ଗ୍ରାମ୍ୟ ସଂସ୍କୃତି ଓ ପରମ୍ପରା ଉପରେ ଆଧାରିତ କ୍ଷୁଦ୍ର ଚଳଚ୍ଚିତ୍ର ଟାଙ୍ଗର ମୁକ୍ତିଲାଭ ଅପେକ୍ଷାରେ

ଓଡ଼ିଶା ତାଜା ନ୍ୟୁଜ (୨୪ ନଭେମ୍ବର ମଙ୍ଗଳବାର) କଳାହାଣ୍ଡି :- ଆସନ୍ତା ନଭେମ୍ବର ୨୬ ତାରିଖରେ ମୁକ୍ତିଲାଭ ହେବାକୁ ଯାଉଛି କ୍ଷୁଦ୍ର ଚଳଚ୍ଚିତ୍ର ଟାଙ୍ଗର। ଆଞ୍ଚଳିକ ଭାଷା ସହ ଗ୍ରାମ୍ୟ ସଂସ୍କୃତି ଓ ପରମ୍ପରା ଅନୁସାରେ ଆଧାରିତ ଏହି ଚଳଚ୍ଚିତ୍ରରେ ଟ୍ରେଲର ମୁକ୍ତିଲାଭ କରିସାରିଛି। ବର୍ତ୍ତମାନ ସମୟରେ ମଣିଷ ଉଗ୍ର ଆଧୁନିକ ସଭ୍ୟତାର ମୋହରେ ପଡ଼ି ଭୁଲିଯାଉଛ ନିଜ ମାଟି, ସଂସ୍କୃତି ଓ ପରମ୍ପରାକୁ। ପୁଣି ଥରେ ଆଧୁନିକ ମଣିଷର ଚିନ୍ତାଧାରାକୁ ନିଜମାଟି,

ସଂସ୍କୃତି ଓ ପରମ୍ପରା ଆଡ଼କୁ ଫେରାଇବା ପାଇଁ ଏହି ଚଳଚ୍ଚିତ୍ର ନିର୍ମାଣ କରାଯାଇଥିବା ପ୍ରଯୋଜନା ସଂସ୍ଥା କହିଛି।ଏ‌ହାର ପ୍ରଯୋଜନାରେ ପଣ୍ଡିତ ଅଜିତ କୁମାର ଦାଶ, କାହାଣୀ, ସଂଳାପ ଓ ନିର୍ଦ୍ଦେଶନାରେ ଅଛନ୍ତି କବି ପ୍ରଶାନ୍ତ କୁମାର ଦାଶ, ସଂଗୀତରେ କଣ୍ଠଶିଳ୍ପୀ ଅଛନ୍ତି ଜଗମୋହନ ସାହୁ ଓ ପ୍ରଡକ୍ସନ ଡିଜାଇନର ଭାବରେ ଭାଗିରଥି ବାରିକ ,ଦୀପକ କୁମାର ଦାଶ ଅଛନ୍ତି। (ରିପୋର୍ଟ /ପ୍ରଦୀପ କୁମାର ଗଉଡ)