ସିଡିଏ ଫେଜ-୨ରେ ଅଗ୍ନିକାଣ୍ଡ ଘଟି ୧୨ ପରିବାର ଏବେ ବାସହରା

ଓଡ଼ିଶା ତାଜା ନ୍ୟୁଜ୍ ( ୨୫ ନଭେମ୍ବର ବୁଧବାର ) କଟକ :-  ମଙ୍ଗବାର ମଧ୍ୟ ରାତ୍ରରେ ଭୟାବହ ଅଗ୍ନିକାଣ୍ଡ ଘଟିଛି । ସିଡିଏ ଫେଜ -୨ ଅନ୍ତର୍ଗତ ସେକ୍ଟର ୧୦ ରେ ବାରରୁ ଅଧିକ ଘରେ ନିଆଁ ଲାଗିଯାଇଛି । ଘଟଣାସ୍ଥଳରେ ଦମକଳ ବାହିନୀ ପହଁଚିବା ବିଳମ୍ବ ହେବାରୁ ବହୁ ଘର ପୋଡି ଯାଇଥିଲା । ତେଣୁ ସ୍ଥାନୀୟ ବାସିନ୍ଦା ମାନେ ନିଆଁ ଲିଭାଇବା କାର୍ଯ୍ୟ କରିବାରୁ ନିଆଁ ଆୟତ୍ତ ହୋଇଥିଲା । ସୂଚନା ଅନୁସାରେ ମଧ୍ୟରାତ୍ରରେ ହଠାତ୍ ନିଆଁ ଲାଗିଯିବାରୁ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଯାଇଥିଲା ।

ଅଗ୍ନିକାଣ୍ଡ ଫଳରେ ଗୋଟିଏ ପରେ ଗୋଟିଏ ଘରେ ନିଆଁ ଲାଗିଯାଇଥିଲା । ନିଆଁରେ 12ରୁ ଅଧିକ ଘର ପୋଡି ଭସ୍ମୀଭୂତ ହୋଇଯାଇଛି । ପାଖାପାଖି 3 ରୁ 4 ଲକ୍ଷ ଟଙ୍କା ର ଆସବାବପତ୍ର ଜଳିଯାଇଛି । ଏହି ଶ୍ରମିକ ଶ୍ରେଣୀର ଲୋକମାନଙ୍କ ନିଜର ପିନ୍ଧିଥିବା କପଡା ଛଡା ସର୍ବସ୍ୱ ଜଳିଯାଇଛି । ଏଭଳିକି ପାଖରେ ନା ମୋବାଇଲ ଅଛି ନା ଗାଡି । ଅଗ୍ନିକାଣ୍ଡ ଫଳରେ କେହି ମୃତାହତ ହୋଇନଥିବା ବେଳେ ଅଗ୍ନିକାଣ୍ଡ ର କାରଣ ଅସ୍ପଷ୍ଟ ରହିଛି । (ରିପୋର୍ଟ- ଅମୂଲ୍ୟ କୁମାର ବାରିକ)