳିଆଗଞ ଥାନା ପୋଲିସ । (କଟକ ରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)