ବିଦେଶୀ ମଦ ଜବତ , ଜଣେ ଗିରଫ

ଓଡ଼ିଶା ତାଜା ନ୍ୟୁଜ୍ (୨୮ ନଭେମ୍ବର ଶନିବାର ) ହିଞ୍ଜିଳିକାଟୁ :–  ହିଞ୍ଜିଳି ଥାନା ଦୁର୍ବନ୍ଧ ଗ୍ରାମର ଜଣେ ବେଆଇନ ଭାବେ ବିଦେଶୀ ମଦ ବିକ୍ରି କରୁଥିବା ଅଭିଯୋଗରେ ହିଞ୍ଜିଳି ପୁଲିସ ଶୁକ୍ରବାର ଚଢାଉ କରି ଜଣେ ଯୁବକଙ୍କୁ ଗିରଫ କରିଛି । ଗିରଫ ଜଣକ ସଂପୃକ୍ତ ଗ୍ରାମର ନରହରି ବେହେରା । ଗିରଫ ବ୍ୟକ୍ତିଙ୍କ ନିକଟରୁ ବିଭିନ୍ନ ବ୍ରାଣ୍ଡର ପ୍ରାୟ ୨୬.୧୪୦ ଲିଟର ବିଦେଶୀ ମଦ ଜବତ କରାଯାଇଛି । ଏ ନେଇ ହିଞ୍ଜିଳି ଥାନାରେ ୪୨୮/୨୦ ରେ ଏକ ମାମଲା ରୁଜୁ କରି ଶନିବାର କୋର୍ଟ ଚାଲାଣ କରାଯାଇଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ କହିଛନ୍ତି । ପ୍ରକାଶ ଥାଉକି, ହିଞ୍ଜିଳି ଥାନା ଅଞ୍ଚଳର ବହୁ

ଗ୍ରାମରେ ପାନ ଦୋକାନ ଠାରୁ ଆରମ୍ଭ କରି ହୋଟେଲ, ଫାଷ୍ଟଫୁଡ୍, ଢ଼ାବା ସମେତ ବିଭିନ୍ନ ଦୋକାନ ଗୁଡିକରେ ବେଆଇନ ଭାବେ ଦେବୀ ଓ ବିଦେଶୀ ମଦ ଖୁଲୁମ ଖୁଲା ବିକ୍ରି ହେଉଥିବା ବେଳେ ସ୍ଥାନୀୟ ଅବକାରୀ ବିଭାଗ ପକ୍ଷରୁ ଚଢାଉ କରାଯାଉନଥିବା ଅଭିଯୋଗ ହେଉଛି । ଚୋରା ମଦ ବେପାରୀଙ୍କ ସହ ସ୍ଥାନୀୟ ଅବକାରୀ ବିଭାଗ କର୍ମଚାରୀ ମାନଙ୍କ ମଧୂଚନ୍ଦ୍ରିକା ଚାଲିଥିବା ନେଇ ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି । ବିଭାଗୀୟ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେଇ ଅର୍ତକିତ ଚଢ଼ାଉ କଲେ ବହୁ ଗୋପନ ରହସ୍ୟ ଜଣାପଡ଼ିବ ବୋଲି ଚର୍ଚ୍ଚା ଜୋର ଧରିଛି ।  ( ରିପୋର୍ଟ – ଶୁସାନ୍ତ ପ୍ରଧାନ )